Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:25 - BAEBOLO ANZƐƐ BULUKU NWUANZANWUANZA

²⁵ Kunlima, bɛhulo bɛ ye mɔ kɛmɔ Kelaese hulole Asɔne ne na ɔdole ye ngoane aze wɔ ɔ ti la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:25 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:24

Yemɔti a nrenya fi ɔ ze nee ɔ nli anwo na ɔfa ɔ nwo ɔbɔ ɔ ye anwo kyengye, na bɛ mu nwiɔ bɛbɔ nu bɛyɛ nwonane ko a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:67

Ayezeke akee vale Relɛbɛka hɔle ɔ nli Sɛla ndanlɛ sua ne anu na Relɛbɛka yɛle ɔ ye; Ayezeke hulole ye somaa, yemɔti akee ɔ rɛle kyekyele na ɔ rɛle vile ɔ nli ewule ne.

2 Sam 12:3

Na ehyianli ne, debie mɔɔ ɔlɛ ye wɔ aleɛabo la a le boane ralɛ kokye mɔɔ ɔdɔle la. Ɔnleanle ye boɛ; awuke ne anu ngakula nee ye luoluale ɛkɛ ne toonwo ɔnyinle kɛnlɛma bie. Ehyianli ne anloa anu aleɛ bɔbɔ mɔɔ ɔwɔ kɛ ɔdi la, ɔvale ɔmanle boane ne. Ye kanrɛlɛ mɔɔ ɔdaye mumua ne ɔno nuhua la yɛɛ boane ne no nu a. Ɔyɛle boane ne kɛ ɔ ra raalɛ la, dahuu kɛ ɔde ɔ gyakɛ azo ala ɛne.

Sɔlɔmɔn Edwɛne 1:11

Yɛbayɛ ezukoa nvutuke anwoneɛ yɛamaa wɔ, yɛava dwɛtɛ fufule yɛaduodua nu.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:24

Zɔhane ati yelɛma ɛha bɛ nwo aze bɔkɔɔ ɛmaa bɛ hu mɔ, kɛmɔ asɔne ne yɛ maa Kelaese la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:28

Zɔhane ala yɛɛ ɔwɔ kɛ kunlima kulo bɛ ye mɔ kɛ bɛ nwo la. Nrenya mɔɔ kulo ɔ ye la kulo ɔdaye mumua ne ɔ nwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:33

Noko ɔwɔ kɛ kunli biala kulo ɔ ye kɛ ɔdaye ɔ nwo, na yelɛ biala noko di ɔ hu eni.

Kɔlɔ 3:19

Kunlima, bɛhulo bɛ ye mɔ, bɛmmayɛ bɛ nwo zo kengɛndɛɛnye.

1 Tem 2:6

mɔɔ vale ɔ nwo manle kɛ ɔkpɔne menli kɔsɔɔti yeavi bɛ ɛtane nu la. Mekɛ kpalɛ ne dwule la ɔhilele kɛ Nyamenle kpondɛ kɛ menli kɔsɔɔti nyia ngoane.

1 Pit 3:7

Zɔhane ala yɛɛ bɛmɛ mrenya noko, saa bɛ nee bɛ ye mɔ de a ɔwɔ kɛ bɛnwu ye kɛ bɛle mraalɛ na bɛnlɛ anwosesebɛ a. Yemɔti bɛli bɛ eni, ɔboalekɛ bɛ nee bɛ bɛ muala a bɛbanyia Nyamenle ngoane ɛlolɛ ahyɛlɛdeɛ ne a. Bɛyɛ ɛhye, amaa debie biala andenda bɛ gyakɛ anu wɔ bɛ nzɛlɛlɛ nu.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.