Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:20 - BAEBOLO ANZƐƐ BULUKU NWUANZANWUANZA

^20-21 Anyunlunyia ɛlua asɔne ne nee Kelaese Gyisɛse anwo zo ɛha Nyamenle mɔɔ dua tumi ne mɔɔ yɛ gyima yɛ nu la azo maa ɔbo mɔɔ yɛbiza nee mɔɔ yɛdwenle nwo la azo la, wɔ ɛnɛ nee mekɛ mɔɔ ɛnlɛ awieleɛ! Amen.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:4

Bɛmaa membɛlɛ bɛ nzule ekyi bɛnrinzi bɛ gyakɛ anwo, na bɛlie bɛ ɛnwomenle ekyii wɔ mbaka ye abo.

2 Sam 7:19

Noko ɛhye le ɛ nye zo debie ekyi bie; yɛɛ mɔɔ akee ɛlɛyɛ bɔbɔ la bo zolɛ. O Tumivolɛ Ɛdɛnkɛma, wɔbɔ me bo zo amra ɛwɔkɛ wɔ mekɛ tendenle mɔɔ bara la.

1 Arl 3:13

Akee debie mɔɔ wɔambiza bɔbɔ la, mebava meaboka nwo. Ɛbanyia ɛ nwo, wɔanyia ɛ nyunlu wɔadɛla belemgbunli biala.

2 Edk 25:9

Amazaya bizale Nyamenle kpɔmanvolɛ ne kɛ, “Ɛnee akee dwɛtɛ fufule kilo apenle nsa ɛya nna ne mɔɔ medua memaa Yizilayɛ ɛlɔnema ne la, kɛ menyɛ ye ɛ?” Nyamenle kpɔmanvolɛ ne zele ye kɛ, “Ɛdɛnkɛma kola maa wɔ ɛhye anwo mɔnwo kɛyɛ nyɛ.”

2 Edk 9:12

Belemgbunli Sɔlɔmɔn noko hyɛle Hyiba belemgbunli raalɛ ne ninyɛne dɔɔnwo, eza debie biala mɔɔ belemgbunli raalɛ ne bizale ye la, ɔvale ɔmanle ye. Akee Hyiba belemgbunli raalɛ ne nee ye menli mɔɔ doa ye la ziale hɔle bɛ maanle nu wɔ Hyiba.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:6

Ɛdɛnkɛma akee zenle ɔ nyunlu ɛkɛ na ɔhanle kɛ, “Medame a mele Ɛdɛnkɛma a, Ɛdɛnkɛma mɔɔ mele anwunvɔnezelɛ nee atiakunlukɛnlɛma Nyamenle, menva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi me tɛkɛɛ.

Sɔlɔmɔn Edwɛne 5:1

Me diema raalɛ, me atɔfolɛ, mera me tola ne anu. Melɛboɔboa me alufuanlɛ nee me aledonlɛ ninyɛne evuanlɛ ne mɔ anloa; melɛdi me wolɛ ndɛlamoa nee me wolɛ ne; melɛno me nwanye ne nee me meleke ne. Agɔnwolɛma, bɛli na bɛnlo bɛnlo bɛbo, o kulovolɛma.

Ayezaya Buluku ne 35:2

zolɛ bawula kpole kɛ ndotolo baka, na yeava anyelielɛ yeado edwɛne. Zolɛ kɛnlɛma bayɛ kɛ Lɛbanɔn Awoka zo, ye azɛlɛ bahye aleɛ kɛ Kamɛle Boka nee Hyɛlɔn azɛlɛ. Bɛbanwu Ɛdɛnkɛma anyunlunyia ne nee yɛ Nyamenle ne bedevinliyɛlɛ ne.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Gyɛlɛmaya Buluku ne 32:17

wɔmɔ yɛɛ wɔva wɔ tumi kpole ne nee wɔ anwosesebɛ wɔbɔ anwuma nee aze a!

