Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:3 - BAEBOLO ANZƐƐ BULUKU NWUANZANWUANZA

³ Bɛbɔ mɔdenle kɛ bɛkɛdɛnla anzonudwolɛ nu na bɛmaa koyɛlɛ ne mɔɔ Sunsum ne ɛva ɛmaa bɛ la ɛwoa ɛkɛ ne dahuu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:3 ပူးပေါင်းရင်းမြစ်များ

1 Arl 16:21

Nzinlii Yizilayɛma anu kpakyele nwiɔ. Ɛnee foa ko kulo kɛ bɛfa Tebenae mɔɔ le Gaenate ara ne bɛsie ebia ne, yɛɛ foa ko noko gyi Ɔmelae anzi.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:32

Ɔwɔ kɛ bɛpɛ ɔ kɔme mɔɔ bɛfa bɛ ti bɛwula nu la. Ɔ kɔme ne, ɔwɔ kɛ bɛnwo debie bɛsɛ nu, amaa bɛwula a yeande.

Nolo 4:12

Saa awie teta menli nwiɔ a, bɛkɛhola bɛkɛgyinla bɛ gyakɛ anu bɛkɛdɛla sonla ko. Nyɛma bɔ nwolɛ nsa a nuhua ɛdelɛ ɛnla aze.

Edwɛkpa ne kɛmɔ Maake hɛlɛle la 3:24

Saa maanle ko anu amra kyɛ bɛ nwo nu na bɛko bɛtia bɛ nwo a, maanle ne ɛngyinla,

Dw 13:34

Memaa bɛ mɛla fofolɛ: Bɛhulo bɛ nwo ngoko ngoko. Kɛ mezi mehulo bɛ la, zɔhane ala yɛɛ bɛhulo bɛ nwo ngoko ngoko a.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:13

kɔdwu kɛ awieleɛ ne, kɛmɔ yɛdie yɛdi na yɛze Nyamenle Ara ne la ati, yɛkɛbɔ nu yɛkɛyɛ ko na yɛayɛ kɛ menli mɔɔ bɛ adwenle ɛdi na bɛ nee Kelaese ɛzɛ atipɛne la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:4

Asɔne ko yɛɛ Sunsum ko a wɔ ɛkɛ a, yɛɛ anyelazo ko anu a Nyamenle ɛvɛlɛ bɛ a;

1 Tɛs 5:13

Bɛli bɛ eni kpole kpalɛ na bɛhulo bɛ wɔ bɛ gyima ne mɔɔ bɛyɛ la ati. Bɛmaa bɛ muala bɛ nloa ɛzɛ bɛ nwo.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.