Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:31 - BAEBOLO ANZƐƐ BULUKU NWUANZANWUANZA

³¹ Bɛye sipe nee ɛkpɔlɛ nee ɛya biala bɛgua. Bɛmmadi butule anzɛɛ bɛmmayɛ aholoba. Bɛye atiakunlu ɛtane biala bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:31 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 27:41

Yisɔ hyile Gyekɔbo wɔ nyilalɛ ne mɔɔ ɔ ze ɛva ɛyileyila ye la ati, na ɔhanle ye ɔ ti anu kɛ, “Ɔka ekyii na mekɛ mɔɔ yɛfa yɛazu egya la adwu, na yemɔ anzi mebahu me diema Gyekɔbo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:21

Na mɔɔ Wulubɛn dele la, ɔliele ye ɔvile bɛ sa nu. Ɔzele kɛ, “Bɛmmamaa yɛku ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:4

Na mɔɔ ɔ mediema ne mɔ nwunle kɛ bɛ ze kulo ye edwɛkɛ tɛla bɛ la, bɛangulo ye edwɛkɛ yɛɛ bɛ nee ye ambɔ nzɛmedɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:8

Ɛhye anzi Keen zele ɔ diema Ebɛle kɛ, “Maa yɛhɔ ɛbɔ nu.” Bɛhɔle la, Keen holole ɔ diema Ebɛle anwo zo na ɔhunle ye.

2 Sam 13:22

Abesalɛm ɛdeɛ, yeambuke ɔ nloa yeanga ɛhwee yeangile Amenɔn; ɔluakɛ ɛnee akee ɔkyi ye, ɔboalekɛ yeva anwosesebɛ yehye ɔ diema raalɛ ne mialera nu yeva ye.

2 Sam 19:27

Ɔdoanle me ɔmanle wɔ, Nana. Noko, awulae me belemgbunli le kɛ Nyamenle soanvolɛ la; yemɔti debie biala mɔɔ fɛta la fa yɛ me.

2 Sam 19:43

Na Yizilayɛma buale Dwudama kɛ, “Kanza ɔvi bɛ nu bɔbɔ a yɛ nwo zonle tɛla bɛ fane bulu. Duzu ati a bɛambu yɛ bie a? Tɛ yɛmɛ a yɛlumuale yɛhanle kɛ yɛkava ye yɛara ɔ?” Noko akee Dwudama mgbolehanlɛ ne bole Yizilayɛma anwo zo.

Edwɛndolɛ Buluku ne 101:5

Awie biala mɔɔ fea sɛkye ɔ gɔnwo duma la, mebazɛkye ye. Sonla mɔɔ tu ɔ nwo, ɔbu ɔ nwo la, menrɛkponle ye.

Edwɛndolɛ Buluku ne 140:11

Mmamaa mɔɔ bɔ ɔ gɔnwo anwo nzekue la tɛnla maanle ne anu; maa munzule ɛdu kɔdiawuma ne mgbaliko.

Edwɛndolɛ Buluku ne 15:3

sonla zɔhane ɛmbɔ awie mɔ anwo nzekue, ɔnyɛ ɔ gɔnwo mɔ ɛtane yɛɛ ɔnzɛkye ɔ gɔnwo duma.

Edwɛndolɛ Buluku ne 37:8

Mmafa ɛya, yɛɛ mmamaa wɔ ahonle futu! Mmafonla ɛ nwo; ɔwie munzule.

Edwɛndolɛ Buluku ne 50:20

Bɛtɛnla bɛye bɛ mediema mrenya ndɛne; bɛbɔ bɛdabɛ bɛ nli amra mrenya anwo nzekue.

Edwɛndolɛ Buluku ne 64:3

Bɛsi bɛ tafinlima ne mɔ kɛ dadeɛ, bɛ edwɛkɛ wowɔ kɛ ɛda mbaka.

Mrɛlɛbulɛ Buluku ne 10:12

Ɛkpɔlɛ twehwe konle, na ɛhulolɛ kedɛheda nvonleɛ kɔsɔɔti azo.

