Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:5 - BAEBOLO ANZƐƐ BULUKU NWUANZANWUANZA

⁵ yemɔti mekɛ mɔɔ ɛnee yɛwu sunsum nu wɔ yɛ mɛladonlɛ ti la, ɔvale yɛ nee Kelaese ɔrale ngoane nu. Ɔlua Nyamenle ɛlolɛ ti yɛɛ bɛlie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:5 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 15:24

Ɔluakɛ me ra ɛhye, mefa ye kɛ ɔwule, na kɛkala yera ngoane nu; ɔminlinle, na kɛkala menwu ye.’ Na bɛbɔle ɔ bo kɛ bɛdie bɛ nye.

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Ɛzoanvolɛma Gyima ne 15:11

Kyɛkyɛ! Kɛmɔ yɛdie yɛdi na ɔlua Awulae Gyisɛse ɛlolɛ zo bɛbalie yɛ ngoane la, zɔhane ala yɛɛ bɛdabɛ noko bɛ ɛdeɛ ne de a.”

Wulo 16:20

Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo. [Yɛ Awulae ɛlolɛ ne nee bɛ ɛdɛnla.]

Wulo 3:24

Ɔlua mgbɔdalɛ mɔɔ Gyisɛse Kelaese ɛva ɔ nwo ɛli la azo, Nyamenle ɛlolɛ ne mɔɔ ɔfa ɔkyɛ mgbane la maa menli muala sɔ ɔ nye.

Wulo 4:16

Ɛwɔkɛ ne gyi diedi zo, amaa yɛanyɛ Nyamenle ɛlolɛ ahyɛlɛdeɛ yeammaa bɛdabɛ mɔɔ bɛdi Mosisi mɛla ne azo la angome, na yeayɛ ɛlolɛ mɔɔ ka Ebileham abo zo amra amuala mɔɔ lɛ diedi kɛ ɔdaye Ebileham la. Ɔluakɛ Ebileham le yɛ muala yɛ ze wɔ sunsum nu.

Wulo 5:10

Mɔɔ ɛnee yɛle Nyamenle kpɔvolɛma la, yelua ɔ Ra ne ewule zo ɔ nee yɛ ɛli ngamɔnu na yeyɛ yɛ ɔ gɔnwo mɔ a, ɛnee fane nyɛ yɛɛ akee ɔnrɛlua tease Kelaese ne ati ɔnrɛlie yɛ ngoane ɛ?

Wulo 5:6

Mekɛ mɔɔ ɛnee moalɛ ɛwie bɔkɔɔ la, Kelaese wule manle bɛdabɛ mɔɔ bɛnze Nyamenle la wɔ mekɛ mɔɔ Nyamenle ɔdaye ɔhyehyɛle la anu.

Wulo 5:8

noko Nyamenle ɛhile kɛ ɔsi ɔkulo yɛ la, na yemɔ a le kɛ, mɔɔ ɛnee yɛtɛda nwo yɛtɛde ɛtaneyɛlɛma la, Kelaese wule manle yɛ!

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:1

Dɛba ne, bɛ mɛladonlɛ nee bɛ ɛtane ne mɔ manle bɛwule sunsum nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8

Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:14

ɔluakɛ debie biala mɔɔ kɛla ali la, ɛnee yeyɛ wienyi. Yemɔti a bɛha ye kɛ, “Wɔmɔ mɔɔ wɔlafe a, tunwue na ɛvi mɔwuamra anu dwazo! Na Kelaese wienyi ne kɛda ɛ nwo.”

Kɔlɔ 2:13

Mekɛ bie mɔɔ ɛraze ɛhɔ la ɛnee ɔlua bɛ ɛtane ti, nee kɛmɔ bɛnle Dwuuma na bɛnle Mosisi mɛla ne abo la ati, ɛnee bɛwu sunsum nu, na kɛkala Nyamenle ɛva bɛ nee Kelaese ɛra ngoane nu, na yeva yɛ ɛtane ne mɔ amuala yehyɛ yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:11

Ɔluakɛ Nyamenle ɛye ye ɛlolɛ ne ɛhile wɔ menli kɔsɔɔti bɛ ngoanelielɛ ti.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

Yekile 22:21

Awulae Gyisɛse ɛlo Nyamenle menli ne amuala na ɔ nee bɛ ɛdɛnla. Amen.