Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2 - BAEBOLO ANZƐƐ BULUKU NWUANZANWUANZA

² Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:18

Yela boane ne mumua wɔ azukponle ne azo bɔ azu maa medame Ɛdɛnkɛma. Azubɔlɛ ɛhye mɔɔ bɛfa senle bɛbɔ bɛmaa Ɛdɛnkɛma la sɔ me nye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:25

Akee dielie ninyɛne ne mɔ bɛ sa nu na yela bɛ wɔ azukponle ne azo boka ɛyelalɛ azubɔdeɛ ne kɛ bɛle azubɔlɛ mɔɔ bɛfa senle bɛbɔ bɛmaa medame Ɛdɛnkɛma a.

Sɛlɛ 1:13

Akee ɔva nzule ɔnrinzi nane ne akunlu ne nee ye ndwɛlɛ ne mɔ anwo. Sɛlɛvolɛ ne ɛva bɛ muala na ɔyela bɛ wɔ azukponle ne azo. Ɛhye le ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 1:17

Ɔwɔ kɛ sɛlɛvolɛ ne sɔ anloma ne andɛba ne mɔ na ɔsua anloma ne anu nwiɔ, ɔngyia kɛ ɔkɛhyɛ nu nwiɔ sɛsɛ. Akee ɔyela ye wɔ azukponle ne azo wɔ ɛyɛne ne mɔɔ wɔ senle ne anu la azo. Ɔle ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 1:9

Akee ahenle ne ɛva nzule ɛnrinzi nane ne akunlu ninyɛne ne nee ye ndwɛlɛ ne mɔ anwo. Na sɛlɛvolɛ ne ɛyela ɔ muala wɔ azukponle ne azo kɛ ɔle ɛyelalɛ azubɔlɛ. Azubɔlɛ zɛhae mɔɔ bɛfa senle bɛbɔ la evuanlɛ sɔ Ɛdɛnkɛma anye.

Sɛlɛ 3:16

Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ mɔɔ bɔ evuanlɛ la. Nane ne ɛnlome ne amuala le Ɛdɛnkɛma ɛdeɛ.

Emɔzo Buluku ne 5:21

Ɛdɛnkɛma se, “Mekyi yɛɛ mekpo bɛ nyamenlezonlenlɛ ɛvoyia ne mɔ; yɛɛ me nye ɛnlie bɛ ɛzonlenlɛ ne mɔ anwo.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Dw 13:34

Memaa bɛ mɛla fofolɛ: Bɛhulo bɛ nwo ngoko ngoko. Kɛ mezi mehulo bɛ la, zɔhane ala yɛɛ bɛhulo bɛ nwo ngoko ngoko a.

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 4:25

Bɛyele Gyisɛse bɛmanle ɔwule wɔ yɛ ɛtane ti na bɛdwazole ye bɛrale ngoane nu, amaa bɛalie yɛ kɛ yɛsɔ Nyamenle anye.

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

Wulo 8:37

Kyɛkyɛ, wɔ ninyɛne ɛhye mɔ kɔsɔɔti anu, yɛlua mɔɔ hulole yɛ la anwo zo yɛdi konim!

1 Kɔl 16:14

Bɛva ɛhulolɛ bɛyɛ debie biala mɔɔ bɛyɛ la.

1 Kɔl 5:7

Bɛye fɛlɛ ne mɔɔ ɛlɔ azonlɛ la wɔ bɛ avinli na bɛ nwo ade saanwu, amaa bɛayɛ menli fofolɛ mɔɔ evinli biala ɛnle bɛ nwo a, kɛmɔ meze ye wienyi kɛ amgba bɛde la. Ɔluakɛ kɛkala mɔɔ bɛhu Kelaese, yɛ Akpabɛnwo boaneralɛ ne bɛbɔ azu la,

2 Kɔl 2:14

Yɛyɛ Nyamenle mo kɛ dahuu ɔfa yɛ kɛ menli mɔɔ Kelaese ɛhye yɛ nuokɛ na ɔfa yɛ ɔto Kelaese konimlilɛ ɛlɔnwɔne, na ɔdua yɛ nwo zo ɔmaa Kelaese anwo edwɛkɛ kpalɛ ne wolowolo ɛleka biala kɛ debie evuanlɛ la.

