Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14 - BAEBOLO ANZƐƐ BULUKU NWUANZANWUANZA

¹⁴ Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14 ပူးပေါင်းရင်းမြစ်များ

Edwɛndolɛ Buluku ne 10:9

ɔfea ɔ nwo kɛ awenade mɔɔ ɛhɔ nzia; ɔkɔ menli mɔɔ ɛhyia la anwo nzia, ɔkye ehyianli ye ɛhane nu na ɔtwenle ye ɔkɔ.

Edwɛndolɛ Buluku ne 59:3

Ɔluakɛ, nea, bɛhɔ me nwo nzia, menli atisesebɛ ɛli me ti amonle. O Ɛdɛnkɛma, metɛyɛle ɛtane, metɛtonle mɛla biala,

Ayezaya Buluku ne 28:9

Bɛbiza kɛ, “Nwane a ɔkɛhilehile ye ɔkɛbuke ye adwenle nu a, yɛɛ nwane a ɔkɛhile ye nrɛlaleɛ ne anu ɔkɛhile ye a? Asoo bɛdabɛ mɔɔ bɛva ɛnlankɛ nyɛfonzule bɛli bɛ adane, anzɛɛ bɛdabɛ mɔɔ bɔ zo mɔɔ bɛpɛ bɛ nyɛfonlɛ la?

Maeka Buluku ne 7:2

Menli mɔɔ sulo Nyamenle la ɛwie wu, sonlakpalɛ ko bɔbɔ anga menli ne anu. Menli mɔɔ ɛha la kɔsɔɔti, biala kpondɛ kɛ ɔka mogya ɔgua, yɛɛ ko biala sua ɔ diema ɛhane.

Edwɛkpa ne kɛmɔ Mateyu hɛlɛle la 11:7

Mɔɔ Dwɔn ɛdoavolɛma ne ziale kɛ bɛkɔ la, Gyisɛse bɔle ɔ bo kɛ ɔka Dwɔn anwo edwɛkɛ yeahile menli dɔɔnwo ne. Ɔse, “Mɔɔ bɛhɔle Dwɔn anwo lɔ wɔ fienemgbole ne anu la, duzu a ɛnee bɛ nye la kɛ bɛkɛnwu ye a? Ɛhonle mɔɔ anwoma ɛlɛkpusu ye la ɔ?

Edwɛkpa ne kɛmɔ Mateyu hɛlɛle la 24:11

Akee Nyamenle kpɔmanvolɛma adalɛ bara araminli menli dɔɔnwo diedi.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Ɛzoanvolɛma Gyima ne 23:21

Na bɛba a mmatɛne bɛ zo, ɔluakɛ bɛ nuhua mɔɔ bo abulanla la barazia adenle nu. Menli ɛhye mɔ ɛli amonle kɛ saa bɛtɛkunle Pɔɔlo a bɛnrɛli aleɛ yɛɛ bɛnrɛnlo nzule. Yemɔti kɛkala bɛwie bɛ nwo boɔboa, wɔmɔ ala a bɛlɛkendɛ kɛ ɛkɛkponle zolɛ a.”

1 Kɔl 12:2

Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Kɔl 3:19

Ɔluakɛ ewiade ye anu nrɛlɛbɛ le ɛzɛlɛ debie wɔ Nyamenle anyunlu. Nyamenle Edwɛkɛ ne se, “Nyamenle dua nrɛlɛbɛvolɛma agyibadolɛ zo kye bɛ;”

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:1

O Galeehyeama ahɔnwɔne! Nwane a ɛhye bɛ sili a? Asoo bɛngakye mɔɔ bɛhanle bɛhilele bɛ, mɔɔ fane kɛ ɔzile ɔyɛle mɔɔ bɛhunle Gyisɛse Kelaese wɔ meanubaka ne azo la?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:11

Bɛwula Nyamenle konle tɛladeɛ ne mɔ amuala na bɛahola bɛagyinla Abɔnsam agyiba ne mɔ anloa.

1 Tem 3:6

Ɔnle kɛ ɔyɛ sonla mɔɔ rale asɔne ne anu la ɛtɛkyɛle a, anrɛɛ ɔkɛmemaa ɔ nwo zo ɔkɛmaa bɛkɛbua ye fɔlɛ kɛ bɛbua Abɔnsam la.

2 Tem 1:15

Ɛze kɛ awie biala mɔɔ wɔ Ehyea maanzinli ne anu la ɛnriandi me; Fegyɛlɛse nee Hɛmɔgyɛnize bɛdabɛ bɛboka bɛ.

2 Tem 3:13

Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

2 Tem 4:3

Mekɛ bie bara mɔɔ menli ɛnrɛdie ngilehilelɛ kpalɛ a. Bɛbali bɛdabɛ bɛ atiakunluwɔzo nzi, na bɛaboɔboa kilehilevolɛma dɔɔnwo mɔɔ kɛha mɔɔ bɛkulo kɛ bɛte la anloa bɛamaa bɛ nwo.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

Gyemise Kɛlata ne 1:6

Noko anrɛɛ bɛva diedi mɔɔ bɛ ti anu keseeyɛlɛ anzɛɛ kpolerazulɛ biala ɛnle nu la bɛbiza. Mɔɔ ye adwenle ɛngyinla la le kɛ nyevile sɛlɛkye mɔɔ anwoma bɔ ye kɔ ba la.

Gyemise Kɛlata ne 3:4

Bɛnlea amɛle: ɔle kpole yɛɛ anwoma mɔɔ anu yɛ se la a pia ye a; noko bulalɛ ekyi bie a maa ahenle mɔɔ ka amɛle ne la kakyihakyi ɔ nye na ɔmaa ɔkɔ ɛleka biala mɔɔ ɔkulo la a.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

1 Dw 2:19

Menli ɛhye mɔ vi yɛ nu a hɔle a, na bɛmboka yɛ nwo. Saa bɛboka yɛ nwo a, anrɛɛ bɛ nee yɛ dɛnlanle. Bɛgyakyile yɛ bɛhɔle, amaa yeala ali wienyi kɛ bɛ biala ɛmboka yɛ nwo.

1 Dw 2:26

Melɛkɛlɛ bɛ ɛhye wɔ bɛdabɛ mɔɔ bɛlɛbɔ mɔdenle bɛabɛlɛbɛla bɛ la anwo.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.

Dwuudu Kɛlata ne 1:12

Bɛle kɛ andɔma anzɛɛ atasonlɛ wɔ mediema ɛhulolɛ ɛkponledolɛ bo; bɛno nza bɛbo, bɛbɔ bɛ nwo anyiemgba. Bɛdwenle bɛ ngome bɛ nwo ala. Bɛle kɛ amungu mɔɔ nzule ɛnle nu la ati, anwoma maa ɔdi akɔneaba. Bɛle kɛ bokile mgbenleɛ mbaka mɔɔ anzo ma la. Bɛtudu bɛ bɛ bo nee bɛ ndinli ne mɔ amuala na bɛwu bɔkɔɔ.

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.