Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:20 - BAEBOLO ANZƐƐ BULUKU NWUANZANWUANZA

²⁰ Bɛlua yɛ Awulae Gyisɛse Kelaese duma nu bɛyɛ Nyamenle Selɛ ne mo dahuu wɔ debie biala anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:20 ပူးပေါင်းရင်းမြစ်များ

Dwobu Buluku ne 1:21

Ɔse, “Meanva bie meamba na mekɔ a meava bie meahɔ. Ɛdɛnkɛma a vale manle me a, yɛɛ Ɛdɛnkɛma a ɛlie ye debie a. Ayɛlɛyelɛ ɛha Ɛdɛnkɛma duma ne.”

Edwɛndolɛ Buluku ne 34:1

Mebayɛ Ɛdɛnkɛma mo dahuu; dahuu mebaye ye ayɛlɛ.

Ayezaya Buluku ne 63:7

Mebaha Ɛdɛnkɛma ɛhulolɛ kpundii ne anwo edwɛkɛ; mebaye Ɛdɛnkɛma ayɛlɛ wɔ mɔɔ yeyɛ yemaa yɛ la amuala anwo, nee boɛ kpole mɔɔ yeyɛ yemaa Yizilayɛma la; ɔyɛle ɔmanle bɛ, kɛmɔ ye anwunvɔnezelɛ ne nee kɛ ye ɛhulolɛ kpundii ne kpole si de la.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 1:8

Medumua mealua Gyisɛse Kelaese anwo zo meayɛ Nyamenle mo wɔ bɛ kɔsɔɔti bɛ ti, ɔluakɛ bɛ diedi nganeɛ ɛdwu ewiade amra amuala anzo nu.

1 Kɔl 1:4

Dahuu meyɛ me Nyamenle ne mo memaa bɛ kɛ yelua Kelaese Gyisɛse anwo zo yelo bɛ a.

1 Kɔl 15:24

Akee awieleɛ mekɛ ne bara na Kelaese bali mgbolema, tumivolɛma nee arelemgbunli kɔsɔɔti anwo zo konim, na yeava Belemgbunlililɛ ne yeawula Nyamenle Selɛ ne asa anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:4

Bɛmmaka anyiemgba edwɛkɛ biala, bɛmmatendɛ ɛdendɛlɛ ɛtane yɛɛ bɛmmabɔ ngoayɛ mgbane mgbane. Mɔɔ ɔwɔ kɛ bɛyɛ la a le kɛ bɛkɛyɛ Nyamenle mo.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:3

Meyɛ Nyamenle mo kɛ dahuu mekakye bɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:6

Bɛmmadwenle debie biala anwo. Wɔ debie biala anu bɛyɛ moyɛlɛ nzɛlɛlɛ na bɛva mɔɔ bɛhyia nwolɛ la bɛdo Nyamenle anyunlu.

Kɔlɔ 3:17

Debie biala mɔɔ bɛyɛ, edwɛkɛ biala mɔɔ bɛka, nyɛleɛ biala anu, bɛyɛ ye wɔ Awulae Gyisɛse duma nu, na bɛlua ɔ nwo zo bɛyɛ Nyamenle Selɛ ne mo.

1 Tɛs 3:9

Kɛkala yɛkola yɛyɛ Nyamenle mo wɔ bɛ ti. Yɛyɛ Nyamenle mo wɔ anyelielɛ mɔɔ bɛmɛ bɛ ti yɛlɛ ye wɔ ɔ nyunlu la.

1 Tɛs 5:18

na bɛyɛ Nyamenle mo wɔ gyinlabelɛ biala anu. Mɔɔ Nyamenle kpondɛ kɛ bɛdabɛ mɔɔ bɛ nee Kelaese Gyisɛse lua la yɛ la ɛne.

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

2 Tɛs 2:13

Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

Kɛlata mɔɔ bɛhɛlɛle bɛhɔmanle Hibuluma la 13:15

Yemɔti, bɛmaa yɛva ayɛlɛyelɛ yɛlua Gyisɛse anwo zo yɛmaa Nyamenle. Ɛhye a le azubɔlɛ kpalɛ mɔɔ ɛnloanlɛ mɔɔ bɔ ye duma kɛ ɔle Awulae la kola bɔ a.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.