Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2 - BAEBOLO ANZƐƐ BULUKU NWUANZANWUANZA

² Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2 ပူးပေါင်းရင်းမြစ်များ

Dwobu Buluku ne 1:16

Mɔɔ ɔ nloa wɔ zolɛ ɔlɛtendɛ la, ɛbɔfoɔ fofolɛ vindele ɛkɛ razele ye kɛ, “Nyamenle ɛkpakye ɛsɛnlɛmanye ɛhu mboane ne nee sonvolɛma ne mɔ kɔsɔɔti na yeyela bɛ wee. Me ngomekye ala a mevi nu mɔɔ mera mebabɔ wɔ amaneɛ a.”

Dwobu Buluku ne 1:19

Na nea, ahumu kpole bie vi fienemgbole ne anu lɔ ɛdu ɛrabu sua ne ɛgua bɛ nwo zo, ɛhu bɛ muala. Me ngomekye ala a mevi nu mɔɔ mera mebabɔ wɔ amaneɛ a.”

Dwobu Buluku ne 1:7

Ɛdɛnkɛma bizale Seetan kɛ, “Na ɛvi nienwu yɛɛ wɔra ɛke a?” Seetan buale Ɛdɛnkɛma kɛ, “Mewɔ akpɔsa nu wɔ aleɛabo. Ewiade anu ala yɛɛ medi ye akɔneaba a.”

Dwobu Buluku ne 31:7

Saa mengyakyi nɔhalɛ adenle ne, memaa me nye ɛbɛlɛbɛla me ahonle, na menli ɛtane nwo fɔlɛ a,

Edwɛndolɛ Buluku ne 17:14

O Ɛdɛnkɛma, fa wɔ tumi ne die me fi menli sa nu, menli mɔɔ bɛ kyɛfoa a le ewiade la. Maa mɔɔ wɔva wɔzie bɛ la ɛyi bɛ ko; maa bɛ mra ɛnyia bie ɛmaa ɔbo zo; na bɛdabɛ bɛgyakyi bie bɛmaa bɛ mra.

Ayezaya Buluku ne 30:1

Ɛdɛnkɛma se, “Munzule ɛha ngakula mɔɔ te atua na bɛyɛ mɔɔ bɛdabɛ bɛkɛhyehyɛ na bɛnli me ngyehyɛlɛ ɛdeɛ ne azo la. Bɛ nee awie mɔ yɛ ngyehyɛlɛ wɔ mekɛ mɔɔ me sunsum ɛmboka bɛ nwo la, na bɛfa ɛtane bɛbɔ ɛtane zo.

Ayezaya Buluku ne 57:4

Nwane a bɛgolo ɔ nwo a? Nwane a bɛbuke bɛ nloa wanaanwo bɛkeha ɛtane ɛtane bɛtietia ye a? Asoo bɛnle mɛladonlɛma amra? Alanema nlɔnra,

Gyɛlɛmaya Buluku ne 23:10

Awuvolɛvalɛma ɛyi azɛlɛ ye; bɛ nwo munzule ɛzɛkye azɛlɛ ne, yɛɛ fienemgbole nu adidileka ɛwe. Bɛ subane ɛnle kpalɛ, yɛɛ bɛfa bɛ anwosesebɛ bɛsisi awie mɔ.

Hozia Buluku ne 10:9

Ɛdɛnkɛma se, “Sumunli kɛ Yizilayɛma yɛle ɛtane tiale me wɔ Gebɛya la, bɛtɛgyakyile ɛtane ɛyɛlɛ ne. Yemɔti konle bava bɛ aze wɔ Gebɛya.

Edwɛkpa ne kɛmɔ Mateyu hɛlɛle la 11:19

Medame, Sonla Ra noko mera, na melɛdi meanlo a, awie biala se, ‘Bɛnlea ɛhye! Adidikpoku, nzanli, adwuledievolɛma nee bɛdabɛ mɔɔ awie ɛmbu bɛ la agɔnwo!’ Noko Nyamenle nrɛlɛbɛ ne amra ne mɔ nyɛleɛ maa bɛnwu kɛ ɔle nɔhalɛ.”

Edwɛkpa ne kɛmɔ Mateyu hɛlɛle la 13:22

Ma ne mɔɔ guale mbowule nu la gyi ɛkɛ maa menli mɔɔ tie edwɛkɛ ne noko aleɛabo ɛbɛlabɔlɛ nwo adwenleadwenle nee anwonyia ɛhulolɛ nwo adwenle fo edwɛkɛ ne azo, na bɛnzo ma la.

Edwɛkpa ne kɛmɔ Mateyu hɛlɛle la 13:38

ɛya ne a le ewiade; ma kpalɛ ne a le Belemgbunlililɛ ne amra; ndile ne a le Amumuyɛnli ne amra.

