Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17 - BAEBOLO ANZƐƐ BULUKU NWUANZANWUANZA

¹⁷ na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17 ပူးပေါင်းရင်းမြစ်များ

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Edwɛkpa ne kɛmɔ Mateyu hɛlɛle la 13:6

Na mɔɔ ewia bɔle la, bɛyelale, ɔluakɛ bɛ ndinli ne mɔ andwu azɛlɛ bo kpalɛ.

Edwɛkpa ne kɛmɔ Luku hɛlɛle la 6:48

Ɔle kɛ nrenya bie mɔɔ ɛnee ɛlɛsi ye sua la, ɔpɛle kuma ne ɔmanle ɔhɔle kolaa na yeawula sua ne aze wɔ bolɛ zo. Ezule ne bule aze na ɔravale sua ne, na yeangola ye bu, ɔluakɛ bɛzile ye boɛ.

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

Dw 17:23

maa mendɛnla bɛ nu, na ɛdawɔ noko tɛnla me nu, amaa bɛayɛ ko kpalɛ kpalɛ, na ewiade amra anwu kɛ ɛdawɔ a ɛzoanle me a, na ɛkulo bɛ kɛmɔ ɛkulo me la.

Dw 6:56

Sonla mɔɔ di me nwonane na ɔno me mogya la de me nu, yɛɛ medame mede ye nu.

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

1 Kɔl 3:6

Menluale ma ne yɛɛ Apɔlɔso guguale zolɛ nzule, na Nyamenle a manle ɔnyinle a.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

2 Kɔl 13:5

Bɛnleɛnlea bɛ ahonle nu, na bɛnlea kɛ bɛtɛdɛ bɛ diedi ne anu. Bɛzɔ bɛ nwo bɛnlea; asoo bɛnnwu kɛ Kelaese Gyisɛse wɔ bɛ nu? Ɛnee kyesɛ bɛangola sɔnea ne anloa gyinla.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Dw 4:16

Yɛdayɛ mumua ne yɛze, yɛɛ yɛdie yɛdi kɛ Nyamenle kulo yɛ. Nyamenle le ɛhulolɛ, yemɔti awie biala mɔɔ lɛ ɛhulolɛ la nee Nyamenle de, yɛɛ Nyamenle nee ye de.

1 Dw 4:4

Me mra ngakula, bɛmɛ bɛle Nyamenle ɛdeɛ, na bɛli Nyamenle kpɔmanvolɛma adalɛ ɛhye mɔ anwo zo konim, ɔluakɛ sunsum ne mɔɔ wɔ bɛ nu la le kpole tɛla sunsum ne mɔɔ wɔ ɛtane ewiade ye amra anu la.

Yekile 3:20

Tie, megyi anlenkɛ ne anzi melɛbɔ nu; mɔɔ kɛde me ne na ɔkɛdukue me la, mebara ye ɛkɛ na me nee ye arado ɛsalɛ, na ɔdaye noko ɔ nee me ado ɛsalɛ.