Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:18 - BAEBOLO ANZƐƐ BULUKU NWUANZANWUANZA

¹⁸ amaa bɛahola bɛ nee Nyamenle menli ne anyia anwosesebɛ ade kɛ Kelaese ɛhulolɛ ne tɛtɛlɛ nee ye tendenle, ye anwumahɔlɛ nee ye kuma si de la abo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:18 ပူးပေါင်းရင်းမြစ်များ

2 Edk 6:41

Dwazo, O Ɛdɛnkɛma Nyamenle, na ɛ nee wɔ Ngyekyeleɛ Ɛlɛka ne mɔɔ kile wɔ tumi kpole ne la ɛwolo Ɛzonlenlɛ Sua ne anu na bɛlie bɛ ɛnwomenle wɔ ɛkɛ ne na bɛdɛnla ɛkɛ ne dahuu. Yila wɔ sɛlɛvolɛma wɔ debie biala mɔɔ bɛyɛ la anu na maa wɔ menli anye ɛlie kɛ ɛle kpalɛ ɛmaa bɛ a.

Edwɛndolɛ Buluku ne 103:17

Ɛdɛnkɛma ɛhulolɛ kpundii ne wɔ ɛkɛ dahuu maa bɛdabɛ mɔɔ bɛsulo ye la, ye tenleneyɛlɛ ne wɔ ɛkɛ maa awolɛndoazo kɔsɔɔti.

Edwɛndolɛ Buluku ne 116:15

Nyamenle menli ne ewule le debie kɛnlɛma wɔ Ɛdɛnkɛma anye zo.

Edwɛndolɛ Buluku ne 132:9

Maa wɔ sɛlɛvolɛma ɛbɔ ɛbɛla mɔɔ tenrɛ, na maa wɔ menli ne ɛva anyelielɛ ɛdea nu.

Edwɛndolɛ Buluku ne 139:6

Zɛhae adwenle ne yɛ me nwanwane; ɔwɔ anwuma ɔbo me ndelebɛbo zo.

Edwɛndolɛ Buluku ne 145:10

O Ɛdɛnkɛma, ɛ sa anloa gyima kɔsɔɔti bayɛ wɔ mo, Nyamenle menli ne amuala baye wɔ ayɛlɛ!

Ayezaya Buluku ne 55:9

Ɔluakɛ, kɛmɔ anwumaneamra wɔ anwuma tɛla azɛlɛ ye la, zɔhane ala yɛɛ me ndenle le mgbole na me adwenle le kpole tɛla bɛ ɛdeɛ ne mɔ a.

Zɛkalaya Buluku ne 14:5

Bɛbanriandi bɛahɔ me awoka ne mɔ bɔnza ne anu, ɔluakɛ bɔnza ne anu badɛlɛ toonwo adwu Ezɛle. Bɛbanriandi, kɛmɔ bɛ nlenya mɔ nriandile azɛlɛkpusulɛ mekɛ ne anu wɔ Dwuda Belemgbunli Ɛzaya mekɛ zo la. Akee Ɛdɛnkɛma bɛ Nyamenle ne bara, na ɔ nee Nyamenle menli ne mɔ amuala ara.

Dw 15:13

Ɛhulolɛ kpalɛ mɔɔ sonla kɛnyia ye wɔ ɔ gɔnwo mɔ anwo la a le kɛ ɔkɛva ye ngoane ɔkɛdo aze ɔkɛmaa bɛ.

Wulo 10:3

Ɔluakɛ bɛgyakyi fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la, na bɛpele bɛva bɛ ngome bɛ fɔɔnwoyɛlɛ adenle ɛdeɛ zo; bɛanva nɔhalɛ fɔɔnwoyɛlɛ adenle ne mɔɔ Nyamenle dua zolɛ maa menli sɔ ɔ nye la azo.

2 Kɔl 13:13

Awulae Gyisɛse Kelaese ɛlolɛ ne, Nyamenle ɛhulolɛ ne, nee Sunsum Nwuanzanwuanza agɔnwolɛyɛlɛ ne nee bɛ muala ɛdɛnla.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:10

Ngyehyɛlɛ ɛhye, mɔɔ ye mekɛ dwu a Nyamenle bamaa yeali munli la a le kɛ, ɔkuohua abɔdeɛ muala mɔɔ wɔ anwuma nee aze la anloa, na yeava Kelaese yeazie bɛ ti.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:15

Zɔhane ati sumunli kɛ mendele bɛ nganeɛ kɛ bɛlie Awulae Gyisɛse bɛli, nee bɛ ɛhulolɛ mɔɔ bɛlɛ ye wɔ Nyamenle menli muala anwo la,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:19

Mesɛlɛ kɛ anrɛɛ bɛanwu ye ɛhulolɛ ne mɔɔ bo sonla adwenle zo la, na Nyamenle su ne mɔɔ maa sonla sɔ Nyamenle anye la ayi bɛ tɛkɛɛ.

Kɔlɔ 1:4

Ɔluakɛ yɛde kɛ bɛliele Kelaese Gyisɛse bɛlile la, bɛnyia ɛhulolɛ wɔ Nyamenle menli ne anwo,

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.