Edwɛkpa ne kɛmɔ Maake hɛlɛle la 4:19

na ɛbɛlabɔlɛ ye anwo adwenleadwenle, anyiabɛnwo ɛhulolɛ, nee ninyɛne mgbane mgbane nwo atiakunluwɔzo fo keda edwɛkɛ ne azo, ɛhye ati bɛnzo ma.

Edwɛkpa ne kɛmɔ Luku hɛlɛle la 16:8

“Na nrenya sukoavolɛ ne hanvole gyaneavolɛ anyebolo ne wɔ ye nrɛlɛbɛ mɔɔ ɔbɔle ɔyɛle ye alane gyima ne la anwo, ɔluakɛ ɔnwunle kɛ ɛtane ewiade ye anu amra ze awule nwo nrɛlɛbɛ fa yɛ nwule ninyɛne nea bɛ nwo tɛla wienyi nu amra.”

Edwɛkpa ne kɛmɔ Luku hɛlɛle la 22:31

Akee Gyisɛse zele Pita kɛ, “Saemɔn, Saemɔn! Tie! Seetan ɛnyia adenle kɛ ɔsɔ bɛ muala yeanlea, na yeakpa bɛ nu yeaye kpalɛ ne yeavi ɛtane ne anu kɛ ɛyazonlɛnli kpa abɛlɛ nu la.

Dw 12:31

Mekɛ ɛdwu mɔɔ akee ɔwɔ kɛ bɛbua ewiade ndɛne a; akee bɛbadu Seetan mɔɔ sie ɛtane ewiade ɛhye la bɛavi ɛkɛ.

Dw 13:2

Gyisɛse nee ye ɛdoavolɛma ne dɛnlanle aze nɔsolɛ nu kɛ bɛdi debie. Abɔnsam noko ɛbɔ kpɔkɛ ɛwie kɛ ɔwɔ kɛ Dwudase, Saemɔn Yesekaleɔto ara ne ye Gyisɛse maa.

Dw 13:27

Dwudase liele kpanwo ne la yɛɛ Seetan wolole ye a. Gyisɛse zele ye kɛ, “Ka ɛ nwo yɛ mɔɔ ɛyɛ la.”

Dw 14:30

Menrɛhola me nee bɛ ɛnrɛdendɛ ɛnrɛhyɛ dɔɔnwo biala, ɔboalekɛ mɔɔ sie ɛtane ewiade ɛhye la ɛlɛba. Ɔnlɛ me nwo zo tumi ɛdeɛ,

Dw 15:19

Saa bɛle ewiade ɛdeɛ a ɛnee ewiade bahulo bɛ kɛ ɔ ti anwo ɛdeɛ la. Na mekpa nu meye bɛ mevi ɛtane ewiade ɛhye anu amra avinli, yemɔti bɛnle ɛtane ewiade ɛdeɛ. Ɛhye ati ɛtane ewiade ɛhye anu amra kpɔ bɛ.

Dw 16:11

yɛɛ bɛvo wɔ Nyamenle ndɛnebualɛ ne anwo, ɔboalekɛ mɔɔ sie ɛtane ewiade ɛhye la bɛbua ye ndɛne dɛbadɛba.

Dw 7:7

Ɛtane ewiade ye ɛmkpɔ bɛ, na mame, ɔkpɔ me, ɔluakɛ meka mekile ye dahuu kɛ ye ndenle ne mɔ ɛnle kpalɛ.

Dw 8:23

Gyisɛse buale kɛ, “Bɛmɛ bɛvi azɛlɛ ye azo, na mame mevi anwuma. Bɛvi ewiade ɛhye anu, na mame menvi ewiade ye anu.

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Ɛzoanvolɛma Gyima ne 19:35

Nzinlii, maanle abɔlɔba ne nleanle manle ɛlɔne ne yɛle koonwu na ɔzele bɛ kɛ, “Ɛfɛsɛsema, awie biala ze kɛ suakpole Ɛfɛsɛse a nea bozonle raalɛ kpole Aatɛmese amonle sua ne nee ye dehelɛ bolɛ ne mɔɔ vi anwuma radɔle aze la azo a.

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

Wulo 12:2

Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

1 Kɔl 5:10

Meanga meammaa bɛdabɛ mɔɔ bɛnze Nyamenle na bɛbɔ ɛbɛla mgbane mgbane mɔɔ le kɛ anyebolo anzɛɛ awule na eza bɛsonle awozonle la; ɔluakɛ mɔɔ bɛkahola bɛade bɛ nwo bɛavi ewiade amra ɛhye mɔ anwo bɔkɔɔ la ɛnee kyesɛ bɛfi ewiade ye anu bɔkɔɔ.