Gyɛlɛmaya Buluku ne 32:27

“Nea, mame a mele Ɛdɛnkɛma, menli kɔsɔɔti bɛ Nyamenle ne a; debie biala ɛmbo me nwo zo.

Daneɛle Buluku ne 3:17

Saa ɔba ye zɔhane a, Nyamenle ne mɔɔ yɛsonle ye la kola die yɛ fi sendɔlɔra ne anu, yɛɛ ɔbalie yɛ yeavi ɛ sa nu.

Daneɛle Buluku ne 6:20

Ɔbikyele tunli ne la ɔvale abodelɛ ɔdeanle nuhua kɛ, “Tease Nyamenle ne sonvolɛ Daneɛle! Asoo wɔ Nyamenle ne mɔɔ ɛsonle ye dahuu la ɛhola ɛlie wɔ ɛvi awenade ne mɔ asa anu?”

Edwɛkpa ne kɛmɔ Mateyu hɛlɛle la 3:9

Bɛmmadwenle bɛka kɛ, ‘Yɛmɛ yɛ nlenya a le Ebileham.’ Meka meahile bɛ kɛ Nyamenle kola maa awolɛ ɛhye mɔ dwazo yɛ Ebileham nlɔnra.

Dw 10:10

Awule sonla biala ba kɛ ɔbawua, yeahu, na yeazɛkye mboane ne mɔ. Mera amaa bɛanyia ngoane, na bɛanyia ye molozo.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 4:21

Ɔliele ɔlile bɔkɔɔ kɛ Nyamenle kola yɛ mɔɔ yeha la maa ɔbo zolɛ.

1 Kɔl 2:9

Nyamenle Edwɛkɛ ne se, “Debie mɔɔ sonla ɛtɛnwunle ye anzɛɛ ɛtɛtele ɛlɛ, debie mɔɔ sonla andwenle kɛ ɔkɛzi ɛlɛ la, yemɔ a le deɛ ne mɔɔ Nyamenle ɛziezie ɛdo ɛkɛ ne ɛmaa bɛdabɛ mɔɔ bɛkulo ye la a.”

2 Kɔl 9:8

Nyamenle kola maa bɛ ninyɛne mɔɔ bɛhyia nwolɛ la maa ɔbo zolɛ, amaa dahuu bɛanyia mɔɔ sa bɛ la na bɛava bie bɛayɛ nyele.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:19

nee kɛ ye tumi ne kpole si de la. Tumi ɛhye mɔɔ ɛlɛdi gyima wɔ yɛmɛ mɔɔ yɛdie ye yɛdi la anu la, yemɔ ala a le anwosesebɛ bedevinli ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:7

Nyamenle ɛlua ye tumi ne gyimalilɛ zo ɛmaa me ahyɛlɛdeɛ mɔɔ sonle bolɛ, kɛ menyɛ Edwɛkpa ne anwo sonvolɛ.

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

Kɛlata mɔɔ bɛhɛlɛle bɛhɔmanle Hibuluma la 11:19

Ebileham nyianle adwenle kɛ Nyamenle kola dwazo mɔwuamra fi ewule nu, na amgba noko, Ebileham asa hanle Ayezeke vile ewule nu.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

Gyemise Kɛlata ne 4:12

Nyamenle angomekye a kola die ngoane na ɔkola ɔsɛkye ye a. Yemɔ ala a ɔmaa mɛla na ɔle ndɛnebuavolɛ a. Na wɔmɔ, ɛdawɔ a le nwane, mɔɔ ɛbua ɛ gɔnwo ndɛne a?

2 Pit 1:11

Zɛhae nyɛleɛ zo ala yɛɛ bɛlua a bɛkɛnyia yɛ Awulae nee Dievolɛ Gyisɛse Kelaese belemgbunlililɛ ne mɔɔ ɛmbɔ aze ɛlɛ la a.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,