Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20 - BAEBOLO ANZƐƐ BULUKU NWUANZANWUANZA

²⁰ Bɛdabɛ noko a bɛle sua mɔɔ bɛlɛsi ye wɔ ɛzoanvolɛma nee Nyamenle kpɔmanvolɛma adiabo ne mɔɔ bɛwula la azo a, na Kelaese ɔdaye mumua ne a ɔle sua ne mgbɛnezo sika ne mɔɔ hyia kpole kpalɛ la a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20 ပူးပေါင်းရင်းမြစ်များ

1 Arl 7:11

Bɛvale awolɛ zɔhane mɔ bie yɛɛ sida mbaka a bɛdole zolɛ a.

Edwɛndolɛ Buluku ne 118:22

Bolɛ ne mɔɔ suasivoma ne kpole la ɛyɛ mgbɛnezo bolɛ mɔɔ anwo hyia a.

Mrɛlɛbulɛ Buluku ne 9:1

Nrɛlɛbɛ ɛzi ye sua na yedwazo mpila nsuu yesosɔ ye.

Ayezaya Buluku ne 28:16

Yemɔti kɛ Awulae Nyamenle ne se la ɛne, “Bɛnlea, melɛfa bolɛ meado adiabo wɔ Zayɔn. Ɔbayɛ bolɛ mɔɔ bɛzɔ bɛnlea, mgbɛnezo bolɛ mɔɔ sonle bolɛ kpalɛ wɔ adiabo kpundii nu, na meahɛlɛ zolɛ kɛ, ‘Mɔɔ die di la ɛnrɛpele ndɛ.’

Zɛkalaya Buluku ne 10:4

Bɛ nuhua yɛɛ menli vi bara arabu maanle ne, arayɛ maanle mgbanyima nee safohyenlema na bɛazie me menli ne a.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Edwɛkpa ne kɛmɔ Mateyu hɛlɛle la 21:42

Gyisɛse zele bɛ kɛ, “Asoo bɛtɛkengale Nyamenle Edwɛkɛ ɛhye ɛlɛ? Ɔse, ‘Bolɛ ne mɔɔ suasivoma ne kpole la, ɛrayɛ bolɛ mɔɔ anwo hyia kpole kpalɛ kɛ sua mgbɛne zo sika la. Awulae a yɛle ɛhye a; na ɔyɛ nwanwane kpole!’

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:5

Dɛba dɛba ne bɛanga edwɛkɛ ɛhye mɔ mɔɔ vea la bɛangile sonla biala, noko kɛkala, Nyamenle lua Sunsum ne azo ɛye ɛhile ye ɛzoanvolɛma nwuanzanwuanza ne nee Nyamenle kpɔmanvolɛma.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Pit 2:6

Nyamenle Edwɛkɛ ne se, “Mekpa nu meye bolɛ mɔɔ sonle bolɛ, kɛ mefa meayɛ bolɛ mɔɔ anwo hyia wɔ Zayɔn; mɔɔ kɛlie ye kɛli la anyunlu ɛnrɛgua aze ɛlɛ.”

Yekile 21:14

Suakpole ne bane ne, bɛhyele ye wɔ adiabo awolɛ bulu nee nwiɔ mɔɔ bɛhɛlɛ Boaneralɛ ne ɛzoanvolɛma bulu nee nwiɔ ne aluma wɔ nwolɛ la azo.