Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:16 - BAEBOLO ANZƐƐ BULUKU NWUANZANWUANZA

¹⁶ Bɛbɔ ɛbɛla kpalɛ wɔ adenle biala anu, ɔboalekɛ mekɛ ye mɔɔ yɛwɔ nu la le ɛtanelilɛ mekɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:7

Gyekɔbo zele kɛ, “Bɛnlea, ewia ne gyi zo ɛsesebɛ. Ɔtɛdwule mɔɔ bɛmaa nyɛmoa ne mɔ kuohua bɛ nloa ɛleka ko a. Bɛmaa mboane ne mɔ nzule na bɛva bɛ bɛhɔ adidi.”

Edwɛndolɛ Buluku ne 37:19

Munzule ba a bɛ nyunlu ɛngua aze, ɛhɔne mekɛ nu bɛlɛ aleɛ molozo.

Nolo 11:2

Bubu bie maa menli nsuu anzɛɛ mɔtwɛ bɔbɔ, ɔluakɛ ɛnze munzule mɔɔ kenle bie bazi azɛlɛ ye azo a.

Nolo 12:1

Eza mekɛ mɔɔ bɛle mgbavolɛ nee mbɛlɛra la, bɛhakye bɛ Bɔvolɛ ne kolaa na munzule mekɛ ne mɔɔ ɛnee bɛbikye mgbanyifoa la adwu, na bɛaha kɛ, “Me nye ɛnlie ɛbɛla nu.”

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Daneɛle Buluku ne 2:8

Belemgbunli ne buale bɛ kɛ, “Menwu adwenle mɔɔ bɛbɔ la. Bɛkpondɛ mekɛ, kɛmɔ bɛnwu kɛ me nye ɛbolo la ati, ɔboalekɛ bɛze kɛ mɔɔ meha la, ɔdaye ne ala ɛne;

Emɔzo Buluku ne 5:13

Yemɔti mɔɔ ze nrɛlɛbɛ la bayɛ koonwu wɔ mekɛ zɛhae anu, ɔluakɛ ɔle munzule mekɛ.

Edwɛkpa ne kɛmɔ Mateyu hɛlɛle la 25:17

Mɔɔ bɛmanle ye apenle nwiɔ ne la yɛle ye zɔhane ala na ɔnyianle nvasoɛ nzunza apenle nwiɔ wɔ nwolɛ.

Dw 12:35

Gyisɛse buale kɛ, “Wienyi ne nee bɛ badɛnla mekɛ ekyi. Yemɔti bɛva wienyi ne bɛhɔdwu, amaa awozinli anva bɛ, ɔluakɛ mɔɔ dua awozinli nu la ɛnnwu ɛleka mɔɔ ɔlɛkɔ la.

Wulo 13:11

Ɛhye mɔ amuala anzi, ɔwɔ kɛ bɛnwu kɛ mekɛ ɛdwu mɔɔ ɔwɔ kɛ bɛfi nafelɛ nu bɛdwazo a. Ɔluakɛ ngoanelielɛ mekɛ ne ɛbikye ɛdɛla kɛmɔ yɛzuzule ye wɔ mekɛ mɔɔ yɛlumuale yɛnyianle diedi ne la.

1 Kɔl 7:26

Saa menea kɛkala mekɛ ye anu anwongyelelɛ mɔɔ ɛra la a, ɛnee medwenle kɛ ɔle kpalɛ kɛ sonla biala kɛdɛnla, kɛmɔ ɔde ye ala la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:13

Zɔhane ati bɛwula Nyamenle konle tɛladeɛ ne amuala, amaa saa kenle ɛtane ne ba a, bɛahola bɛagyinla kpɔvolɛ ne anyunlu, amaa mɔɔ konle ne kawie la ɛnee bɛgyi bɛ gyakɛ anu kpundii.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:15

na bɛva anzonudwolɛ Edwɛkpa ne bɛyɛ mgbɔlaboa bɛwula.

Kɔlɔ 4:5

Bɛdabɛ mɔɔ bɛnlɛ diedi la, bɛ nee bɛ ɛzia nrɛlɛbɛ nu, na bɛdendɛ bɛhile bɛ wɔ mekɛ biala mɔɔ bɛkɛnyia nuhua adenle la.