Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:11 - BAEBOLO ANZƐƐ BULUKU NWUANZANWUANZA

¹¹ Bɛmmayɛ awozinli nu nyɛleɛ mgbane mgbane ne mɔ mɔɔ menli yɛ na nvasoɛ ɛnle zolɛ la bie. Bɛnwu bie a anrɛɛ bɛha bɛdo gua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:16

Akee ɔzele Sɛla kɛ, “Nea, meva dwɛtɛ fufule ngoko apenle memaa ɛ diema nrenya ne. Ɔle wɔ ɛbialɛ ezukoa kɛ ɛnli fɔlɛ, na ɛdi benle wɔ awie biala anyunlu.”

Edwɛndolɛ Buluku ne 141:5

Maa sonlakpalɛ ɛbo me, ɔle anwunvɔnezelɛ; maa ɔhwi me nyunlu, ɔle nwole wɔ me ti zo, memkpo, ɔluakɛ me nzɛlɛlɛ tia amumuyɛma nyɛleɛ ne mɔ dahuu.

Mrɛlɛbulɛ Buluku ne 1:10

Me ra nrenya, saa ɛtanevolɛma bɛlɛbɛla wɔ ali wɔ adwenle a, mmakponle zolɛ.

Mrɛlɛbulɛ Buluku ne 1:31

mɔɔ bɛyɛ la anwo aleɛ yɛɛ bɛbali a, na bɛdabɛ bɛ ngome bɛ adwenle ɛtane ne abɔ bɛ ti.

Mrɛlɛbulɛ Buluku ne 13:18

Sonla mɔɔ ɛnde folɛ la di ehyia na ɔbɔ anyiemgba, na mɔɔ kponle zo maa bɛtwi ɔ nyunlu la nyia ɔ nyunlu.

Mrɛlɛbulɛ Buluku ne 15:12

Adubɛnwo sonla biala ɛngulo folɛdulɛ; ɔyɛ se kɛ ɔkɛhɔ nrɛlɛbɛvolɛ ɛkɛ.

Mrɛlɛbulɛ Buluku ne 19:25

Bɔ agolobɛnwonli ne, na mɔɔ ɛnlɛ adwenle la bazukoa nrɛlɛbɛ; tea sonla mɔɔ lɛ ndelebɛbo la, na ye adwenle nu babuke.

Mrɛlɛbulɛ Buluku ne 25:12

Saa sonla mɔɔ ze nrɛlɛbɛ la twi sonla mɔɔ le tieyɛ la anyunlu a ɔle kɛnlɛma kɛ ezukoa nvutuke kpɔdelera anzɛɛ kpɔba.

Mrɛlɛbulɛ Buluku ne 28:4

Bɛdabɛ mɔɔ bɛkpo mɛla la yeyɛ amumuyɛma, na bɛdabɛ mɔɔ bɛdi mɛla zo la ko tia amumuyɛma.

Mrɛlɛbulɛ Buluku ne 29:1

Sonla mɔɔ bɛtwi ɔ nyunlu a ɛnee anzosesebɛ ala a ɔyɛ la banwu ɔ nyunlu arɛlevilɛ nu mɔɔ ɔnrɛhola ɔ nloa gyinla a.

Ayezaya Buluku ne 29:21

Menli zɛhae mɔ fa bɛ nloa maa sonla yɛ ɛtane, bɛsua mɔɔ de anlenkɛ kpole ne anloa twi bɛ nyunlu la ɛhane, na bɛfa adalɛbɔlɛ mgbane mgbane bɛbua mɔɔ di benle la mgbɔvondɛne.

Gyɛlɛmaya Buluku ne 15:17

Meandɛnla menli mɔɔ akunlu ɛdwo bɛ nwo na bɛdi fɛlɛko la avinli meanga meanzele. Mendɛnlanle koonwu, ɔboalekɛ ɛnee ɛ sa la me nwo zo, yɛɛ wɔmaa ɛya ɛwolo me.

Sɛlɛ 19:17

“Bɛmmafa bɛ gɔnwo anwo edwɛkɛ bɛsie bɛ kunlu; bɛ nee ye ɛha, anrɛɛ bɛkɛli ɔ nwo ɛzonle.

