Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:9 - BAEBOLO ANZƐƐ BULUKU NWUANZANWUANZA

⁹ Akee “ɔhɔle anwuma” ne abo a le duzu? Yemɔ a le kɛ saa ɔvole a ɛnee noko alumua ne ɔdwule ɔhɔle azɛlɛ ti anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 11:5

Ɛdɛnkɛma dwule aze rakpɔlale suakpole ne mɔɔ bɛkyekye nee tawa tendendenlenle ne mɔɔ sonla ɛzi la.

Edwɛndolɛ Buluku ne 139:15

Mekɛ mɔɔ bɛlɛkyehyɛ me mbowule, bɛava bɛasisa zo wɔ ɔmɔ akunlu, na fealera nu ala melɛnyi la, ɛnee ɛze kɛ mewɔ ɛkɛ.

Edwɛndolɛ Buluku ne 63:9

Na bɛdabɛ mɔɔ bɛkpondɛ me bɛahu me la bahɔ azɛlɛ bo kuma nu;

Edwɛndolɛ Buluku ne 8:5

Noko ɛbɔle sonla ɛmanle Nyamenle dɛlale ye ekyii bie, na wɔva enililɛ nee anyunlunyia wɔwula ye tɛkɛɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:20

Na Ɛdɛnkɛma dwule Boka Saenae azo. Ɔvɛlɛle Mosisi na Mosisi hɔle boka ne azo.

Mrɛlɛbulɛ Buluku ne 30:4

Nwane a ɛvo ɛhɔ anwuma ɛzia ɛra a? Nwane a ɛhola ɛhye anwoma ɔ sa nu a? Nwane a ɛva ye tɛladeɛ ɛkyekye nzule a? Nwane a ɛhyehyɛ azɛlɛ ye muleɛ ne mɔ a? Kɛ bɛfɛlɛ ye ɛ, yɛɛ kɛ bɛfɛlɛ ɔ ra ne ɛ? Nɔhalɛ, ɛze!

Ayezaya Buluku ne 44:23

O anwumaneamra, bɛdo edwɛne, ɔluakɛ Ɛdɛnkɛma a ɛyɛ a; O azɛlɛ buma ne mɔ, bɛdea nu; O awoka, bɛdo edwɛne, O kpɔkɛ, nee nuhua mbaka kɔsɔɔti, bɛdo edwɛne! Ɔluakɛ Ɛdɛnkɛma ɛkpɔne Gyekɔbo abo zo amra, na bɛbawula ye anyunlunyia wɔ Yizilayɛ.

Yizikeɛle Buluku ne 31:14

Meyɛ ɛhye mɔ amuala, amaa baka biala mɔɔ gyi azule nloa la annyi angɔ anwuma somaa, anzɛɛ ɔ ti annyi andwu amungu ne mɔ anu, na mbaka mɔɔ no nzule la annyi ndendenle zɔhane, ɔluakɛ bɛye bɛ muala bɛmaa ewule, kɛmɔ menli wu la, bɛboka bɛdabɛ mɔɔ bɛkɔ ewule kuma nu la anwo.”

Edwɛkpa ne kɛmɔ Mateyu hɛlɛle la 12:40

Kɛmɔ Dwona lile ewiazo nee nɔɔzo kenle nsa wɔ nyevizonle ne akunlu la, zɔhane ala yɛɛ medame, Sonla Ra, mebali ewiazo nee nɔɔzo kenle nsa wɔ azɛlɛ ti anu a.

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Dw 3:13

Awie biala noko ɛtɛkɔle anwuma lɔ kɛ Sonla Ra ne mɔɔ vi anwuma lɔ rale la ala.”

Dw 6:33

Ɔluakɛ aleɛ ne mɔɔ Nyamenle fa maa bɛ la a le sonla ne mɔɔ vi anwuma ɛdwu aze na ɔmaa ewiade amra ngoane mɔɔ ɛnlɛ awieleɛ la.”

Dw 6:38

ɔboalekɛ mevi anwuma membale kɛ mebayɛ mɔɔ zoanle me la ɛhulolɛdeɛ, na meamba kɛ mebali me ti anwo.

Dw 6:41

Dwuuma ne mɔ bɔle ɔ bo kɛ bɛtendɛ Gyisɛse bɛ nzo abo, ɔboalekɛ yeha kɛ, “Mame a mele kpanwo ne mɔɔ vi anwuma rale la.”

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Dw 6:58

Ɛhye a le kpanwo ne mɔɔ vi anwuma rale la; ɔnle kɛ mana ne mɔɔ bɛ nlenya mɔ lile a nzinlii bɛwule la. Mɔɔ kɛli kpanwo ɛhye bie la kenyia ngoane mɔɔ ɛnlɛ awieleɛ.”

Dw 6:62

Na saa akee bɛnwu Sonla Ra ne kɛ ɔlɛkɔ anwuma, ɛleka mɔɔ ɔvi ɔrale la ɛ?

Dw 8:14

Gyisɛse buale kɛ, “Saa medi me nwo daselɛ bɔbɔ a, mɔɔ meka la le nɔhalɛ, ɔboalekɛ meze ɛleka mɔɔ mevi membale a, yɛɛ meze ɛleka mɔɔ melɛkɔ la. Bɛmɛ, bɛnze ɛleka mɔɔ mevi membale a yɛɛ bɛnze ɛleka mɔɔ melɛkɔ a.

Kɛlata mɔɔ bɛhɛlɛle bɛhɔmanle Hibuluma la 2:7

Ɛbɔle ye ɛmanle wɔ soanvolɛma dɛlale ye mekɛ ekyi bie ala anu, ɛwulale ye anyunlunyia na ɛmanle bɛlile ye eni,

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.