Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:24 - BAEBOLO ANZƐƐ BULUKU NWUANZANWUANZA

²⁴ Bɛva bɛ su fofolɛ ne mɔɔ Nyamenle ɛbɔ ye kɛ ɔdaye ye ɛsaso na ɔkile ɔ nwo wɔ nɔhalɛ ɛbɛla mɔɔ tenrɛ na ɔle nwuanzaanwu la anu la bɛwula.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:24 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 5:1

Adam nee ɔ bo zo amra awolɛndoazo ne ɛne. (Mekɛ mɔɔ Nyamenle bɔle sonla la, ɔbɔle ye kɛ ɔdaye ye ɛsaso.

Dwobu Buluku ne 29:14

Membule pɛlepɛlelilɛ tɛladeɛ menwulale, na me nɔhalɛlilɛ yɛle kɛ tɛladeɛ nee abɔtile.

Ayezaya Buluku ne 52:1

Gyɛlusalɛmma, bɛdwazo! Bɛdwazo, bɛmaa bɛ nwo ɛyɛ se, bɛva bɛ adɛladeɛ ngɛnlɛma ne mɔ bɛwula, O Gyɛlusalɛm, suakpole nwuanzanwuanza azo amra, ɔluakɛ awie biala mɔɔ anwo ɛnde na ɔnzonle Nyamenle la ɛnrɛra suakpole ne azo ɛlɛ.

Ayezaya Buluku ne 59:17

Ɔvale tenleneyɛlɛ ɔyɛle akɛnrazo enyinlike, na ɔvale ngoanelielɛ ɔyɛle kyɛlɛ ɔzoale, ɔvale nzenralɛlilɛ ɔyɛle ɛdanlɛ ɔhedale, na ɔvale ɛya kpole ɔyɛle aguzo ɔkyekyele ɔ nwo.

Edwɛkpa ne kɛmɔ Luku hɛlɛle la 1:75

wɔ anwondelɛ nee fɔɔnwoyɛlɛ nu wɔ ɔ nyunlu wɔ mekɛ mɔɔ yɛde ngoane nu la.

Dw 17:17

Dua nɔhalɛ ne azo te bɛ nwo na fa bɛ yɛ wɔ ɛdeɛ; wɔ edwɛkɛ ne a le nɔhalɛ ne.

Wulo 12:2

Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Wulo 6:4

Zɔhane ati yɛlua ɛzɔnenlɛ ne azo bɛziele yɛ bɛbokale ɔ nwo wɔ mekɛ mɔɔ ɔwule la, amaa kɛmɔ Selɛ ne vale anyunlunyia tumi ne dwazole ye vile ewule nu la, yɛdayɛ noko yɛabɔ yɛ ɛbɛla ne fofolɛ.

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

Wulo 8:29

Bɛdabɛ mɔɔ Nyamenle ɛkpa nu ɛye bɛ la, yeva bɛ yezie ahane kɛ bɛbayɛ kɛ ɔ Ra ne la, amaa Ralɛ ne ayɛ mediema dɔɔnwo adiema kpanyinli.

1 Kɔl 15:53

Ɔluakɛ ɔwɔ kɛ sonla nwonane ɛhye mɔɔ kpɔlɔ la kakyi yɛ debie mɔɔ ɛmkpɔlɔ ɛlɛ a, yɛɛ ɔwɔ kɛ sonla nwonane ɛhye mɔɔ wu la kakyi yɛ debie mɔɔ ɛnwu ɛlɛ a.

2 Kɔl 3:18

Bɛye yɛ muala yɛ nyunlu ndanlɛ ne mɔ a Awulae anyunlunyia ne bada alielie yɛ nyunlu. Anyunlunyia ɛhye mɔɔ vi Awulae, mɔɔ le Nyamenle Sunsum ne ɛkɛ la ɛlɛkakyihakyi yɛ yeamaa yɛayɛ ye sɔhovolɛ wɔ anyunlunyia mɔɔ bo zolɛ la anu.

2 Kɔl 4:16

Ɔlua ɛhye ati yɛmkpo aze. Saa yɛ nwonane ɛlɛwie bɔbɔ a, Nyamenle kakyi yɛ sunsum nu nwonane ne alehyenlɛ biala.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:27

Bɛdabɛ mɔɔ bɛzɔne bɛ wɔ Kelaese duma nu la ɛva Kelaese agyakɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:15

Saa ɔwɔ kɛ awie yɛ ye mrenyanu nzonlɛ o, saa ɔnle kɛ ɔyɛ o, ɔle debie mɔɔ ɛngyia fee a. Mɔɔ hyia la a le kɛ yɛkɛyɛ menli fofolɛ bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:15

Ɔluale ye sonlabaka ne azo ɔpɛle Dwuuma mɛla ne nee nwolɛ ngyehyɛlɛ ne mɔ anu na ɔlua Kelaese ati ɔmanle menli ekpunli nwiɔ ɛhye yɛle menli fofolɛ ko na yɛnyianle anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:11

Bɛwula Nyamenle konle tɛladeɛ ne mɔ amuala na bɛahola bɛagyinla Abɔnsam agyiba ne mɔ anloa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 1:8

Wɔ Ralɛ ne anwo, Nyamenle hanle kɛ, “O Nyamenle, wɔ belemgbunlililɛ ɛnrɛbɔ aze ɛlɛ! Ɛfa nɔhalɛlilɛ a ɛsie wɔ menli mɔɔ ɛnea bɛ nwo zo la a.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.