Edwɛkpa ne kɛmɔ Mateyu hɛlɛle la 18:15

“Saa ɛ diema bie fo wɔ a, kɔ na ɛ nee ye bɛ mu nwiɔ bɛhɔha na kile ye deɛ mɔɔ yemɔti yevo la. Saa ɔtie wɔ edwɛkɛ a ɛnee ɛ sa ɛha ɛ diema ne.

Edwɛkpa ne kɛmɔ Luku hɛlɛle la 3:19

Na Dwɔn hwile Hɛlɔdo mɔɔ le Galeli maanzinli zo neavolɛ la anyunlu, ɔluakɛ ɛnee Hɛlɔdo ɛgya ɔ diema aye. Raalɛ ne bɛfɛlɛ ye Hɛlɔdease; eza ɛnee Hɛlɔdo ɛyɛ ninyɛndane dɔɔnwo.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Wulo 16:17

Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo.

Wulo 6:21

Na duzu nvasoɛ yɛɛ bɛnyianle ye wɔ ninyɛne mɔɔ bɛyɛle na ɛnɛ bɛse nwolɛ nyiane la anwo a? Nyɛleɛ ɛhendeɛ ne mɔ awieleɛ a le ewule!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:8

ɔluakɛ, mɔɔ kɛli ye nwonane ne atiakunluwɔzo nzi la banyia ewule. Na mɔɔ di Nyamenle Sunsum ne anzi la balua Sunsum ne azo anyia ngoane mɔɔ ɛnlɛ awieleɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:12

Ɔyɛ nyiane kpole bɔbɔ kɛ bɛkɛha bɛ ninyɛndane mɔɔ bɛyɛ ye fealera nu la anwo edwɛkɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:7

Yemɔti bɛ nee menli zɔhane mɔ mmatu wɔ adenle biala anu.

Kɔlɔ 1:12

na bɛava fɛlɛkolilɛ bɛayɛ Selɛ ne mɔɔ ɛmaa bɛfɛta kɛ bɛ nee ye menli ne kɛbɔ nu kɛdɛnla ye wienyi ne anu la mo.

1 Tɛs 5:7

Ɔluakɛ menli mɔɔ dafe la da nɔɔzo, yɛɛ bɛdabɛ mɔɔ bɛno nza bɛbo la tinda nɔɔzo.

2 Tɛs 3:14

Saa awie wɔ ɛkɛ ne mɔɔ ɔnrɛli mɔɔ yɛhɛlɛ ye wɔ kɛlata ɛhye anu la azo a, bɛmɛ bɛyɛ ahenle zɔhane nzonlɛ, bɛmmayɛ ye ɛhwee, na ɔdaye ɔ ngome ɔ nyunlu bagua aze.

2 Tɛs 3:6

Mediema, yɛlua Awulae Gyisɛse Kelaese duma nu, yɛka yɛahile bɛ kɛ bɛhwe bɛ nwo bɛvi mediema mɔɔ ɛlɛyɛ mgbovonle na bɛngulo kɛ bɛdi folɛ mɔɔ yɛdule bɛ la azo la anwo.

1 Tem 5:20

Twi bɛdabɛ mɔɔ ɛtane ala a bɛyɛ la anyunlu wɔ bagua nu, amaa menli mɔɔ ɛha la azulo.

1 Tem 5:22

Mmapele ndɛ ɛfa ɛ sa ɛgua awie biala ati zo kɛ ɔrayɛ Awulae gyima. Mmafa ɛ nwo ɛdielie awie mɔ nyɛleɛ ɛtane ɛtane nu; nea maa ɛ nwo ɛde.

1 Tem 6:5

Eza bɛ nee menli mɔɔ bɛ adwenle ɛzɛkye na nɔhalɛ ne ɛvi bɛ sa la su kpolera dahuu. Bɛ adwenle a le kɛ bɛdua nyamenlezonlenlɛ zo bɛanyia bɛ nwo.

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:15

Kilehile ɛhye mɔ amuala na fa wɔ tumi ne kpokpoti wula wɔ ngilehilelɛ nee bɛ nyunlu ɛhwilɛ nu. Mmamaa awie biala fa ɛ nyunlu kyikyi aze.

Yekile 18:4

Na mendele ɛnelɛ bieko vi anwuma, ɔse, “Bɛvinde, me menli, bɛvi zolɛ bɛye bɛ nwo, anrɛɛ bɛkɛyɛ ye ɛtane ne bie, bɛkɛmaa ye munzule ne bie kɛha bɛ.