Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:4 - BAEBOLO ANZƐƐ BULUKU NWUANZANWUANZA

⁴ Noko Nyamenle anwunvɔnezelɛ ne zonle, yɛɛ ye ɛhulolɛ mɔɔ wɔ yɛ nwo zo la le kpole bo zolɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:4 ပူးပေါင်းရင်းမြစ်များ

Nihɛmaya Buluku ne 9:17

Bɛanyɛ tieyɛ; bɛ rɛle vile mɔɔ ɛyɛle la amuala, bɛ rɛle vile nwanwane ninyɛne mɔɔ ɛyɛle la. Mgbanyizonle nu, bɛyele sonla lile bɛ ti kɛ ɔva bɛ ɔzia ɔhɔ kanrazonlenlɛ nu wɔ Yigyibiti. Noko ɛle Nyamenle mɔɔ ɛfa ɛtane ɛkyɛ, ɛkyɛ na wɔava ɛya; ɛle ɛlolɛ nee ɛhulolɛ. Wɔ anwunvɔnezelɛ ne le kpole bo zo, wɔamkpo bɛ.

Edwɛndolɛ Buluku ne 145:8

Ɛdɛnkɛma le dovolɛ yɛɛ ɔse anwunvɔne, ɔnva ɛya mgbane mgbane yɛɛ ye ɛhulolɛ le kpundii.

Edwɛndolɛ Buluku ne 51:1

O Nyamenle, nwu me anwunvɔne, kɛmɔ wɔ ɛhulolɛ kpundii ne de la; wɔ anwunvɔnezelɛ kpole ne ati, nunu me mɛladonlɛ ne mɔ.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:19

Ɛdɛnkɛma buale ye kɛ, “Mebamaa me wienyi kpole ne ada ɛ nwo zo, na meado me duma ‘Ɛdɛnkɛma’ ne kpaanu meahile wɔ. Mebayɛ menli mɔɔ ɔwɔ kɛ meyɛ bɛ boɛ la boɛ, na meaze menli mɔɔ ɔwɔ kɛ mese bɛ anwunvɔne la anwunvɔne.

Ayezaya Buluku ne 63:7

Mebaha Ɛdɛnkɛma ɛhulolɛ kpundii ne anwo edwɛkɛ; mebaye Ɛdɛnkɛma ayɛlɛ wɔ mɔɔ yeyɛ yemaa yɛ la amuala anwo, nee boɛ kpole mɔɔ yeyɛ yemaa Yizilayɛma la; ɔyɛle ɔmanle bɛ, kɛmɔ ye anwunvɔnezelɛ ne nee kɛ ye ɛhulolɛ kpundii ne kpole si de la.

Gyɛlɛmaya Buluku ne 31:3

mevi moa moa menvindele bɛ. Mehulo bɛ ɛhulolɛ mɔɔ ɛnlɛ awieleɛ la, yemɔti metɛdi nɔhalɛ metɛmaa bɛ.

Daneɛle Buluku ne 9:9

O Awulae yɛ Nyamenle, yɛvo wɔ, yɛde ɛ nwo atua, noko wɔmɔ ala a ɛse anwunvɔne na ɛfa ɛtane ɛkyɛ a.

Dwona Buluku ne 4:2

Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

Edwɛkpa ne kɛmɔ Luku hɛlɛle la 1:78

Ɔlua yɛ Nyamenle ne ahunlunyele kpole ti, ɔbamaa ngoanelielɛ kenle ne ado yɛ;

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Wulo 5:8

noko Nyamenle ɛhile kɛ ɔsi ɔkulo yɛ la, na yemɔ a le kɛ, mɔɔ ɛnee yɛtɛda nwo yɛtɛde ɛtaneyɛlɛma la, Kelaese wule manle yɛ!

Wulo 9:23

Eza noko ɔkulo kɛ ye anyunlunyia ne da ɛkɛ, na ɔwola ɔgua yɛdayɛ mɔɔ ɔwɔ kɛ ɔnwu yɛ anwunvɔne, na yeziezie yɛ kɛ yɛnyia ye anyunlunyia ne la anwo zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7

Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:7

Ɔyɛle ɛhye amuala ɔhilele ye ɛlolɛ totohyia ne mɔɔ bɛngola bɛnzuzu la nee atiakunlukɛnlɛma mɔɔ ɔlua Kelaese Gyisɛse ati dahuu ɔlɛ ye wɔ yɛ nwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

2 Tɛs 2:13

Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.