Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:29 - BAEBOLO ANZƐƐ BULUKU NWUANZANWUANZA

²⁹ Awie ɛnrɛkpɔ ɔdaye ɔ nwo ɛlɛ; mɔɔ ɔyɛ la a le kɛ ɔdi ɔ nwo adane na ɔnea ye sonlabaka ne boɛ, kɛmɔ Kelaese noko yɛ Asɔne ne la,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:29 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:23

Na nrenya ne zele kɛ, Ɛhye le me mbowule nu bowule, ɔle me nwonane nu nwonane; bɛbavɛlɛ ye “Raalɛ”, ɔboalekɛ ɔvi sonla nrenya nu a ɔrale a.

Mrɛlɛbulɛ Buluku ne 11:17

Sonla mɔɔ atiakunlu le kpalɛ la nyia ye kpalɛyɛlɛ ne azo nvasoɛ, na atisesebɛnli ne boda ɔ ngome ɔ nwo.

Nolo 4:5

Koasea yɛɛ fa ɔ sa sia ye ɛzɔlɛ avinli na ɔkye ɛhɔne a.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Yizikeɛle Buluku ne 34:27

Ɛbɔ nu mbaka bazo ma amaa bɛ, na azɛlɛ ne amaa bɛ aleɛ ahye, na bɛ nwo adɔ bɛ wɔ bɛ maanle ne anu. Saa meye bɛ kɔme kpomgbolo, na medie bɛ mefi menli mɔɔ ɛva bɛ ɛyɛ bɛ ahanra la asa anu a, bɛbanwu kɛ medame a mele Ɛdɛnkɛma a.

Edwɛkpa ne kɛmɔ Mateyu hɛlɛle la 23:37

“Gyɛlusalɛm, O Gyɛlusalɛm! Mɔɔ ɛku Nyamenle kpɔmanvolɛma, ɛsi menli mɔɔ Nyamenle ɛzoa bɛ wɔ ɛ nwo la awolɛ a! Fane dɔɔnwo yɛɛ mehulo kɛ anrɛɛ menwɔva me sa menwɔbɛla wɔ menli ne amuala kɛ akɔlɛ ɛdane butu ɔ mra anwo zo la, noko wɔammaa me adenle.

Edwɛkpa ne kɛmɔ Mateyu hɛlɛle la 6:26

Bɛnlea nloma mɔɔ luolua anwomanyunlu la. Bɛnlua, bɛmbu, yɛɛ bɛnlɛ bonwolo; Selɛ ne mɔɔ wɔ anwuma la a yɛne bɛ a. Na asoo bɛ nwo ɛngyia ɛndɛla nloma?

Wulo 1:31

bɛle ahɔnwɔne, bɛnlɛ diedi, bɛnze ahunlunyele yɛɛ bɛ ti yɛ se kpalɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:28

Zɔhane ala yɛɛ ɔwɔ kɛ kunlima kulo bɛ ye mɔ kɛ bɛ nwo la. Nrenya mɔɔ kulo ɔ ye la kulo ɔdaye mumua ne ɔ nwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:30

ɔluakɛ yɛle ye sonlabaka ne nvɛyeba ne mɔ bie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:31

Nyamenle Edwɛkɛ ne se, “Ɛhye ati nrenya bagyakyi ɔ ze nee ɔ nli na yeava ɔ nwo yeabeta ɔ ye anwo, na bɛ mu nwiɔ bɛayɛ menli nwiɔ mɔɔ le nwonane ko a.”