Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32 - BAEBOLO ANZƐƐ BULUKU NWUANZANWUANZA

³² Bɛyɛ atiakunlukɛnlɛma na bɛze anwunvɔne, bɛva bɛ gɔnwo mɔ ɛtane bɛhyɛ bɛ, kɛmɔ Nyamenle ɛlua Kelaese anwo zo ɛva bɛ ɛtane ne mɔ ɛhyɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:32 ပူးပေါင်းရင်းမြစ်များ

2 Sam 7:21

O Tumivolɛ Ɛdɛnkɛma, ɔlua wɔ ɛwɔkɛ ne ati nee wɔ ahunlunyele kpole ne ati yɛɛ wɔyɛ nyɛleɛ kpole ɛhye wɔmaa wɔ sonvolɛ ɛnwu ye a.

Edwɛndolɛ Buluku ne 112:9

Yebuke ɔ sa nu wɔ ɛhyianvolɛma anwo zo; ye tenleneyɛlɛ ne wɔ ɛkɛ ne dahuu; bɛbava enililɛ bɛakpogya ye tumi ne zo.

Edwɛndolɛ Buluku ne 145:9

Ɛdɛnkɛma le kpalɛ maa awie biala, ye anwunvɔnezelɛ wɔ debie biala mɔɔ yebɔ la anwo zo.

Mrɛlɛbulɛ Buluku ne 12:10

Sonla tenlene biala dwenle ye nyɛmoa nwo, na amumuyɛnli anwunvɔnezelɛ le atisesebɛyɛlɛ.

Mrɛlɛbulɛ Buluku ne 19:11

Adwenle kpalɛ ɛmmaa sonla ɛnva ɛya mgbane mgbane, yɛɛ ɔle anyunlunyia ɔmaa ye kɛ ɔkɛbu ɔ nye ɔkɛgua nvonleɛ zo.

Mrɛlɛbulɛ Buluku ne 19:22

Debie mɔɔ bɛkpondɛ wɔ sonla ɛkɛ ne la a le nɔhalɛlilɛ; ehyianli le kpalɛ tɛla sonla mɔɔ le adalɛ la.

Ayezaya Buluku ne 57:1

Tenlenenli wu a ɔnvane awie biala anwo; bɛfa menli titile bɛkɔ mɔɔ awie ɛnde ɔ bo a. Ɔluakɛ bɛye tenlenenli bɛfi munzule nu a, ɔ nzo nu dwo ye.

Gyɛlɛmaya Buluku ne 38:12

Akee sonvolɛ Yibɛdemɛlɛke hanle hilele Gyɛlɛmaya kɛ, “Fa adɛladeɛ ndeteleka ne mɔ wulowula ɛ nvonlɔma anu, na fa nyɛma ne sosɔ wɔ awane bo.” Na Gyɛlɛmaya yɛle ye zɔhane.

Edwɛkpa ne kɛmɔ Mateyu hɛlɛle la 6:12

Na fa yɛ ɛtane kyɛ yɛ, Kɛmɔ yɛfa yɛkyɛ bɛdabɛ mɔɔ bɛfo yɛ la;

Edwɛkpa ne kɛmɔ Maake hɛlɛle la 11:25

Na saa bɛgyi bɛlɛsɛlɛ, na awie ɛvo bɛ a, bɛva bɛhyɛ ye na bɛ Ze mɔɔ wɔ anwuma la ava bɛ ɛtane ahyɛ bɛ. [

Edwɛkpa ne kɛmɔ Luku hɛlɛle la 1:78

Ɔlua yɛ Nyamenle ne ahunlunyele kpole ti, ɔbamaa ngoanelielɛ kenle ne ado yɛ;

Edwɛkpa ne kɛmɔ Luku hɛlɛle la 11:4

Na fa yɛ ɛtane ne mɔ kyɛ yɛ, ɔluakɛ awie mɔɔ fo yɛ la, yɛfa yɛkyɛ ye. Na mmamaa yɛkɔ sɔnea nu.’ ”

Edwɛkpa ne kɛmɔ Luku hɛlɛle la 17:4

Saa kenle ko bɔbɔ ɔfo wɔ fane nsuu, na ɔsia ɔba fane nsuu ɔbaka ɔkile wɔ kɛ, ‘Menlu me nwo’ a, ɔwɔ kɛ ɛfa ye ɛtane ɛkyɛ ye.”

