Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18 - BAEBOLO ANZƐƐ BULUKU NWUANZANWUANZA

¹⁸ Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:21

Ɔnlonle nwanye ne bie na ɔbole, ɔkpale ɔ nwo na ɔhɔlale ye ndanlɛ sua ne anu.

Edwɛndolɛ Buluku ne 69:12

Me nwo edwɛkɛ ala yɛɛ bɛgua a bɛka a, yɛɛ nzabovoma fa me to edwɛne.

Mrɛlɛbulɛ Buluku ne 20:1

Nwanye ɛnlonlɛ maa bɛsi sonla amgbu; nza ɛsesebɛ ɛnlonlɛ maa sonla gyibi; sonla mɔɔ kɛmaa nza kɛgya ye la ɛnze nrɛlɛbɛ.

Sɔlɔmɔn Edwɛne 1:4

Fa me bɔ ɛ nwo na maa yɛnriandi yɛhɔ. Belemgbunli ne ɛva me ɛra ye sua kunlu. Yɛ mu nwiɔ yɛ nye balie, yɛbahanvo wɔ ɛhulolɛ fɛlɛko ne yɛadɛla nwanye. Ɔnyɛ ɛzulolɛ kɛ mraalɛ kɔsɔɔti kulo wɔ a.

Sɔlɔmɔn Edwɛne 7:9

na ɛ nloa anwo ayɛ fɛ kɛ nwanye kpalɛ fɛlɛko mɔɔ kpula ɛnloanlɛ nee egyele, na ɔdwu ɛkolɛ nu bɛtɛɛ. Akee maa nwanye ne ɛdwu me kulovolɛ ne ɛkɛ, ɔze ɔ nloa anwo nee ɔ gye zo.

Ayezaya Buluku ne 25:6

Zayɔn Boka ye azo yɛɛ Tumivolɛ Ɛdɛnkɛma bava nane mɔɔ ɛlɔ nee nwanye mɔɔ ɛbe kpalɛ la ado ɛkponle amaa maanle maanle ne mɔ a.

Ayezaya Buluku ne 5:22

Munzule ɛha bɛdabɛ mɔɔ bɛlie duma kɛ bɛkola nza no na bɛkola bɛfa nza ngakyile bɛfonla nu bɛno la.

Ayezaya Buluku ne 55:1

Ɛdɛnkɛma se, “Awie biala mɔɔ nzuhɔne ɛlɛku ye la ɛrɛla ɛranlo nzule; yɛɛ mɔɔ ɛnlɛ ezukoa la ɛrɛla ɛradɔ aleɛ ɛli. Bɛrɛla, bɛradɔ nwanye nee meleke, bɛnlɛ bolɛ yɛɛ bɛnva ezukoa bɛndɔ.

Sɛlɛ 10:9

“Mmano nza nwanye anzɛɛ nza ɛsesebɛ. Ɛdawɔ o, anzɛɛ ɛ mra mrenya ne mɔ o, bɛmmano nza kolaa na bɛahɔ Ɛdɛnkɛma Ndanlɛ Sua ne anu, anrɛɛ bɛkɛwu. Ɛhye bayɛ mɛla ala ɛkɛ dahuu amaa wɔ awolɛndoazo kɔsɔɔti.

Edwɛkpa ne kɛmɔ Mateyu hɛlɛle la 23:25

“Bɛmɛ mɛla kilehilevolɛma nee Falasiima! Munzule ɛha bɛ! Nabalabama! Bɛmɛ, bɛnrinzi bɛ kanrɛlɛ nee bɛ ɛyɛba nwo, noko bɛdabɛ mumua ne bɛ nuhua, amile nee angomedi ɛyi bɛ tɛkɛɛ.

