Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:25 - BAEBOLO ANZƐƐ BULUKU NWUANZANWUANZA

²⁵ Zɔhane ati, bɛmmabɔ adalɛ bieko; awie biala ɛha nɔhalɛ ɛhile ɔ gɔnwo, ɔboalekɛ yɛ muala yɛle menli ko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:25 ပူးပေါင်းရင်းမြစ်များ

1 Arl 13:18

Nyamenle kpɔmanvolɛ kpanyinli ne mɔɔ de Bɛtɛle la buale mɔɔ vi Dwuda la kɛ, “Medame noko mele Nyamenle kpɔmanvolɛ kɛ ɛdawɔ la, na Ɛdɛnkɛma ɛzoa ɛmaa bɛraha bɛhile me kɛ me nee wɔ ɛhɔ sua nu memaa ɛhɔkpula ɛ sa.” Noko ɛnee ɔlɛbɔ adalɛ.

Edwɛndolɛ Buluku ne 119:29

Ye me fi ndenle ɛtane ɛtane nu, na ɛlolɛ nu ala kilehile me wɔ mɛla ne.

Edwɛndolɛ Buluku ne 15:2

Sonla ne mɔɔ anwo ɛnlɛ ngehanleɛ, ɔbɔ ɛbɛla kpalɛ mɔɔ sɔ ɛ nye, na ɔka nɔhalɛ kpalɛ kpalɛ la;

Edwɛndolɛ Buluku ne 52:3

Ɛ nye die ɛtane nwo ɛtɛla kpalɛ, ɛkulo adalɛbɔlɛ ɛtɛla nɔhalɛhanlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:7

Bɛmmato awie ɛzonle, bɛmmaku sonla mɔɔ ɛnze nwolɛ bie na ɔdi pɛlepɛle la, ɔluakɛ menrɛgyakyi amumuyɛnli ne dwɔɔ.

Mrɛlɛbulɛ Buluku ne 12:17

Sonla mɔɔ ka nɔhalɛ la daselɛlilɛ le fɔɔnwo, na mɔɔ di dasewia la bɔ adalɛ.

Mrɛlɛbulɛ Buluku ne 12:19

Edwɛkɛ nɔhalɛ gyi kpundii mekɛ biala, edwɛkɛ adalɛ ɛngyɛ na yeaminli.

Mrɛlɛbulɛ Buluku ne 12:22

Ɛdɛnkɛma kyi menli mɔɔ bɔ adalɛ la, na ɔ nye die menli mɔɔ di nɔhalɛ la anwo.

Mrɛlɛbulɛ Buluku ne 21:6

Sonla mɔɔ fa adalɛ nyia anwonyia la gya le kɛ kpukpuke, yɛɛ ɔle ewule ɛhane ɔmaa ye.

Mrɛlɛbulɛ Buluku ne 24:28

Mmadi daselɛ ɛtia ɛ gɔnwo mgbane gyɛne ne ala, yɛɛ mmabɔ adalɛ.

Mrɛlɛbulɛ Buluku ne 8:7

ɔluakɛ mebaha nɔhalɛ ne; me nloa kyi amumuyɛ edwɛkɛ ɛhehanlɛ.

Ayezaya Buluku ne 63:8

Ɔluakɛ ɔhanle kɛ, “Nɔhalɛ, bɛle me menli; bɛle me mra mɔɔ ɛnrɛbɛlɛbɛla me a.” Na ɔyɛle bɛ dievolɛ.

Ayezaya Buluku ne 9:15

Sonla mɔɔ le kpanyinli nee mɔɔ bɛdi ye eni la a le Yizilayɛma ati ne, yɛɛ Nyamenle kpɔmanvolɛ ne mɔɔ kilehile adalɛ ngilehilelɛ la a le dualɛ ne.

Hozia Buluku ne 4:2

Bɛka ndane, bɛbɔ adalɛ, bɛku menli, bɛwua, yɛɛ bɛto awuvolɛvalɛ mɛla ne. Bɛdɛla anhwe yɛɛ menli ala a bɛku a.

Sɛlɛ 19:11

“Bɛmmawua, bɛmmadi ndunlumi, yɛɛ bɛmmabɔ adalɛ bɛkile bɛ nwo ngoko.

Zɛkalaya Buluku ne 8:16

Ninyɛne mɔɔ ɔwɔ kɛ bɛyɛ la ɛne: Bɛha nɔhalɛ bɛhile bɛ nwo ngoko, bɛyia nu a bɛbua ndɛne nɔhalɛ nu na bɛmaa anzonudwolɛ ɛrɛla.

