Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8 - BAEBOLO ANZƐƐ BULUKU NWUANZANWUANZA

⁸ Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 16:17

Gyisɛse buale ye kɛ, “Dwɔn ara Saemɔn, nyilalɛ ɛha wɔ. Ɔluakɛ tɛ sonla yɛɛ ɛye nɔhalɛ ɛhye ɛhile wɔ a, na Egya mɔɔ wɔ anwuma la ɔ.

Edwɛkpa ne kɛmɔ Mateyu hɛlɛle la 20:9

Yemɔti bɛdabɛ mɔɔ bɛbɔle gyima ne abo dɔne nnu la biala nyianle ahatualɛ etaku nna.

Edwɛkpa ne kɛmɔ Maake hɛlɛle la 16:16

Awie biala mɔɔ kɛlie kɛli na bɛkɛzɔne ye la kɛnyia ngoane; na mɔɔ anlie anli la, bɛkɛbu ye ewule fɔlɛ.

Edwɛkpa ne kɛmɔ Luku hɛlɛle la 7:50

Na Gyisɛse zele raalɛ ne kɛ, “Kɔ anzonudwolɛ nu; wɔ diedi ɛlie wɔ ngoane.”

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

Dw 6:35

Gyisɛse buale bɛ kɛ, “Mame a mele ngoane kpanwo ne a. Mɔɔ kɛra me nwo la, ɛhɔne ɛnrɛhu ye ɛlɛ, yɛɛ mɔɔ kɛlie me kɛli la, nzuhɔne ɛnrɛhu ye ɛlɛ.

Dw 6:37

Awie biala mɔɔ Egya bava ye amaa me la bara me nwo. Awie biala mɔɔ kɛra me nwo la menrɛvoa ye,

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 6:44

Awie biala ɛnrɛhola ɛnrɛra me nwo, kyesɛ Selɛ ne mɔɔ zoanle me la twe ye bɛlɛ me; na mebadwazo ye meara ngoane nu wɔ mekɛ ne mɔɔ li awieleɛ la.

Dw 6:65

Na ɔvale ɔzɔle zolɛ kɛ, “Ɛhye ati a menganle mengilele bɛ kɛ awie biala ɛnrɛhola ɛnrɛra me nwo kyesɛ Selɛ ne ɛva ye ɛrɛlɛ me la.”

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 15:11

Kyɛkyɛ! Kɛmɔ yɛdie yɛdi na ɔlua Awulae Gyisɛse ɛlolɛ zo bɛbalie yɛ ngoane la, zɔhane ala yɛɛ bɛdabɛ noko bɛ ɛdeɛ ne de a.”

Ɛzoanvolɛma Gyima ne 16:14

Mraalɛ mɔɔ diele yɛ edwɛkɛ ne la ko a le Ledea mɔɔ vi Tayataela na ɔtɔnedɔne arelemgbunli ndanlɛ la. Ɔle raalɛ mɔɔ Nyamenlezonlenlɛ wɔ ye nu a. Na Awulae bukele ye adwenle nu manle ɔdiele mɔɔ Pɔɔlo ɛlɛka la kpalɛ.

Ɛzoanvolɛma Gyima ne 16:31

Bɛzele ye kɛ, “Die Awulae Gyisɛse di, na ɛdawɔ nee wɔ sua nu amra kɛnyia ngoane.”

Wulo 10:14

Na kɛ menli kɛyɛ na bɛazu bɛavɛlɛ ye wɔ mekɛ mɔɔ bɛnlie ye bɛnli la ɛ? Na kɛ ɔkɛyɛ na bɛalie mɔɔ bɛtɛtele ɔ nwo edwɛkɛ ɛlɛ la bɛali ɛ? Saa bɛannyia mɔɔ ka maa bɛtie noko la a, kɛ ɔkɛyɛ na bɛade ɛ?

Wulo 10:17

Yemɔti, saa yɛte edwɛkɛ ne a yɛɛ yɛnyia diedi a, yɛɛ edwɛkɛ ne a le Kelaese ne anwo Edwɛkpa ne nolobɔlɛ ne.