2 Kɔl 2:15

Ɔluakɛ yɛle kɛ ɛyɛlɛ evuanlɛ mɔɔ Kelaese ɛva ɛbɔ azu ɛmaa Nyamenle, na ye evuanlɛ ne bɔ wolowolo bɛdabɛ mɔɔ bɛlɛdie bɛ ngoane nee bɛdabɛ mɔɔ bɛlɛminli la;

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:4

Nyamenle kpale nu yele yɛ ziele ɛkɛ manle Kelaese kolaa na yeabɔ ewiade, amaa yɛ nwo ade nwuanzaanwu mɔɔ fɔlɛlilɛ biala ɛnle yɛ nu wɔ ɔ nyunlu a. Ɔlua ye ɛhulolɛ ne ati

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:19

Mesɛlɛ kɛ anrɛɛ bɛanwu ye ɛhulolɛ ne mɔɔ bo sonla adwenle zo la, na Nyamenle su ne mɔɔ maa sonla sɔ Nyamenle anye la ayi bɛ tɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:15

Saa yɛfa ɛhulolɛ yɛka nɔhalɛ ne a, Kelaese ati yɛbanyi wɔ adenle biala anu. Kelaese a gyi yɛ ti

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:2

Dahuu bɛbɛlɛ bɛ nwo aze, bɛyɛ bɛtɛɛ na bɛnyia abotane. Bɛde bɛmaa bɛ gɔnwo mɔ ngoko ngoko wɔ ɛhulolɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:15

Zɔhane ati bɛnlea bɛ nwo boɛ wɔ bɛ ɛbɛlabɔlɛ nu. Bɛmmayɛ bɛ nwo kɛ menli mɔɔ ɛnze debie la; bɛbɔ bɛ ɛbɛla kɛ bɛle nrɛlɛbɛvolɛma.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:25

Kunlima, bɛhulo bɛ ye mɔ kɛmɔ Kelaese hulole Asɔne ne na ɔdole ye ngoane aze wɔ ɔ ti la.

Mɛla 27:6

Bɛva awolɛ mɔɔ bɛanva bulalɛ bɛanga ye la a bɛzi Ɛdɛnkɛma bɛ Nyamenle ne azukponle ne a, na bɛbɔ ɛyelalɛ azu wɔ zolɛ bɛmaa Ɛdɛnkɛma bɛ Nyamenle ne.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Kɔlɔ 3:14

Na bɛva ɛhulolɛ bɛboka ɛhye mɔ anwo, na yemɔ yɛɛ kɛmaa bɛkɛli munli a.

1 Tɛs 4:9

Ɔngyia kɛ awie kɛhɛlɛ bɛ kɛ anrɛɛ bɛhulo bɛ gɔnwo mɔ diedima, ɔluakɛ Nyamenle ɔdaye yehilehile bɛ kɛ bɛzi bɛhulo bɛ nwo ngoko la.

1 Tem 2:6

mɔɔ vale ɔ nwo manle kɛ ɔkpɔne menli kɔsɔɔti yeavi bɛ ɛtane nu la. Mekɛ kpalɛ ne dwule la ɔhilele kɛ Nyamenle kpondɛ kɛ menli kɔsɔɔti nyia ngoane.

1 Tem 4:12

Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 8:3

Sɛlɛvolɛ Kpanyinli biala mɔɔ bɛkɛye ye la fa ahyɛlɛ ninyɛne nee nane bɔ azu maa Nyamenle. Zɔhane ati ɔwɔ kɛ yɛ Sɛlɛvolɛ Kpanyinli ne ɔdaye ɔnyia debie ɔbɔ azu.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Kɛlata mɔɔ bɛhɛlɛle bɛhɔmanle Hibuluma la 9:23

Ninyɛne zɛhae mɔ, mɔɔ le anwuma lɔ ɛdeɛ kpalɛ ne sɔhovolɛ la, yɛɛ bɛte nwolɛ wɔ adenle zɛhae anu a. Anwuma lɔ ninyɛne ɛdeɛ kpalɛ ne hyia azubɔlɛ kpalɛ mɔɔ tɛla ɛhye a.

Kɛlata mɔɔ bɛhɛlɛle bɛhɔmanle Hibuluma la 9:26

ɔluakɛ saa ɔle zɔhane a, anrɛɛ ɔkile kɛ ɔwɔ kɛ Kelaese nwu amaneɛ fane dɔɔnwo, ɔvi ewiade mɔlebɛbo ne. Noko ɔrale kokye wɔ mekɛ mɔɔ ninyɛne kɔsɔɔti ɛlɛkɔ awieleɛ la, na ɔvale ye mogya ɔbɔle azu ne ɔnununle ɛtane muala.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

1 Dw 3:16

Kɛ ɛhulolɛ de la ɛne: Kelaese dole ye ngoane aze manle yɛ, yemɔti ɔwɔ kɛ yɛdayɛ noko yɛto yɛ ngoane aze yɛmaa yɛ mediema.

1 Dw 3:23

Ye mɛla ne a le kɛ yɛlie ɔ Ra Gyisɛse Kelaese yɛli na yɛhulo yɛ nwo ngoko ngoko, kɛmɔ Kelaese ɔdaye ɔzele yɛ la.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.