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:21

Ɛkɛ ne yɛɛ Kelaese di belemgbunli wɔ arelemgbunli, tumivolɛma, mgbolema nee awulae mɔ anwo zo a. Ɔbo duma biala mɔɔ wɔ ewiade ɛhye nee ewiade fofolɛ ne mɔɔ bara la azo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:11

Bɛmɛ mɔɔ bɛnle Dwuuma la, bɛhakye kɛ dɛba ne ɛnee Dwuuma fɛlɛ bɛ kɛ bɛle menli mɔɔ ɛnze Nyamenle a. Ɔluakɛ Dwuuma yɛ bɛ mrenyanu nzonlɛ na bɛmɛ mɔɔ bɛnle Dwuuma la bɛnyɛ bɛ mrenyanu nzonlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:13

Kɛkala, bɛ nee Kelaese Gyisɛse ɛyɛ ko, amaa ɔlua zo bɛmɛ mɔɔ anrɛɛ bɛwɔ moa moa la, bɛlua Kelaese mogya ne mɔɔ ɔhwinle ɔguale la azo bɛhwe bɛ bɛbikye Nyamenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6

Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8

Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Kɔlɔ 1:21

Dɛba ne ɔlua bɛ ninyɛndane mɔɔ bɛyɛle nee bɛ adwenle ɛtane mɔɔ bɛlɛ ye la ati, ɛnee bɛ nee Nyamenle bɛ avinli twe, na bɛle ye agbɔvolɛ.

2 Tem 4:10

Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

Gyemise Kɛlata ne 1:7

Sonla mɔɔ le zɛhae, mɔɔ ɛngola ɛnzi ye adwenle pi wɔ debie biala mɔɔ ɔyɛ la anwo la mmadwenle kɛ ɔkɛnyia debie ɔkɛvi Awulae ɛkɛ.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.

1 Pit 1:14

Bɛyɛ tieyɛ bɛmaa Nyamenle na bɛmmamaa bɛ atiakunluwɔzo sie bɛ kɛ dɛba ne mɔɔ ɛnee bɛnze nwolɛ bie la.

1 Pit 4:3

Bɛzɛkye bɛ mekɛ dɔɔnwo bɛyɛ mɔɔ menli mɔɔ ɛnzonle Nyamenle la yɛ la bie. Bɛbɔ adwɔmane ɛbɛla, bɛli bɛ atiakunluwɔzo mgbane mgbane nzi, nza ɛgya bɛ, bɛmaa bɛ nye die mgbane mgbane, bɛbɔ anyiemgba ɛbɛla, na bɛsonle awozonle.

2 Pit 2:14

Adwɔmanebɔlɛ ɛnzea bɛ adenle yɛɛ bɛnze ɛtane nwo nyiane nretee zɛhae. Bɛbɛlɛbɛla bɛdabɛ mɔɔ bɛtɛtinle sunsum nu la. Anyebolo ɛwie bɛ ku! Abule ɛbu bɛ!

1 Dw 3:10

Ngakyile mɔɔ wɔ bɛdabɛ mɔɔ bɛle Nyamenle amra nee bɛdabɛ mɔɔ bɛle Abɔnsam amra la avinli la ɛne: awie biala mɔɔ ɛmbɔ ɛbɛla kpalɛ anzɛɛ ɛngulo ɔ diema la ɛnle Nyamenle ara.

1 Dw 3:8

Na awie biala mɔɔ yɛ ɛtane la le Abɔnsam ɛdeɛ, ɔluakɛ mɔlebɛbo ne Abɔnsam a lumuale yɛle ɛtane a. Deɛ mɔɔ yemɔti Nyamenle Ara ne rale la a le kɛ ɔbazɛkye Abɔnsam gyima biala mɔɔ yeli la.

1 Dw 4:4

Me mra ngakula, bɛmɛ bɛle Nyamenle ɛdeɛ, na bɛli Nyamenle kpɔmanvolɛma adalɛ ɛhye mɔ anwo zo konim, ɔluakɛ sunsum ne mɔɔ wɔ bɛ nu la le kpole tɛla sunsum ne mɔɔ wɔ ɛtane ewiade ye amra anu la.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

1 Dw 5:4

ɔluakɛ Nyamenle ara biala di ewiade anwo zo konim. Yɛ diedi mɔɔ yɛlɛ ye wɔ Nyamenle anu la azo yɛɛ yɛdua yɛdi ewiade anwo zo konim a.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Yekile 16:17

Akee Nyamenle soanvolɛ ne mɔɔ tɔ zolɛ nsuu la wolale ye ɛdeɛ ne guale anwoma ne anu. Na ɛnelɛ kpole bie vi belemgbunli ebia kpole ne mɔɔ gyi Ɛzonlenlɛ Sua ne anu la anwo zele kɛ, “Bɛyɛ bɛwie!”

Yekile 20:2

Ɔhyele nane anwo ɛzulolɛ ne mɔɔ le kɛ ɛlɛnrɛne la, ɛwɔlɛ dɛba ne, mɔɔ bɛfɛlɛ ye Abɔnsam anzɛɛ Seetan la, na ɔguale ye anga mɔɔ kyesɛ ɛvolɛ apenle ko pɛ nu kolaa na bɛazianyi ye la.