Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:19 - BAEBOLO ANZƐƐ BULUKU NWUANZANWUANZA

¹⁹ Nyiane ɛnle bɛ nye zo, bɛyɛ ninyɛndane yɛɛ bɛkulo ɛbɛla mgbane mgbane ɛbɔlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:19 ပူးပေါင်းရင်းမြစ်များ

Dwobu Buluku ne 15:16

na akee sonla mɔɔ sie munzule na ye subane ɛkpɔlɔ, sonla mɔɔ no ɛtane kɛ nzule la.

Ayezaya Buluku ne 56:11

Ahwea ne mɔ le adidikpoku kpole kpalɛ; bɛdi a bɛ ko ɛnyi ɛlɛ. Mboaneneavolɛma ne mɔ noko ɛnlɛ ndelebɛbo; biala ɛva ɔdaye ye adenle ɛdeɛ zo. Biala dwenle ɔ ngome ye kpalɛyɛlɛ nwo.

Edwɛkpa ne kɛmɔ Maake hɛlɛle la 7:22

ɔfa nwuvolɛ, ɔyɛ anyebolo, ɔyɛ amumuyɛ, ɔbɔ adalɛ, ɔyɛ ahulomrenya anzɛɛ ahulomraalɛ, ɔdi nzisi, ɔyɛ ngunzi, ɔtu ɔ nwo na ɔyɛ ngoaseade a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

1 Tem 4:2

Menli alane bie mɔɔ bɛ adwenle ɛwu kɛ asɛɛ bɛva bulalɛ mɔɔ ɛdɔlɔ woonwu la bɛwula nu la a yɛ ngilehilelɛ ɛhye a.

1 Pit 4:3

Bɛzɛkye bɛ mekɛ dɔɔnwo bɛyɛ mɔɔ menli mɔɔ ɛnzonle Nyamenle la yɛ la bie. Bɛbɔ adwɔmane ɛbɛla, bɛli bɛ atiakunluwɔzo mgbane mgbane nzi, nza ɛgya bɛ, bɛmaa bɛ nye die mgbane mgbane, bɛbɔ anyiemgba ɛbɛla, na bɛsonle awozonle.

2 Pit 2:22

Mɔɔ si bɛ nwo zo la kile kɛ ɛrɛlɛ ne le nɔhalɛ bɔkɔɔ, “Twea fe a ɔsia ɔkɔdi”, yɛɛ “ɛbia kpolike a ɔsia ɔkɔboto ndɛtɛlɛ.”

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.

Yekile 18:3

Ɔluakɛ ɔvale adwɔmanebɔlɛ anyebolo ɔhilehilele menli kɔsɔɔti, ɔmanle bɛzɛkyele. Ewiade arelemgbunli kɔsɔɔti nee ye bɔle adwɔmane, yɛɛ ewiade gualilɛma luale ye anyebolo zo nyianle bɛ nwo!”