Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:13 - BAEBOLO ANZƐƐ BULUKU NWUANZANWUANZA

¹³ kɔdwu kɛ awieleɛ ne, kɛmɔ yɛdie yɛdi na yɛze Nyamenle Ara ne la ati, yɛkɛbɔ nu yɛkɛyɛ ko na yɛayɛ kɛ menli mɔɔ bɛ adwenle ɛdi na bɛ nee Kelaese ɛzɛ atipɛne la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:13 ပူးပေါင်းရင်းမြစ်များ

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Zɛfanaya Buluku ne 3:9

“Mekɛ ne anu mebade me menli ne anloa meamaa bɛadendɛ ɛdendɛlɛ kpalɛ mɔɔ anwo te la, amaa bɛ muala bɛadea bɛavɛlɛ medame Ɛdɛnkɛma na bɛabɔ nu bɛazonle me.

Zɛkalaya Buluku ne 14:9

Ɛdɛnkɛma bali azɛlɛ ye kɔsɔɔti azo belemgbunli; mekɛ ne anu awie biala bazonle Ɛdɛnkɛma kɛ yemɔ a ɔle Nyamenle kokye ne a yɛɛ ye duma ko.

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Dw 1:16

Ye ɛlolɛ bebelebe ne ati, yeyila yɛ muala kɔsɔɔti, na ɔyila yɛ dahuu.

Dw 16:3

Bɛbayɛ ɛhye mɔ amuala, ɔluakɛ bɛnze Selɛ ne yɛɛ bɛnze me.

Dw 17:21

Mesɛlɛ kɛ bɛ muala bɛkɛyɛ ko. Egya! Maa bɛdɛnla yɛ nu, kɛmɔ ɛde me nu na medame mede wɔ nu la. Maa bɛyɛ ko, amaa ewiade amra alie ali kɛ amgba ɛdawɔ a ɛzoanle me a.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 6:69

Kɛkala yɛlie yɛli, na yɛze kɛ wɔmɔ a ɛle Nwuanzanwuanza Ko ne mɔɔ vi Nyamenle ɛkɛ ɛra a.”

Ɛzoanvolɛma Gyima ne 4:32

Diedima ne amuala lile ahua wɔ ahonle nee adwenle nu. Bɛ nuhua biala anva ye debie biala ambɔ ye ɛbolɛ na bɛ nee bɛ gɔnwo mɔ hyɛle debie biala mɔɔ ko lɛ ye la.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Kɔl 2:6

Ɔle nɔhalɛ kɛ yɛbɔ nrɛlɛbɛ nwo nolo yɛkile bɛdabɛ mɔɔ bɛnyi sunsum nu la. Tɛ ewiade ɛhye anu nrɛlɛbɛ ɛdeɛ ne anwo nolo ɔ, yɛɛ tɛ ewiade tumivolɛma mɔɔ bɛ tumililɛ ne ɛnrɛhyɛ na yeavi bɛ sa la nrɛlɛbɛ ɛdeɛ ne anwo nolo ɔ.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17

na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:23

Asɔne ne a le Kelaese sonlabaka ne yɛɛ Kelaese a maa asɔne ne di munli kɛ ɔdaye Kelaese la a; ɔdaye ala a eza ɔmaa debie biala mɔɔ wɔ aleɛabo la di munli a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:15

Ɔluale ye sonlabaka ne azo ɔpɛle Dwuuma mɛla ne nee nwolɛ ngyehyɛlɛ ne mɔ anu na ɔlua Kelaese ati ɔmanle menli ekpunli nwiɔ ɛhye yɛle menli fofolɛ ko na yɛnyianle anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:12

Ɔyɛle ɛhye ɔvale ɔzieziele Nyamenle menli kɔsɔɔti ɔmanle Keleseɛn ɛzonlenlɛ gyima ne, amaa bɛayɛ Kelaese asɔnema

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:3

Bɛbɔ mɔdenle kɛ bɛkɛdɛnla anzonudwolɛ nu na bɛmaa koyɛlɛ ne mɔɔ Sunsum ne ɛva ɛmaa bɛ la ɛwoa ɛkɛ ne dahuu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:5

Awulae ko, diedi ko, yɛɛ ɛzɔnenlɛ kokye ala a wɔ ɛkɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:10

Mɔɔ mekpondɛ la a le kɛ menwɔnwu Kelaese na menwɔde ye ewudwazo tumi ne me nu, na me nee ye yɛkɛnwu amaneɛ na menwɔyɛ kɛ ɔdaye wɔ ye ewule nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8

Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

Kɔlɔ 2:2

Meka ɛhye meamaa bɛ akɛnrazilɛ na bɛali ahua wɔ ɛhulolɛ nu, amaa bɛanyia diedi nu anwonyia ne mɔɔ ndelebɛbo kpalɛ fa maa la. Zɛhae adenle zo yɛɛ bɛlua a bɛkɛnwu deɛ ne mɔɔ Nyamenle ɛva ɛvea la a; deɛ ne mɔɔ Nyamenle ɛva ɛvea la a le Kelaese ɔdaye mumua ne.

Kɛlata mɔɔ bɛhɛlɛle bɛhɔmanle Hibuluma la 5:14

Aleɛ mɔɔ anu yɛ ɛnlomboɛ la wɔ ɛkɛ maa mgbanyinli, ɔluakɛ bɛzukoa na bɛkola bɛnwu ngakyile mɔɔ wɔ kpalɛ nee ɛtane nu la.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.