Mrɛlɛbulɛ Buluku ne 10:18

Sonla biala mɔɔ fea ɛkpɔlɛ zo la le adalɛ, yɛɛ mɔɔ le ngunzi la le koasea.

Mrɛlɛbulɛ Buluku ne 14:17

Sonla mɔɔ ye ahonle bikye ye la yɛ ye debie koasea nu, na sonla mɔɔ anye gyi ɔ ti anwo la lɛ abotane.

Mrɛlɛbulɛ Buluku ne 18:8

Sonla mɔɔ tu azukue la anloa edwɛkɛ yɛ fɛ kɛ aleɛ fɛlɛko; ɔdwu bɛ kunlu ɛleka biala.

Mrɛlɛbulɛ Buluku ne 19:12

Belemgbunli fa ɛya a ɔle kɛ awenade mɔɔ ɛlɛkpo la, noko ye nyeleyɛlɛ le kɛ ɛbɔlɛ mɔɔ ɛdɔ ndile zo la.

Mrɛlɛbulɛ Buluku ne 25:23

Sɔlɔ anwoma ne maa ezule tɔ, yɛɛ sonla mɔɔ keha ɔ gɔnwo anzi edwɛkɛ ɛtane la ka ɛya.

Mrɛlɛbulɛ Buluku ne 26:20

Ɛyɛne ɛnle senle nu a ɔnu, yɛɛ ɛleka mɔɔ azukuedulɛ ɛnle la, butule ɛnle ɛkɛ.

Mrɛlɛbulɛ Buluku ne 29:22

Sonla mɔɔ ɛngyɛ na yeava ɛya la twehwe mgbonde nee konle, yɛɛ mɔɔ ɛya wɔ ye ahonle zo la fa mɛladonlɛ dɔɔnwo ba.

Mrɛlɛbulɛ Buluku ne 29:9

Saa nrɛlɛbɛvolɛ nee koasea su kpolera a, koasea ne teɛdea nu sele mgbole mgbole; ɔmmaa bɛnnyia bɛ nzo fee.

Nolo 7:9

Mmafa ɛya ndɛndɛ, ɔluakɛ koasea a fa ɛya sie ye nu a.

Gyɛlɛmaya Buluku ne 6:28

Bɛ muala bɛte atua anzosesebɛ nu; bɛ nee alane asiayɛma a tu a. Bɛyɛ se kɛ kɔbele nee bulalɛ. Bɛ ɛbɛla ɛzɛkye.

Gyɛlɛmaya Buluku ne 9:4

Awie biala ɛnlea ɔ gɔnwo boɛ, ɔmmafa ɔ rɛle ɔwula ɔ diema biala nu, ɔluakɛ adiema biala le mɛlɛbɛla sonla, agɔnwolɛ biala yɛ ɔ gɔnwo anwo asiayɛ.

Ɛzoanvolɛma Gyima ne 21:30

Suakpole ne azo fonyianle, na menli ne mɔ razɔle Pɔɔlo hwenle ye vile Ɛzonlenlɛ Sua ne anu vindele, na ɛkɛ ne ala bɛtotole Ɛzonlenlɛ Sua ne nlenkɛ ne mɔ amuala anu.

Wulo 3:14

Amowa nee nzɛnvunli wɔ bɛ nloa anu.

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Kɔl 5:8

bɛmmamaa yɛfa yɛ ɛtane nee yɛ amumuyɛ subane nvinli ne yɛdi Akpabɛnwo Ɛvoyia ne, na yɛva atiakunlu wienyi nee nɔhalɛlilɛ yɛli.

2 Kɔl 12:20

Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:20

bozonle ɛzonlenlɛ nee ayɛne ɛbɛla. Ɛkpɔlɛ, konle, nungule, ɛya, angomedi, ngyehyɛnu nee ngilehilenu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:25

Zɔhane ati, bɛmmabɔ adalɛ bieko; awie biala ɛha nɔhalɛ ɛhile ɔ gɔnwo, ɔboalekɛ yɛ muala yɛle menli ko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:26

Saa ɛfa ɛya a, mmamaa ɔfa wɔ ɔkɔ ɛtane nu; eza mmamaa sɛnzɛne ne tɔ wɔ ɛya zo.

