Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:3 - BAEBOLO ANZƐƐ BULUKU NWUANZANWUANZA

³ Bɛle Nyamenle menli, zɔhane ati bɛye adwɔmanebɔlɛ anzɛɛ nyɛleɛ ɛtane ɛtane anzɛɛ anyebolo wɔ bɛ nu bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:3 ပူးပေါင်းရင်းမြစ်များ

Edwɛndolɛ Buluku ne 10:3

Ɔluakɛ amumuyɛnli fa mɔɔ ɔkpondɛ la tu ɔ nwo, yɛɛ mɔɔ di ndunlumi la ɛmbu Nyamenle, ɔkpo ye.

Edwɛndolɛ Buluku ne 119:36

Maa me ahonle ɛbikye wɔ ngyehyɛlɛ ne mɔ ɛdɛla kɛ menwɔnyia me nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:21

Akee ye menli mɔɔ di munli wɔ menli ne anu la, menli mɔɔ sulo Nyamenle, menli mɔɔ di nɔhalɛ, yɛɛ menli mɔɔ kyi ndoloboa la, na maa menli zɛhae mɔ ɛnlea menli apenle apenle, menli ɛya ɛya, menli abulanlu abulanlu, yɛɛ menli bulu bulu nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:17

“Bɛmmamaa bɛ nye bolo bɛ gɔnwo sua nu; bɛmmamaa bɛ nye bolo bɛ gɔnwo aye, anzɛɛ ye sonvolɛ nrenya, anzɛɛ ye sonvolɛ raalɛ, anzɛɛ ye ɛnlankɛ nyinli, anzɛɛ ye asoaso, anzɛɛ bɛ gɔnwo debie biala.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:13

“Edwɛkɛ biala mɔɔ meha mehile bɛ la, bɛdie ye boɛ. Bɛmmabɔ nyamenle gyɛne biala duma, yɛɛ bɛmmamaa bie duma finde bɛ nloa.

Mrɛlɛbulɛ Buluku ne 28:16

Maanlebuvolɛ mɔɔ ɛnlɛ ndelebɛbo la ati yɛ se yɛɛ ɔdi nzisi, na sonla mɔɔ kyi nzisi la nyi kyɛ.

Gyɛlɛmaya Buluku ne 22:17

Na wɔmɔ, ɛlɛ ɛnyelɛ nee ahonle mɔɔ ɛfa ɛwua menli ɛnyia ɛ nwo, ɛfa ɛka menli mɔɔ ɛnze nwolɛ bie la mogya ɛgua, na ɛfa ɛsisi wɔ menli ne, ɛyɛ bɛ amumuyɛ.

Gyɛlɛmaya Buluku ne 6:13

Ɔluakɛ ngakula nee mgbanyinli kɔsɔɔti ɛva ɛzie bɛ nyunlu kɛ bɛkpondɛ ezukoa awule nu. Nyamenle kpɔmanvolɛma nee sɛlɛvolɛma amuala sisi menli ne.

Gyɛlɛmaya Buluku ne 8:10

Yemɔti mebava bɛ ye mɔ meamaa mrenya fofolɛ, na meava bɛ egyinli ne mɔ meamaa menli mɔɔ bali bɛ nwo zo konim la, ɔluakɛ bɛ mgbanyinli nee bɛ ngakula kɔsɔɔti ɛlɛkpondɛ ezukoa anyebolo nu. Ɔvi Nyamenle kpɔmanvolɛma anwo zo mɔɔ badwu sɛlɛvolɛma anwo zo la, biala ɛnli nɔhalɛ.

Yizikeɛle Buluku ne 33:31

Bɛba ɛ nwo ɛkɛ, kɛmɔ awie biala ba la, bɛbatɛnla ɛ nwo ɛkɛ kɛ asɛɛ me menli la, na bɛtie mɔɔ ɛka la, noko bɛnrɛyɛ ye ɛlɛ, ɔluakɛ bɛfa bɛ nloa a bɛkile bɛ ɛhulolɛ a, na bɛ ahonle ɛdeɛ, yemɔ ɔgyi bɛdabɛ bɛ ngome bɛ kpalɛyɛlɛ zo.

Sɛlɛ 15:18

Saa nrenya nee raalɛ da na ɔ nwo ba a, ɔwɔ kɛ bɛ mu nwiɔ bɛbia, yɛɛ bɛ nwo ɛnrɛde toonwo nɔsolɛ.