Zɛkalaya Buluku ne 8:19

“Medame Tumivolɛ Ɛdɛnkɛma mese: Ɛhɔne ne mɔɔ bɛkye ye siane nna ne, siane nnu ne, siane nsuu ne yɛɛ siane bulu ne mɔ anu la bayɛ anyelielɛ nee fɛlɛkolilɛ mekɛ amaa Dwudama na bɛado ɛkponle anyelielɛ nu. Yemɔti bɛhulo nɔhalɛ nee anzonudwolɛ.”

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Wulo 12:5

zɔhane ala yɛɛ saa yɛzonle bɔbɔ a yɛ muala yɛbɔ nu a yɛle sonlabaka ko wɔ Kelaese anu, na yɛsosɔ yɛ nwo ngoko kɛ sonlabaka nvɛyeba ne mɔ sosɔ bɛ nwo la a.

1 Kɔl 10:17

Kɛmɔ kpanwo ne mɔɔ yɛbubu la le ko la, saa yɛle dɔɔnwo bɔbɔ a yɛle sonlabaka ko, ɔluakɛ yɛ muala yɛkyɛ kpanwo ko ne ala.

2 Kɔl 7:14

Saa mendule me nloa anu mengilele ye wɔ bɛ nwo a, bɛangua me nyunlu aze. Debie biala anu yɛka nɔhalɛ ne yɛkile bɛ, na ɛhye ati yɛɛ yɛ nloa anu mɔɔ yɛdule yɛhilele Taetɛse la ɛyɛ nɔhalɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:15

Saa yɛfa ɛhulolɛ yɛka nɔhalɛ ne a, Kelaese ati yɛbanyi wɔ adenle biala anu. Kelaese a gyi yɛ ti

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:31

Bɛye sipe nee ɛkpɔlɛ nee ɛya biala bɛgua. Bɛmmadi butule anzɛɛ bɛmmayɛ aholoba. Bɛye atiakunlu ɛtane biala bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:30

ɔluakɛ yɛle ye sonlabaka ne nvɛyeba ne mɔ bie.

Kɔlɔ 3:8

Na kɛkala ɔwɔ kɛ bɛgua ninyɛne ɛhye mɔ amuala lɔ: ninyɛne mɔɔ le kɛ ɛya ɛvalɛ, ahonle kpole, ɛkpɔlɛ, yɛɛ dumanzɛkyelɛ. Bɛmmamaa aholoba anzɛɛ edwɛkɛ ɛtane fi bɛ nloa anu finde.

Kɔlɔ 3:9

Bɛmmabɔ adalɛ bɛkile bɛ nwo, ɔluakɛ bɛye bɛ su dɛba ne nee ye nyɛleɛ ne mɔ wɔ bɛ nu bɛgua.

1 Tem 1:10

menli mɔɔ bɔ ɛbɛla funli, mrenya mɔɔ fa mrenya anzɛɛ mraalɛ mɔɔ fa mraalɛ, bɛdabɛ mɔɔ bɛwua menli, adalɛma, bɛdabɛ mɔɔ bɛdi dasewia anzɛɛ menli mɔɔ ɛnli nɔhalɛ ngilehilelɛ ne azo la.

1 Tem 4:2

Menli alane bie mɔɔ bɛ adwenle ɛwu kɛ asɛɛ bɛva bulalɛ mɔɔ ɛdɔlɔ woonwu la bɛwula nu la a yɛ ngilehilelɛ ɛhye a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:12

Kilitinli bie mɔɔ bɛdabɛ bɛse ɔle bɛ Nyamenle kpɔmanvolɛ la ɛha kɛ, “Kilitima dahuu bɔ adalɛ, bɛle nane amumuyɛ, bɛle mgbovonle adidikpokuma.”

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

Gyemise Kɛlata ne 1:21

Yemɔti bɛvuandi subane ɛtane nee nyɛleɛ ɛtane kɔsɔɔti bɛgua na bɛdo bɛ nwo aze bɛmaa Nyamenle, bɛlie edwɛkɛ ne mɔɔ yelua ye wɔ bɛ ahonle nu la bɛdo nu, na yemɔ yɛɛ ɔkola ɔdie bɛ ngoane a.

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.

Maanlebuvolɛma Buluku ne 16:11

Ɔzele ye kɛ, “Saa bɛfa samgbe nyɛma fofolɛ mɔɔ bɛtɛfale bɛtɛyɛle debie biala la bɛkyekye me a, me nwo bagolo me, na me anwosesebɛ ne bayɛ kɛ nrenya gyɛne biala anwosesebɛ la.”