Kɔlɔ 3:19

Kunlima, bɛhulo bɛ ye mɔ, bɛmmayɛ bɛ nwo zo kengɛndɛɛnye.

Kɔlɔ 3:8

Na kɛkala ɔwɔ kɛ bɛgua ninyɛne ɛhye mɔ amuala lɔ: ninyɛne mɔɔ le kɛ ɛya ɛvalɛ, ahonle kpole, ɛkpɔlɛ, yɛɛ dumanzɛkyelɛ. Bɛmmamaa aholoba anzɛɛ edwɛkɛ ɛtane fi bɛ nloa anu finde.

1 Tem 3:11

Zɔhane ala yɛɛ bɛ ye mɔ noko ɔwɔ kɛ yɛ mraalɛ mɔɔ bɛ nye gyi bɛ ti anwo na bɛdi nɔhalɛ wɔ debie biala anu a.

1 Tem 3:3

ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 5:13

Eza bɛsɛkye mekɛ bɛduolua ye mgbovonle nu bɛwolowolo azua nu, yɛɛ tɛ ɛhye angome, bɛbɔ nzekue, bɛfa bɛ nloa bɛwulowula awie mɔ edwɛkɛ nu, na bɛkeha edwɛkɛ mɔɔ ɔnle kɛ bɛka la.

2 Tem 2:23

Twe ɛ nwo fi koasea kpolerazulɛ mgbane mgbane ne mɔ anwo, ɔluakɛ ɛze kɛ bɛwie butulelilɛ.

2 Tem 3:3

bɛ ti bayɛ se, bɛnrɛze anwunvɔne, bɛbabɔ nzekue, bɛbali mgbonde, bɛbava ɛya mgbane mgbane na bɛahyi kpalɛ,

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7

Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

Gyemise Kɛlata ne 1:19

Mediema kulovolɛma, bɛhakye ɛhye. Ɔwɔ kɛ awie biala tie ɔ nzo anwo, ɔmmatendɛ dɔɔnwo yɛɛ ɔmmafa ɛya.

Gyemise Kɛlata ne 3:14

Na saa bɛ ahonle nu bɛle anyebolo, bɛle angomedi a, ɛnee bɛmmatu bɛ nloa anu kɛ bɛze nrɛlɛbɛ na bɛyɛ ɛtane bɛtia nɔhalɛ ne.

Gyemise Kɛlata ne 4:11

Mediema Keleseɛnema, bɛmmakeha bɛ gɔnwo mɔ anwo edwɛkɛ ɛtane ɛtane. Mɔɔ ka ɔ diema anwo edwɛkɛ ɛtane anzɛɛ bua ye ndɛne la tia mɛla ne na eza ɔbua mɛla ne ndɛne. Na saa ɛbua mɛla ne ndɛne a, ɛnee ɔkile kɛ ɛnli mɛla ne azo bieko, na ɛle ye ndɛnebuavolɛ.

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.

1 Dw 3:12

Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.

1 Dw 3:15

Awie biala mɔɔ kpɔ ɔ diema la le kɔdiawu, yɛɛ bɛdabɛ noko bɛze kɛ kɔdiawu biala ɛnlɛ ngoane mɔɔ ɛnlɛ awieleɛ la wɔ ye nu.

Yekile 12:10

Akee mendele ɛnelɛ kpole bie vi anwuma, ɔse, “Bɔ zo mɔɔ Nyamenle ngoanelielɛ ne ɛra a! Akee Nyamenle ɛhile ye tumi ne kɛ ɔle Belemgbunli. Akee yehile ye Mɛzaya tumi ne! Ɔluakɛ bɛvuandi mɔɔ gyi Nyamenle anyunlu nɔɔzo nee ewiazo toɔdoa yɛ mediema ne mɔ la bɛde aze.