Maeka Buluku ne 2:2

Bɛ nye bolo awie mɔ ɛya avule na bɛsa bɛ bɛdie; bɛ nye bolo awie mɔ azua na bɛdie bɛfi bɛ sa nu; bɛsisi awie mɔ bɛdie bɛ agyadeɛ nee bɛ sua nu amra.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:1

Mɔɔ Yizilayɛma yɛle azokoɛleɛ wɔ Akasea Bɔnza la, Yizilayɛ mrenya bɔle ɔ bo kɛ bɛ nee Mowabe mraalɛ bɔ adwɔmane ɛbɛla.

Edwɛkpa ne kɛmɔ Mateyu hɛlɛle la 15:19

Ɔluakɛ ahonle nu yɛɛ adwenle ɛtane mɔɔ le kɛ sonla ɛhunlɛ, awuvolɛvalɛ, adwɔmanebɔlɛ, awule ɛyɛlɛ, daselɛ adalɛ ɛlilɛ, yɛɛ nwondomgbɔ ɛpɛlɛ vi ba a.

Edwɛkpa ne kɛmɔ Luku hɛlɛle la 12:15

Na ɔzɔle zolɛ ɔzele menli ne amuala kɛ, “Bɛmmayɛ anyebolo wɔ adenle biala anu, ɔboalekɛ sonla ngoane ɛnle ye anwonyia anzɛɛ ye ezukoa kpole mɔɔ ɔlɛ la anu.”

Edwɛkpa ne kɛmɔ Luku hɛlɛle la 16:14

Falasiima ne mɔ dele ɛhye amuala la, bɛgolole Gyisɛse anwo, ɔboalekɛ bɛkulo ezukoa kpalɛ.

Ɛzoanvolɛma Gyima ne 15:20

Bɛmaa yɛhɛlɛ kɛlata yehɔmaa bɛ kɛ bɛhwe bɛ nwo bɛvi ninyɛne mɔɔ anwo ɛnde, mɔɔ le kɛ aleɛ mɔɔ bɛva bɛkpa munzule anzɛɛ bɛva bɛzɔ amonle la anwo, nee ninyɛne mɔɔ le kɛ adwɔmane ɛbɔlɛ nee nane mɔɔ bɛlofo ye bɛhu ye na bɛampɛ ɔ kɔme la ɛlilɛ nee mogya nwo.

Ɛzoanvolɛma Gyima ne 20:33

Me nye ambolo awie biala ezukoa nvutuke, dwɛtɛ fufule anzɛɛ ndanlɛ.

Wulo 1:29

Ninyɛne mɔɔ le kɛ amumuyɛ, asiayɛ, anyebolo, ngunzi, nungule, kɔdiawu, konle, adalɛ nee nwondomgbɔ la ɛyi bɛ tɛkɛɛ. Bɛye ndɛne,

Wulo 16:2

Bɛlie ye wɔ Awulae duma nu, kɛ bɛkɛlie Nyamenle menli ne mɔ bie ala la, na bɛmaa ye moalɛ biala mɔɔ ɔkɛhyia nwolɛ la, ɔluakɛ ɔle sonla mɔɔ yeboa menli dɔɔnwo nee medame noko a.

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

1 Kɔl 10:8

Ɔnle kɛ yɛbɔ adwɔmane ɛbɛla biala kɛmɔ bɛ bie mɔ bɔle a bɛ nuhua apenle ngoko abulanwiɔ nee nsa dɔle kenle ko la.

1 Kɔl 5:1

Kɛkala menli ɛraha kɛ bɛlɛbɔ adwɔmane ɛbɛla bie mɔɔ bɛdabɛ mɔɔ bɛnzonle Nyamenle bɔbɔ la ɛnrɛbɔ a. Mede kɛ kpavolɛ bie ɛva ɔ ze aye.

1 Kɔl 6:13

Awie noko bahola aha kɛ, “Bɛbɔle aleɛ bɛmanle ɛkolɛ, yɛɛ bɛbɔle ɛkolɛ bɛmanle aleɛ.” Ɔle zɔhane, noko Nyamenle bazɛkye bɛ mu nwiɔ. Bɛmmafa bɛ sonlabaka ne bɛbɔ ɛbɛla mgbane mgbane biala; bɛva bɛzonle Awulae. Awulae a maa sonlabaka ne mɔɔ ɔhyia nwo la a.