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Edwɛkpa ne kɛmɔ Luku hɛlɛle la 6:37

“Bɛmmabua awie mɔ ndɛne, na Nyamenle ambua bɛ ndɛne; bɛmmabua awie ewule fɔlɛ, na Nyamenle ambua bɛ ewule fɔlɛ. Bɛva ɛtane bɛhyɛ, na Nyamenle ava bɛ ɛtane ahyɛ bɛ.

Ɛzoanvolɛma Gyima ne 28:2

Bɔra ne azo amra lɛ ahunlunyele kpalɛ. Ɛnee ezule ne ɛlɛtɔ na ɛyɛlɛ wɔ nu la ati, bɛhuanle senle bɛmanle yɛ muala yɛdɛnlanle nwolɛ.

Wulo 12:10

Bɛva mediema ɛhulolɛ bɛhulo bɛ nwo ngoko kɛ bɛle Kelaese ɛdoavolɛma, na bɛbɔ mɔdenle bɛpele bɛbu bɛ gɔnwo mɔ kpalɛ kpalɛ.

1 Kɔl 13:4

Ɛhulolɛ lɛ abotane, ɔ ti akunlu le kɛnlɛma; ɛhulolɛ ɛnle anyebolo, ɔmbu ɔ nwo, yɛɛ ɔmmemaa ɔ nwo zo;

2 Kɔl 2:10

Saa bɛfa awie anwo edwɛkɛ bɛkyɛ ye a, ɛnee medame noko meva mehyɛ ye. Saa ɔhyia kɛ mefa awie anwo edwɛkɛ mekyɛ ye a, meyɛ ye zɔhane wɔ bɛ ti wɔ Kelaese anyunlu,

2 Kɔl 2:7

Zɔhane ati bɛva ɔ nwo edwɛkɛ bɛhyɛ ye na bɛkyekye ɔ rɛle, amaa yeanli nyane somasoma yeangyakyi diedi ne anu.

2 Kɔl 6:6

Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:1

Bɛle Nyamenle amra mɔɔ ɔkulo bɛ a, yemɔti bɛbɔ mɔdenle kɛ bɛkɛyɛ kɛ ɔdaye ala la.

Gyemise Kɛlata ne 5:11

Bɛdabɛ mɔɔ bɛgyinlanle kpundii, bɛvale abotane bɛzɔle nyane bɛhɔle awieleɛ la yɛɛ yɛka kɛ Nyamenle ɛyila bɛ a. Se bɛde Dwobu ɔdaye ye abotane ɛdeɛ ne mɔɔ ɔnyianle ɔvale ɔgyinlanle kpundii ɔzɔle ye nyane ne la anwo bie, yɛɛ eza bɛze kɛ awieleɛ ne Nyamenle zile lole ye la. Nyamenle se anwunvɔne yɛɛ ɔ kunlu yelɛyela ye.

2 Pit 1:7

bɛva mediema ɛyɛlɛ bɛboka bɛ nyamenlezonlenlɛ nwo na bɛva ɛhulolɛ bɛboka bɛ mediema ɛyɛlɛ nwo.

1 Dw 1:9

Nyamenle di ye ɛwɔkɛ zo, ɔdi pɛlepɛle. Saa yɛka yɛ ɛtane ne mɔ yɛkile ye a, ɔkɛva ɔkɛhyɛ yɛ na ɔkɛde yɛ nwo ɔkɛvi nyɛleɛ mɔɔ ɛndenrɛ la amuala anwo.

1 Dw 2:12

Me mra ngakula, melɛkɛlɛ bɛ, ɔboalekɛ ɔlua Kelaese ati, Nyamenle ɛva bɛ ɛtane ne mɔ ɛhyɛ bɛ.

Wulu 2:20

Nawome buale ɔ ra ne aye ne kɛ, “Ɛdɛnkɛma ɛyila ye kɛ ɔdwenle menli mɔɔ ɛwu ɛhɔ nee anyewɔzoamra anwo la. Nrenya ne le yɛ nwo sonla. Ɔle sonla mɔɔ di agya a ɔyɛ boɛ a.”