Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21 - BAEBOLO ANZƐƐ BULUKU NWUANZANWUANZA

²¹ Kɛmɔ bɛdi Kelaese eni la, bɛha bɛ nwo aze bɛmaa bɛ nwo ngoko ngoko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 16:9

Ɛdɛnkɛma soanvolɛ ne zele ye kɛ, “Sia kɔ ɛ menle raalɛ ne anwo lɔ na kɔyɛ bɛlɛvolɛ maa ye.”

1 Edk 29:24

Safohyenlema nee ɛlɔnema ne amuala nee Devidi amra mrenya mɔɔ hale la amuala vuale kɛ bɛkɛli nɔhalɛ bɛkɛmaa Sɔlɔmɔn kɛ ɔle belemgbunli.

2 Edk 19:7

Bɛzulo Ɛdɛnkɛma na bɛnlea boɛ wɔ mɔɔ bɛkɛze kɛ bɛyɛ la anwo, ɔluakɛ Ɛdɛnkɛma yɛ Nyamenle ne ɛnli mɔguazo, ɔnnea sonla nyunlu, yɛɛ ɔnlie ndoloboa.”

Nihɛmaya Buluku ne 5:15

Amɛnlado biala mɔɔ ɛnee li me nyunlu la yɛle adesoa manle menli ne. Bɛliele aleɛ nee nwanye ezukoa, akee asolo nwolɛ kenle ko dwɛtɛ fufule abulanla ne mɔɔ bɛdie la. Bɛ sonvolɛma bɔbɔ wulule gyinlanle menli ne akɔme zo. Na mame, ɔlua Nyamenle ɛzulolɛ ti meanyɛ zɔhane.

Nihɛmaya Buluku ne 5:9

Yemɔti menzele bɛ kɛ, “Nyɛleɛ mɔɔ bɛlɛyɛ la ɛnle kpalɛ. Ɔwɔ kɛ bɛsulo Nyamenle na bɛbɔ ɛbɛla mɔɔ le fɔɔnwo la, amaa bɛammaa yɛ kpɔvolɛma nee menli mɔɔ ɛnze Nyamenle la adenle bɛanzi yɛ amgbu.

Mrɛlɛbulɛ Buluku ne 24:21

Me ra nrenya, sulo Ɛdɛnkɛma na di belemgbunli eni, yɛɛ mmatu biala anloa ɛto,

1 Kɔl 16:16

Me mediema, mebodo mesɛlɛ bɛ, bɛli menli mɔɔ le zɛhae, nee awie biala mɔɔ nee bɛ yɛ gyima nee bɛ sonle la ngilehilelɛ zo.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:22

Yelɛma, bɛha bɛ nwo aze bɛmaa bɛ hu mɔ, kɛmɔ bɛyɛ bɛmaa Awulae la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:24

Zɔhane ati yelɛma ɛha bɛ nwo aze bɔkɔɔ ɛmaa bɛ hu mɔ, kɛmɔ asɔne ne yɛ maa Kelaese la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

1 Tem 2:11

Mraalɛ ɛyɛ koonwu, ɛbɛlɛ bɛ nwo aze ɛzukoa.

1 Tem 3:4

Ɔwɔ kɛ ɔyɛ sonla mɔɔ kola bu ɔdaye ye awuke ne kpalɛ na ɔ mra fa enililɛ tie ye edwɛkɛ a.

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.

1 Pit 2:13

Awulae ati bɛha bɛ nwo aze bɛmaa menli mɔɔ lɛ tumi wɔ bɛ sa nu mɔɔ le kɛ Maanle Maanle Belemgbunli ne, mɔɔ yemɔ a maanle ne anu tumi wɔ ɔ sa nu la,

1 Pit 2:17

Bɛli menli kɔsɔɔti eni. Bɛhulo bɛ gɔnwo mɔ diedima. Bɛzulo Nyamenle na bɛli Maanle Maanle Belemgbunli ne eni.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”