1 Kɔl 6:18

Bɛgyakyi ɛbɛla mgbane mgbane ɛbɔlɛ. Ɛtane biala mɔɔ sonla yɛ la ɛnga ye sonlabaka ne; na awie biala mɔɔ kɛbɔ adwɔmane ɛbɛla la yɛ ɛtane tia ɔdaye ye sonlabaka ne.

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:12

Ɔyɛ nyiane kpole bɔbɔ kɛ bɛkɛha bɛ ninyɛndane mɔɔ bɛyɛ ye fealera nu la anwo edwɛkɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:5

Bɛde ɛhye abo kpalɛ, awie biala mɔɔ bɔ adwɔmane anzɛɛ ye ɛbɛla nwo ɛnde anzɛɛ ɔle anyebolo (anyebolo le awozonlezonlenlɛ) la ɛnrɛnyia agyadeɛ wɔ Kelaese nee Nyamenle Belemgbunlililɛ ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

1 Tɛs 4:3

Nyamenle ɛhulolɛdeɛ a le kɛ bɛ nwo kɛde na bɛkɛhwe bɛ nwo bɛkɛvi adwɔmane ɛbɔlɛ nwo.

1 Tɛs 4:7

Nyamenle anvɛlɛ yɛ kɛ yɛrabɔ ɛbɛla mgbane mgbane, ɔvɛlɛle yɛ kɛ yɛrayɛ menli mɔɔ anwo te a.

1 Tem 2:10

Meka ɛbɛla kpalɛ ɛbɔlɛ mɔɔ fɛta mraalɛ mɔɔ sonle Nyamenle la.

1 Tem 3:3

ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:11

Ɔwɔ kɛ ɛtua bɛ, ɔboalekɛ ɔlua ezukoakpondɛlɛ ti bɛlɛkilehile mɔɔ ɔnle kɛ bɛkilehile la, na bɛlɛsɛkye mbusua dɔɔnwo bɛabɔ bɛ awuke.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7

Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

Kɛlata mɔɔ bɛhɛlɛle bɛhɔmanle Hibuluma la 12:16

Bɛnlea boɛ na bɛ bie annyia subane ɛtane anzɛɛ anyɛ kɛ Yisɔ mɔɔ nyamenlezonlenlɛ ɛnle ye nu la ati, yeangola ɔ nwo sɔ na aleɛ ti ɔdɔnenle ye kpanyinli la.

Dwɔhyua Buluku ne 7:21

ninyɛne mɔɔ yɛhonle yɛvale la menwunle anwuma tɛladeɛ kɛnlɛma bie mɔɔ bɛyɛle ye wɔ Babelonia la, dwɛtɛ fufule mɔɔ ye ɛnlomboɛ to kɛyɛ tone nu kilo nwiɔ, ezukoa nvutuke kpɔma ko mɔɔ kɛyɛ kilo foa ko la, na me nye bolole bɛ. Yemɔti menvale. Mevu meyɛ me ndanlɛ sua ne abo, na dwɛtɛ fufule ne a li ɔ bo kpalɛ a.”

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

2 Pit 2:10

Bɛdabɛ mɔɔ bɛli bɛ atiakunluwɔzo ɛtane nzi na bɛkpo Nyamenle la kɛ bɛbawie ye la ɛne. Kilehilevolɛma alane ɛhye mɔ si bɛ kɛnra, bɛmemaa bɛ nwo zo kpalɛ, yɛɛ bɛmbu anyunlunyiama mɔɔ wɔ anwuma la na bɛtendɛ bɛtia bɛ.

2 Pit 2:14

Adwɔmanebɔlɛ ɛnzea bɛ adenle yɛɛ bɛnze ɛtane nwo nyiane nretee zɛhae. Bɛbɛlɛbɛla bɛdabɛ mɔɔ bɛtɛtinle sunsum nu la. Anyebolo ɛwie bɛ ku! Abule ɛbu bɛ!

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Yekile 2:14

Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.

Yekile 2:21

Memanle ye mekɛ kɛ ɔva ɔnlu ɔ nwo, noko ɔngulo kɛ ɔkɛgyakyi ye adwɔmane ɛbɛla ne.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.

Yekile 9:21

Eza menli ne mɔ annu bɛ nwo wɔ bɛ kɔdiawu nyɛleɛ, ngonyia, awule, nee adwɔmane ɛbɛlabɔlɛ nwo.

1 Sam 8:3

Noko bɛanva bɛ ze agyakɛ. Bɛ nye bolole ezukoa, bɛliele ndoloboa na bɛbule bɛ nye bɛguale pɛlepɛlelilɛ zo.