Edwɛkpa ne kɛmɔ Mateyu hɛlɛle la 24:49

na ɔbɔ ɔ bo kɛ ɔbo ɔ gɔnwo mɔ sonvolɛma ne, na ɔ nee nzama ali, anlo a, ɛnee ɔhakye kɛ

Edwɛkpa ne kɛmɔ Luku hɛlɛle la 1:15

Ɔbayɛ sonlakpole wɔ Awulae anyunlu. Ɔnle kɛ ɔno nwanye anzɛɛ nza ɛsesebɛ biala. Sunsum Nwuanzanwuanza ne bawolo ye, bɔbɔ, wɔ mekɛ mɔɔ ɔla ɔ nli akunlu la.

Edwɛkpa ne kɛmɔ Luku hɛlɛle la 11:13

Na saa bɛmɛ bɔbɔ mɔɔ bɛle ɛtanevolɛma la, bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ Selɛ ne mɔɔ wɔ anwuma la ɛnrɛva Sunsum Nwuanzanwuanza ne ɛnrɛmaa bɛdabɛ mɔɔ bɛkɛbiza ye la ɛ?”

Edwɛkpa ne kɛmɔ Luku hɛlɛle la 12:45

Na saa sonvolɛ zɔhane ka kɛ, ‘Me menle bahyɛ na yeara,’ na ɔbɔ ɔ bo kɛ ɔbo sonvolɛma mɔɔ ɛha la, mrenya nee mraalɛ, na ɔdi, ɔno na ɔbo a,

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Dw 2:10

na ɔzele ye kɛ, “Awie biala die atɔfolɛ a, ɔdumua ɔye ye nwanye kpalɛ ne ɔfinde, na mɔɔ bɛkɛbo ekyii la akee yeava nwanye mɔɔ anwo ɛngyia la yeara. Na wɔ ɛdeɛ ne, yeanyɛ zɔhane. Wɔva kpalɛ ne wɔzie dedee yeradwu bekezɛ!”

Ɛzoanvolɛma Gyima ne 11:24

Baanabase mumua ne le sonlakpalɛ mɔɔ diedi nee Sunsum Nwuanzanwuanza ne ɛyi ye tɛkɛɛ la ati, ɔhwenle menli dɔɔnwo ɔrale Awulae ɛkɛ.

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

1 Kɔl 11:21

ɔluakɛ saa bɛlɛdi a, bɛ nuhua biala di ye aleɛ mɔɔ ɔ nee ye kɛhɔ la, amaa ɔlua zo, mɔɔ ɛhɔne ɛlɛku bie mɔ la ɛnee bie mɔɔ ɛbo.

1 Kɔl 5:11

Na mɔɔ mekpondɛ meaha la a le kɛ, bɛ nee awie biala mɔɔ fɛlɛ ɔ nwo Keleseɛnenli na ɔbɔ ɛbɛla mgbane mgbane, ɔle anyebolo, ɔsonle awozonle, ɔ nloa ɛdendɛlɛ ɛnyɛ fɛ, ɔle nzanli anzɛɛ ɔle awule la mmatu. Bɛ nee sonla zɛhae mmatɛnla ɛkponle nwo bɔbɔ di debie.

1 Kɔl 6:10

bɛdabɛ mɔɔ bɛle nwule, bɛle anyebolo, bɛdabɛ mɔɔ nza ɛgya bɛ, bɛdabɛ mɔɔ bɛ nloa ɛdendɛlɛ ɛnyɛ fɛ nee bɛdabɛ mɔɔ bɛle ahɔdiawu la, biala ɛnrɛnyia Nyamenle Belemgbunlililɛ ne.

Mɛla 21:20

na bɛze mgbanyima ne mɔ kɛ, ‘Yɛ ra ɛhye anzo yɛ se, ɔte atua. Ɔndie yɛ ne, ɔle aleɛkpole yɛɛ eza ɔle nzanli.’

1 Tɛs 5:7

Ɔluakɛ menli mɔɔ dafe la da nɔɔzo, yɛɛ bɛdabɛ mɔɔ bɛno nza bɛbo la tinda nɔɔzo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6

Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.