Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:21 - BAEBOLO ANZƐƐ BULUKU NWUANZANWUANZA

²¹ Kelaese a sɔ sua mumua ne maa ɔgyinla ɔyɛ ɛzonlenlɛ sua nwuanzanwuanza ɔmaa Awulae a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:21 ပူးပေါင်းရင်းမြစ်များ

1 Arl 6:7

Awolɛ ne mɔɔ bɛzieziele nwolɛ wɔ ɛleka mɔɔ bɛdule bɛ la a bɛvale bɛzile sua ne a. Zɔhane ati awie ande kɛ bɛlɛfa hamenle anzɛɛ akuma anzɛɛ bulalɛ bie bɛabɔ debie zo wɔ mekɛ mɔɔ bɛlɛsi Ɛzonlenlɛ Sua ne la.

Edwɛndolɛ Buluku ne 93:5

Wɔ mɛla ne mɔ di munli; nwuanzanwuanzayɛlɛ fɛta wɔ sua nu, O Ɛdɛnkɛma, wɔ mekɛ mɔɔ ɛnlɛ awieleɛ.

Yizikeɛle Buluku ne 42:12

Akee adenle la nyiakɛ ekpumgbunli ne mɔ abo, wɔ aduduleɛ afoa nu ɛleka mɔɔ bane ne wɔ la.

1 Kɔl 3:9

Ɔluakɛ yɛ mu nwiɔ yɛle Nyamenle egyinli nu gyimayɛvoma yɛɛ bɛmɛ a bɛle egyinli ne a. Eza bɛle Nyamenle sua.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Kɔlɔ 2:19

Menli zɔhane mɔ ɛkpo kɛ bɛnrɛdoa Kelaese mɔɔ le Asɔne ne ati la. Kelaese a le Asɔne ne, mɔɔ le ye sonlabaka ne. Ɔdi ye adane, ɔkuohua ye ɔmaa ɔnyi, kɛmɔ Nyamenle kpondɛ ye ala la.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.