Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:26 - BAEBOLO ANZƐƐ BULUKU NWUANZANWUANZA

²⁶ Saa ɛfa ɛya a, mmamaa ɔfa wɔ ɔkɔ ɛtane nu; eza mmamaa sɛnzɛne ne tɔ wɔ ɛya zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:26 ပူးပေါင်းရင်းမြစ်များ

Edwɛndolɛ Buluku ne 37:8

Mmafa ɛya, yɛɛ mmamaa wɔ ahonle futu! Mmafonla ɛ nwo; ɔwie munzule.

Edwɛndolɛ Buluku ne 4:4

Bɛva ɛya, na bɛmmayɛ ɛtane; bɛyɛ koonwu na bɛdwenle nwo kpalɛ wɔ bɛ ɛkpa ne mɔ azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:8

Wɔ mgbanyima ɛhye mɔ kɔsɔɔti bara arabɔ bɛ ti aze amaa me na bɛaze kɛ, ‘Ɛ nee ɛ sa zo ne mɔ kɔsɔɔti bɛvi ɛke bɛhɔ.’ Na ɛhye anzi mebavi maanle ye anu meahɔ.” Na Mosisi vale ɛya kpole, na ɔvile belemgbunli ne anyunlu ɛkɛ ne ɔhɔle.

Mrɛlɛbulɛ Buluku ne 14:29

Sonla mɔɔ ɔkyɛ na yeava ɛya la ndelebɛbo le kpole, na mɔɔ ɛngyɛ na ye ahonle afutu la maa ye koaseayɛlɛ yɛ kpole.

Mrɛlɛbulɛ Buluku ne 19:11

Adwenle kpalɛ ɛmmaa sonla ɛnva ɛya mgbane mgbane, yɛɛ ɔle anyunlunyia ɔmaa ye kɛ ɔkɛbu ɔ nye ɔkɛgua nvonleɛ zo.

Mrɛlɛbulɛ Buluku ne 25:23

Sɔlɔ anwoma ne maa ezule tɔ, yɛɛ sonla mɔɔ keha ɔ gɔnwo anzi edwɛkɛ ɛtane la ka ɛya.

Nolo 7:9

Mmafa ɛya ndɛndɛ, ɔluakɛ koasea a fa ɛya sie ye nu a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:24

“Aalɔn ɛnrɛvo azɛlɛ ne mɔɔ meva memaa Yizilayɛma la azo, ɔbawu, ɔluakɛ bɛ mu nwiɔ bɛbulule me mɛla zo wɔ Mɛleba azule ne anloa.

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Maake hɛlɛle la 10:14

Mɔɔ Gyisɛse nwunle ye la, ɔvale ɛya na ɔzele ye ɛdoavolɛma ne mɔ kɛ, “Bɛgyakyi ngakula ne mɔ bɛmaa bɛrɛla me nwo, bɛmmatua bɛ, na bɛdabɛ mɔɔ bɛle kɛ ɛhye mɔ zɛhae la yɛɛ Nyamenle Belemgbunlililɛ ne le bɛ ɛdeɛ a.

Edwɛkpa ne kɛmɔ Maake hɛlɛle la 3:5

Gyisɛse vale ɛya na ɔnleanle bɛ nyunlu ɔyiale, noko eza ɔlile bɛ nwo nyane, ɔluakɛ bɛle menli mɔɔ ɛzua anyetele na bɛ ti yɛ se a. Yemɔti ɔzele nrenya ne kɛ, “Tenrɛ ɛ sa ne anu.” Nrenya ne denrɛle ɔ sa ne mɔɔ ɛdwe la anu, na ɔyɛle kpalɛ bieko.

Mɛla 24:15

Bɛdua ye ɛkpabɔlɛ ahatualɛ ne bɛmaa ye kenle ko biala na sɛnzɛne ne adɔ, ɔluakɛ ɔle ehyianli yɛɛ ɔ ti nee ɔ bo ne amuala ala ɛne. Saa bɛanyɛ ye zɔhane a, ɔbazu yeavɛlɛ Ɛdɛnkɛma yeatia bɛ wɔ nwolɛ, na ɛhye le ɛtane mɔɔ batia bɛ a.

Gyemise Kɛlata ne 1:19

Mediema kulovolɛma, bɛhakye ɛhye. Ɔwɔ kɛ awie biala tie ɔ nzo anwo, ɔmmatendɛ dɔɔnwo yɛɛ ɔmmafa ɛya.

Gyemise Kɛlata ne 1:20

Ɛyavalɛ ɛmmaa sonla ɛnzɔ Nyamenle anye.

1 Sam 20:34

Ɛya hunle Dwɔnatan kpole manle ɔvile ɛkponledolɛ ne abo ɔdwazole. Yeanli Siane Fofolɛ Ɛvoyia ne kenle mɔɔ tɔ zolɛ nwiɔ la aleɛ ne, ɔluakɛ ɛnee ɔlɛdi Devidi anwo nyane kɛ ɔlua ɔ ti ɔ ze ɛbɔ ye aholoba ɛgua ɔ nyunlu aze a.