Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:1 - BAEBOLO ANZƐƐ BULUKU NWUANZANWUANZA

¹ Ɔlua ɛhye ati medame Pɔɔlo, mɔɔ bɛmɛ mɔɔ bɛnle Dwuuma la ati bɛhye me nuokɛ bɛmaa Kelaese Gyisɛse la, mesɛlɛ dahuu memaa bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:1 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 21:12

Bɛbahyehye bɛ, bɛayɛ bɛ kpɔdekpɔde, bɛbaye bɛ bɛamaa bɛali bɛ edwɛkɛ wɔ bɛ nyianu azua ne mɔ anu na bɛagua bɛ efiade; bɛbava bɛ bɛahɔgyinla arelemgbunli nee maanle mgbanyima nyunlu wɔ me ti kolaa na ɛhye mɔ asisi.

Ɛzoanvolɛma Gyima ne 21:33

Sogyama kpanyinli ne hɔzɔle Pɔɔlo, na ɔmanle bɛvale nwɔnzɔnwɔnzɔ nwiɔ bɛguale ye. Akee ɔbizale kɛ, “Na nwane a le ɛhye, yɛɛ duzu ɛtane a yeyɛ a?”

Ɛzoanvolɛma Gyima ne 23:18

Sogya ne vale kpavolɛ ne hɔle bɛ kpanyinli ne ɛkɛ ne na ɔzele kɛ, “Pilizanli Pɔɔlo vɛlɛle me na ɔzele me kɛ menva kpavolɛ ye membɛlɛ wɔ na ɔlɛ edwɛkɛ ɔka yeahile wɔ.”

Ɛzoanvolɛma Gyima ne 26:29

Pɔɔlo buale ye kɛ, “Saa mekɛ ekyi nu o, saa mekɛ tendenle nu o, me nzɛlɛlɛ a le kɛ anrɛɛ Nyamenle amaa ɛdawɔ nee bɛdabɛ mɔɔ bɛlɛtie me ɛnɛ la amuala ayɛ ye sonvolɛma kɛ medame la, mɔɔ nwɔnzɔnwɔnzɔ ye ɛmboka nwolɛ a.”

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

2 Kɔl 1:6

Saa yɛnwu amaneɛ a, ɛnee bɛ ngoanelielɛ nee bɛ arɛlekyekyelɛ ti ɔ; yɛɛ saa bɛkyekye yɛ rɛle a, ɛnee bɛkyekye bɛdabɛ noko bɛ rɛle, na bɛmaa bɛ anwosesebɛ, amaa bɛava abotane bɛagyinla amaneɛnwunlɛ ko ne ala mɔɔ yɛdayɛ yɛgyi bie anwo la anloa.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:11

Na mediema, asoo medame, saa mrenyanu nzonlɛyɛlɛ yɛɛ mebɔ nwolɛ nolo a anrɛɛ ɛnee duzu ati a bɛlɛyɛ me kpɔdekpɔde ɛ? Anrɛɛ Kelaese meanubaka ne mɔɔ mebɔ nwolɛ nolo la ɛnyɛ ngyegyelɛ biala ɛmmaa awie biala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:2

Bɛdie! Medame Pɔɔlo yɛɛ melɛka meahile bɛ a. Saa bɛmaa adenle bɛmaa bɛyɛ bɛ mrenyanu nzonlɛ a, ɛnee bɛhile kɛ Kelaese anwo ɛnlɛ nvasoɛ ɛmmaa bɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:11

Nyamenle yɛle ɛhye kɛmɔ ye damɛnlangoate ngyehyɛlɛ ne mɔɔ ɔlua Kelaese Gyisɛse yɛ Awulae ne anwo zo ɔmanle ɔlile munli la de la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:13

Yemɔti, mesɛlɛ bɛ kɛ bɛmmamaa amaneɛ mɔɔ melɛnwu ye wɔ bɛ ti la bɔ bɛ rɛle; ɔle kpalɛ ɔmaa bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:20

Edwɛkpa ne ati a mela efiade a, noko mele nwolɛ ɛbɔfoɔ. Bɛzɛlɛ kɛ menwɔva akɛnrasesebɛ menwɔha Edwɛkpa ne kɛmɔ ɔfɛta la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:7

Medwenle bɛ nwo somaa! Na ɔle kpalɛ noko kɛ melɛ bɛ nwo adwenle zɛhae a, ɔluakɛ wɔ me efiadenla nu nee Edwɛkpa ne nolobɔlɛ nee ye ɛgyinlalɛ nu, me nee bɛ yɛ muala a yɛnyia Nyamenle ɛlolɛ ne a.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

Kɔlɔ 4:18

Medame Pɔɔlo, me sa anloa ɛne: Mebiza bɛ ahye. Bɛmmamaa bɛ rɛle fi kɛ mela kpanwu nu! Nyamenle ɛlo bɛ na ɔ nee bɛ ɛdɛnla.

Kɔlɔ 4:3

Eza bɛzɛlɛ bɛmaa yɛdayɛ noko kɛ Nyamenle ɛmaa yɛ mekɛ kpalɛ ɔmaa yɛbɔ fealera nu Edwɛkpa ne mɔɔ fane Kelaese anwo la nolo. Ɔluakɛ ɛhye ala ati yɛɛ kɛkala mela efiade a.

2 Tem 1:16

Awulae ɛnwu Onɛsefɔlɛse awuke nu amra anwunvɔne, ɔboalekɛ ɔkyekyele me rɛle mekɛ dɔɔnwo ne ala. Yeanyɛ ye nyiane kɛ mela efiade a.

2 Tem 1:8

Mmamaa Awulae anwo daselɛlilɛ yɛ wɔ nyiane; yɛɛ mmamaa medame noko mɔɔ Kelaese ati mela efiade la me nwo yɛ wɔ nyiane. Ɛdawɔ dua anwosesebɛ ne mɔɔ Nyamenle ɛva ɛmaa wɔ la azo nwu Edwɛkpa ne anwo amaneɛ ne bie.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:1

Kɛlata ɛhye vi medame Pɔɔlo, mɔɔ ɔlua Kelaese Gyisɛse ati mela efiade nee adiema Temɔte ɛkɛ. Ɔdwu yɛ gɔnwo Faelimɔn, mɔɔ le yɛ diema gyimayɛvolɛ wɔ Nyamenle ɛzonlenlɛ ye anu la ɛkɛ;

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:23

Ɛpafelase mɔɔ nee me yɛla efiade ɛke wɔ Kelaese Gyisɛse ati la biza wɔ ahye.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:9

na ɛ nwo ɛhulolɛ ti, mebazɛlɛ wɔ. Mame a mele Pɔɔlo mɔɔ megyi Kelaese Gyisɛse agyakɛ anu, na kɛkala ɔlua ɔ ti mela efiade la, noko akee mebiza ɛhye.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.