Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29 - BAEBOLO ANZƐƐ BULUKU NWUANZANWUANZA

²⁹ Bɛmmamaa edwɛkɛ ɛtane fi bɛ nloa anu finde; bɛdendɛ kɛnlɛma mɔɔ maa sonla nyia ngɔzo na ɔnyia mɔɔ ɔkpondɛ la, amaa mɔɔ bɛkɛha la biala azo ara nvasoɛ amaa bɛdabɛ mɔɔ bɛtie la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29 ပူးပေါင်းရင်းမြစ်များ

Edwɛndolɛ Buluku ne 45:2

Ɛ nwo yɛ fɛ tɛla mgbavolɛ kɔsɔɔti, ɛlolɛ ɛyi wɔ ɛdendɛlɛ tɛkɛɛ, yemɔti Nyamenle ɛyila wɔ dahuu.

Edwɛndolɛ Buluku ne 5:9

Me kpɔvolɛma ɛnga nɔhalɛ, debie ɛzɛkyelɛ ala a wɔ bɛ adwenle nu a. Bɛ kɔmenzia ɛbuke kɛ azie zo nla, bɛ nloa anu menlemenle, noko adalɛ ngome.

Edwɛndolɛ Buluku ne 52:2

Dahuu ɛfa adwenle kɛ ɛsɛkye awie mɔ. Ɛ nloa nlane le kɛ dadeɛ dɛma, ɛpepɛ awie mɔ agyakɛ anzi ndinli.

Edwɛndolɛ Buluku ne 71:24

Mebaha wɔ tenlene moalɛ ne anwo edwɛkɛ dahuu, ɔluakɛ bɛdabɛ mɔɔ bɛkpondɛ me bɛahu me la anyunlu ɛgua aze, bɛbɔ anyiemgba.

Mrɛlɛbulɛ Buluku ne 12:13

Ɛtanenli anloa edwɛkɛ kakyi ɛhane kye ye, na tenlenenli ye ɔ nwo fi ngyegyelɛ nu.

Mrɛlɛbulɛ Buluku ne 15:23

Nyelebɛnloa kɛnlɛma maa sonla nye die, yɛɛ edwɛkɛ kpalɛ wɔ ye mekɛ nloa le kpalɛ somaa!

Mrɛlɛbulɛ Buluku ne 15:7

Nrɛlɛbɛvolɛma ɛdendɛlɛ maa adwenle tende. Ahoasea adwenle ɛnle zɔhane.

Mrɛlɛbulɛ Buluku ne 16:21

Sonla mɔɔ ze nrɛlɛbɛ la, bɛfɛlɛ ye kɛ ɔle sonla mɔɔ kola nwu kpalɛ nee ɛtane a, yɛɛ ɛdendɛlɛ kɛnlɛma di adwenle.

Nolo 10:12

Nrɛlɛbɛvolɛ nloa edwɛkɛ maa menli di ye eni, na koasea ka edwɛkɛ a ɔsɛkye ɔdaye mumua ne ɔ nwo.

Ayezaya Buluku ne 50:4

Awulae Nyamenle ɛmaa me ɛnloanlɛ, amaa meahilehile, na meanwu edwɛkɛ kpalɛ mɔɔ meka a ɔkɛmaa mɔɔ anwo ɛbɛlɛ ye la anwosesebɛ a. Nwonlomɔ biala ɔtunwue me, ɔbuke me nzo, amaa meade mɔɔ ɔkilehile me la.

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Edwɛkpa ne kɛmɔ Luku hɛlɛle la 4:22

Bɛ muala bɛ nye liele ɔ nwo na ye ɛdendɛlɛ bɔbɔ zinle bɛ nwo, na bɛzele kɛ, “Asoo tɛ Dwosefi ara ye ɛ?”

Dw 1:37

Ɛdoavolɛma nwiɔ ne dele la bɛgyakyile ye ɛkɛ bɛdoale Gyisɛse.

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

Wulo 15:2

Mɔɔ ɔwɔ kɛ yɛyɛ la a le kɛ yɛkɛmaa yɛ gɔnwo mɔ anye kɛlie bɛ nwo wɔ bɛ boɛlilɛ ti, amaa bɛ diedi anyi.

1 Kɔl 14:19

Noko akee saa yɛyia nuhua kɛ yɛsonle a, menwɔhulo kɛ menwɔha edwɛkɛ agbɔkɛ nnu mɔɔ menli te ɔ bo la, amaa meava meahilehile awie mɔ, tɛla kɛ menwɔha edwɛkɛ agbɔkɛ apenle ngoko bulu wɔ aneɛ ngakyile nu mɔɔ awie ɛnrɛde ɔ bo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:12

Ɔyɛle ɛhye ɔvale ɔzieziele Nyamenle menli kɔsɔɔti ɔmanle Keleseɛn ɛzonlenlɛ gyima ne, amaa bɛayɛ Kelaese asɔnema

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:16

mɔɔ yɛ nwonane ye nvɛyeba ne mɔ amuala sosɔ ye na ɔmaa biala yɛ ye gyima kɛmɔ ɔfɛta la, na nwonane ne nyi ɛhulolɛ nu a.

Kɔlɔ 4:6

Bɛmaa bɛ nloa edwɛkɛ ɛyɛ fɛ na ɔyɛ anyelielɛ, na bɛnwu nyelebɛnloa kpalɛ mɔɔ ɔwɔ kɛ bɛfa bɛye awie biala edwɛkɛ nloa la.

1 Tɛs 5:11

Zɔhane ati bɛboa bɛ nwo ngoko, kɛmɔ kɛkala bɛlɛyɛ ye la na bɛmaa bɛ nwo anwosesebɛ.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 3:1

Bɛmɛ nwuvolɛ mraalɛ, bɛbɛlɛ bɛ nwo aze bɛmaa bɛ hu mɔ, amaa nuhua mɔɔ ɔ hu ɛnlie Nyamenle Edwɛkɛ ne ɛnli la, bɛalua bɛ nyɛleɛ zo bɛahwe ye bɛarɛlɛ Nyamenle, mɔɔ ɔnrɛhyia kɛ bɛkɛha edwɛkɛ kpɔkɛ ko bɔbɔ a,

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.