Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:14 - BAEBOLO ANZƐƐ BULUKU NWUANZANWUANZA

¹⁴ Kɛmɔ ɛnee melɛka la, ɛhye ala ati yɛɛ mekoto mesɛlɛ Selɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:14 ပူးပေါင်းရင်းမြစ်များ

1 Arl 19:18

noko mebagyakyi menli apenle nsuu mɔɔ wɔ Yizilayɛ maanle ne anu mɔɔ ɛtɛsonlenle bozonle Beeyale ɛlɛ la.”

1 Arl 8:54

Sɔlɔmɔn hotole Ɛdɛnkɛma azukponle ne anyunlu, ɔmanle ɔ sa zo anwuma, ɔdɛlɛle nuhua na yeazɛlɛ. Ɔwiele la ɔdwazole.

2 Edk 6:13

(Mekɛ ne anu ɛnee Sɔlɔmɔn ɛva kɔbele ɛbo sɛlɛdwee wɔ alie nwo ɛkɛ ne avinli. Sɛlɛdwee ne anwumahɔlɛ le asɛɛ mita ko nee foa yɛɛ ye tɛtɛlɛ nee ye tendenle sɛ; biala le mita nwiɔ nee ekyi. Ɔvole sɛlɛdwee ne azo mɔɔ awie biala nwu ye la na akee ɔhotole, ɔmanle ɔ sa zo anwuma.)

Ɛzela Buluku ne 9:5

Ɔdwule nɔsolɛ azubɔlɛ mekɛ ne la, menvile ɛleka mɔɔ ɛnee mede melɛkye ɛhɔne ne la mendwazole, menvale me tɛladeɛ suosuanlera ne ala mengotole, mendɛlɛle me sa nu na menzɛlɛle Ɛdɛnkɛma me Nyamenle ne kɛ,

Edwɛndolɛ Buluku ne 95:6

O bɛrɛla, bɛmaa yɛbɔ yɛ ti aze yɛzonle ye; bɛmaa yɛhoto Ɛdɛnkɛma, yɛ Bɔvolɛ ne.

Ayezaya Buluku ne 45:23

Meha medame me ngome me nwo mebɔ ɛwɔkɛ, me nloa ɛvula edwɛkɛ mɔɔ le tenlene, menrɛhwe menrɛzia: Awie biala bahoto me, awie biala babɔ ɛwɔkɛ wɔ me nyunlu.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Edwɛkpa ne kɛmɔ Luku hɛlɛle la 22:41

Akee ɔvile bɛ nwo ɛkɛ ne ɔhɔle ɔ nyunlu ekyii na ɔhotole ɔzɛlɛle kɛ,

Ɛzoanvolɛma Gyima ne 20:36

Mɔɔ Pɔɔlo wiele la, ɔ nee bɛ bɛ muala bɛhotole na bɛyɛle nzɛlɛlɛ.

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Ɛzoanvolɛma Gyima ne 7:60

Akee ɔhotole na ɔdeanle nu kpole kɛ, “Awulae, fa ɛtane ɛhye kyɛ bɛ!” Ɔhanle ɛhye la, ɔwule.

Ɛzoanvolɛma Gyima ne 9:40

Pita vindele bɛ, na ɔhotole ɔzɛlɛle; ɔhakyile ɔ nye funli ne anwo na ɔzele kɛ, “Tabeta, dwazo!” Raalɛ ne bukele ɔ nye na ɔnwunle Pita la, ɔmanle ɔ nwo zo ɔdɛnlanle aze.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:15

mɔɔ ye nehane a abusua biala mɔɔ wɔ anwuma nee aze la nyia ye nɔhalɛ duma la,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:10

Ɛhye ati, anwuma nee aze nee ɛbolɔ amra amuala bahoto Gyisɛse na bɛali ye duma ne eni,