Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:8 - BAEBOLO ANZƐƐ BULUKU NWUANZANWUANZA

⁸ Nyamenle Edwɛkɛ ne se, “Mekɛ mɔɔ ɔvole ɔhɔle anwuma la, ɔhyele menli dɔɔnwo nuokɛ ɔ nee bɛ hɔle; na ɔvale ahyɛlɛdeɛ ɔmanle aleɛabo amra.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:8 ပူးပေါင်းရင်းမြစ်များ

Ɛseta Buluku ne 2:18

Akee Belemgbunli Zɛzɛse dole ɛkponle kpole bie manle Ɛseta na ɔdole ɛsalɛ ɔvɛlɛle ye maanle mgbanyima nee ye mbɔlɔba ne mɔ amuala. Mekɛ ne anu belemgbunli ne gyakyile ye adwule mɔɔ ɔdie ɔfi ye maanle maanle ne mɔ lɔ la anu ekyii na ɔvale ahyɛlɛdeɛ dɔɔnwo ɔmanle menli.

Edwɛndolɛ Buluku ne 68:18

Ɛvole boka tendenle ne, ɛzanle menli mɔɔ ɛhyele bɛ la nyɛma zo ɛlile ɛ nzi. ɛliele ahyɛlɛ ninyɛne ɛvile menli ɛkɛ, atuadelɛma bɔbɔ hyɛle wɔ bie, amaa Ɛdɛnkɛma Nyamenle ne adɛnla ɛkɛ ne.

Mrɛlɛbulɛ Buluku ne 30:4

Nwane a ɛvo ɛhɔ anwuma ɛzia ɛra a? Nwane a ɛhola ɛhye anwoma ɔ sa nu a? Nwane a ɛva ye tɛladeɛ ɛkyekye nzule a? Nwane a ɛhyehyɛ azɛlɛ ye muleɛ ne mɔ a? Kɛ bɛfɛlɛ ye ɛ, yɛɛ kɛ bɛfɛlɛ ɔ ra ne ɛ? Nɔhalɛ, ɛze!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:11

Ye ahyɛlɛdeɛ a le kɛ ɔmaa bie mɔ yɛ ɛzoanvolɛma, bie mɔ yɛ Nyamenle kpɔmanvolɛma, bie mɔ yɛ Edwɛkpa ne nolobɔlɛma, yɛɛ bie mɔ noko yɛ sɛlɛvolɛma nee kilehilevolɛma.

Kɔlɔ 2:15

Kelaese liele ɔ nwo wɔ meanubaka ne azo wɔ awozinli ewiade ye sunsum nu tumima asa anu, ɔguale bɛ nyunlu aze wɔ bagua nu na ɔzinlanle bɛ nyɛma zo wɔ ye konimlilɛ ɛlɔnwɔnedolɛ ne anu.

Maanlebuvolɛma Buluku ne 5:12

Dwazo, Dɛbola, dwazo! Dwazo na kpakye ɛ ne nu to edwɛne! Dwazo, Abenoam ara Balake, fa wɔ menli ne mɔɔ wɔhye bɛ nuokɛ la kɔ.

1 Sam 30:26

Devidi ziale hɔle Zekelage la, ɔvale ninyɛne mɔɔ bɛnyianle bɛ wɔ konle ne anu la bie ɔhɔmanle ɔ gɔnwo mɔ Dwuda mgbanyima na ɔzele kɛ, “Ninyɛne mɔɔ yɛnyianle bɛ wɔ Ɛdɛnkɛma kpɔvolɛma ne mɔ lɔ la bɛdabɛ noko bɛ ahyɛlɛdeɛ ɛne.”