Wulo 4:16

Ɛwɔkɛ ne gyi diedi zo, amaa yɛanyɛ Nyamenle ɛlolɛ ahyɛlɛdeɛ yeammaa bɛdabɛ mɔɔ bɛdi Mosisi mɛla ne azo la angome, na yeayɛ ɛlolɛ mɔɔ ka Ebileham abo zo amra amuala mɔɔ lɛ diedi kɛ ɔdaye Ebileham la. Ɔluakɛ Ebileham le yɛ muala yɛ ze wɔ sunsum nu.

Wulo 4:5

Na mɔɔ ɛnyɛ gyima na ɔdie Nyamenle ne mɔɔ bua ɛtanevolɛma benle la di la, ye diedi zo yɛɛ Nyamenle nea na ɔmaa ɔsɔ ɔ nye a.

Wulo 9:16

Yemɔti, Nyamenle anwunvɔnezelɛ ne ɛngyi mɔɔ sonla kpondɛ la, anzɛɛ mɔɔ ɔkɛyele ɔ nwo kɛ ɔyɛ la azo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:14

Bɛhendanle Kelaese wɔ baka zo wɔ yɛmɛ yɛ ti, amaa ɔlua ɔ nwo zo bɛdabɛ mɔɔ bɛnle Dwuuma la bɛanyia nyilalɛ ne mɔɔ Nyamenle vale bɔle Ebileham ɛwɔkɛ la bie, na kɛmɔ yɛdie Kelaese yɛdi la ati yɛ muala yɛ sa aha ye Sunsum ne mɔɔ ɔvale ɔbɔle yɛ ɛwɔkɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:22

Nyamenle Edwɛkɛ ne se ɛtane gyale ewiade amuala; ɛhye ati bɛdabɛ mɔɔ bɛdie Gyisɛse Kelaese bɛdi la angome a Nyamenle bava ye ɛwɔkɛ ne mɔɔ ɔbɔle la yeamaa bɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:19

nee kɛ ye tumi ne kpole si de la. Tumi ɛhye mɔɔ ɛlɛdi gyima wɔ yɛmɛ mɔɔ yɛdie ye yɛdi la anu la, yemɔ ala a le anwosesebɛ bedevinli ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:5

yemɔti mekɛ mɔɔ ɛnee yɛwu sunsum nu wɔ yɛ mɛladonlɛ ti la, ɔvale yɛ nee Kelaese ɔrale ngoane nu. Ɔlua Nyamenle ɛlolɛ ti yɛɛ bɛlie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:29

Nyamenle a ɛmaa adenle kɛ bɛlie Kelaese bɛli na bɛnwu amaneɛ wɔ ɔ ti a.

Kɔlɔ 2:12

Ɔluakɛ mɔɔ bɛzɔnenle bɛ ala la, ɛnee bɛzie bɛ su ɛtane ne nee Kelaese. Eza wɔ ɛzɔnenlɛ ne anu ala bɛluale bɛ diedi mɔɔ wɔ Nyamenle tumi ne mɔɔ dwazole Kelaese vile ewule nu la azo bɛdwazole bɛdabɛ noko.

2 Tɛs 1:9

Bɛbadea menli zɔhane mɔ na bɛaye bɛ bɛavi Awulae anye zo nee ye anyunlunyia tumi ne abo, na bɛazɛkye bɛ ɛzɛkyelɛ mɔɔ ɛnlɛ awieleɛ la.

Kɛlata mɔɔ bɛhɛlɛle bɛhɔmanle Hibuluma la 6:4

Ɔluakɛ ɔyɛ se ɔmaa bɛdabɛ mɔɔ anrɛɛ bɛlɛ diedi na bɛgyakyi nu la kɛ bɛkɛzia bɛkɛnlu bɛ nwo bieko. Ɛnee anrɛɛ bɛwɔ Nyamenle wienyi ne anu, bɛnyia Nyamenle nu ahyɛlɛdeɛ, na bɛnyia Sunsum Nwuanzanwuanza ne bie;

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.