Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:1 - BAEBOLO ANZƐƐ BULUKU NWUANZANWUANZA

¹ Bɛle Nyamenle amra mɔɔ ɔkulo bɛ a, yemɔti bɛbɔ mɔdenle kɛ bɛkɛyɛ kɛ ɔdaye ala la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:1 ပူးပေါင်းရင်းမြစ်များ

Gyɛlɛmaya Buluku ne 31:20

“Yizilayɛ, ɛle me ra nrenya mɔɔ mekulo wɔ, ɛle ralɛ nrenya mɔɔ ɛla me ahonle nwo. Mekɛ biala mɔɔ menwɔva ɛ nwo ɛya la, ɛnee ɛ nwo adwenle gyi me adwenle nu. Yemɔti me nwo dɔ wɔ; nɔhalɛ, mebanwu wɔ anwunvɔne. Medame Ɛdɛnkɛma a mese a.

Hozia Buluku ne 1:10

Yizilayɛma bazo kɛ ɛnweazo anwea mɔɔ bɛngola bɛnzuzu anzɛɛ bɛngola bɛndia la, na ɛleka ne mɔɔ bɛzele bɛ kɛ, “Bɛnle me menli” la, ɛkɛ ne a bɛbaha bɛahile bɛ kɛ, “Bɛle tease Nyamenle ne amra” a,

Sɛlɛ 11:45

Ɔluakɛ medame a mele Ɛdɛnkɛma mɔɔ menyele bɛ menvile Yigyibiti azɛlɛ zo a, amaa meayɛ bɛ Nyamenle. Yemɔti bɛmaa bɛ nwo ɛde nwuanzaanwu, ɔluakɛ mele nwuanzanwuanza.”

Edwɛkpa ne kɛmɔ Mateyu hɛlɛle la 5:45

amaa bɛayɛ bɛ Ze mɔɔ wɔ anwuma la amra. Ɔluakɛ yemɔ, ɔmaa ye ezule tɔ na ye ewia fi maa ɛtanevolɛma nee kpalɛyɛlɛma amuala.

Edwɛkpa ne kɛmɔ Mateyu hɛlɛle la 5:48

Zɔhane ati, kɛmɔ bɛ Ze mɔɔ wɔ anwuma la anwo te la, bɛmaa bɛdabɛ noko bɛ nwo ɛde bɔkɔɔ.

Dw 1:12

Bie mɔ dɔɔnwo liele ye na bɛliele ye bɛlile; ɛhye ati ɔmanle bɛ adenle kɛ bɛyɛ Nyamenle amra,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32

Bɛyɛ atiakunlukɛnlɛma na bɛze anwunvɔne, bɛva bɛ gɔnwo mɔ ɛtane bɛhyɛ bɛ, kɛmɔ Nyamenle ɛlua Kelaese anwo zo ɛva bɛ ɛtane ne mɔ ɛhyɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Dw 4:11

Ayi mɔ, saa Nyamenle ɛhulo yɛ ɛhulolɛ zɛhae a, ɛnee ɔwɔ kɛ yɛdayɛ noko yɛkulo yɛ nwo ngoko ngoko.