Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:18 - BAEBOLO ANZƐƐ BULUKU NWUANZANWUANZA

¹⁸ Ɔlua Gyisɛse anwo zo yɛɛ yɛ muala, Dwuuma nee bɛdabɛ mɔɔ bɛnle Dwuuma la yɛkola yɛdua Sunsum ko ne ala azo yɛkɔ Selɛ ne anyunlu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:18 ပူးပေါင်းရင်းမြစ်များ

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Dw 10:7

Yemɔti Gyisɛse hanle ye bieko kɛ, “Meka nɔhalɛ ne meahile bɛ: Mame a mele anlenkɛ ne mɔɔ bɛfa nu bɛkɔ mboane tunli ne anu la.

Dw 10:9

Mame a mele anlenkɛ ne; mɔɔ kɛlua me nwo zo kɛhɔ nu la kɛnyia ngoane mɔɔ ɛnlɛ awieleɛ. Ɔbawolo nu na yeavinde yeahɔkpondɛ aleɛ.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Wulo 8:15

Ɔluakɛ Sunsum ne mɔɔ Nyamenle ɛva ɛmaa bɛ la ɛnyɛ bɛ ahanra, na ɔmmaa bɛnyɛ avoanvoanle. Sunsum ne maa bɛyɛ Nyamenle amra, na ɔlua Sunsum ne tumi zo yɛkola yɛfɛlɛ Nyamenle kɛ, “Egya! Me Papa.”

1 Kɔl 12:13

Zɔhane ala yɛɛ bɛlua Nyamenle Sunsum ne azo bɛzɔne yɛ muala, bɛyɛ yɛ sonlabaka ko, na bɛmaa yɛ muala, Dwuuma nee bɛdabɛ mɔɔ bɛnle Dwuuma, ahanra nee alehelɛ, Nyamenle Sunsum ko ne ala a.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:6

Kɛmɔ bɛle ɔ mra la, Nyamenle ɛzoa ɔ Ra ne Sunsum ne yemaa yerayi yɛ ahonle ne mɔ tɛkɛɛ, yemɔti yɛkola yɛka kɛ, “Egya! Me Papa!”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:12

Yɛ nee Kelaese yɛ koyɛlɛ ne, nee diedi mɔɔ yɛlɛ ye wɔ ye nuhua la ati, yɛkola yɛbɔ kpɔkɛ na yɛsi yɛ kɛnra yɛfinde Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:14

Kɛmɔ ɛnee melɛka la, ɛhye ala ati yɛɛ mekoto mesɛlɛ Selɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:4

Asɔne ko yɛɛ Sunsum ko a wɔ ɛkɛ a, yɛɛ anyelazo ko anu a Nyamenle ɛvɛlɛ bɛ a;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

Kɔlɔ 1:12

na bɛava fɛlɛkolilɛ bɛayɛ Selɛ ne mɔɔ ɛmaa bɛfɛta kɛ bɛ nee ye menli ne kɛbɔ nu kɛdɛnla ye wienyi ne anu la mo.

Kɛlata mɔɔ bɛhɛlɛle bɛhɔmanle Hibuluma la 7:19

Ɔluakɛ Mosisi Mɛla ne angola ammaa ɛhwee anli munli. Na kɛkala, bɛva anyelazo kpalɛ bie bɛra, mɔɔ yɛlua zo a yɛbikye Nyamenle a.

Gyemise Kɛlata ne 3:9

Ɛtafinlimalɛ ye ala yɛɛ yɛfa yɛyɛ Awulae nee yɛ Ze Nyamenle ne mo a, yɛɛ ɔdaye ko ne ala a yɛfa yɛwa menli mɔɔ Nyamenle ɛbɔ bɛ kɛ ɔdaye ye ɛsaso la amonle a.

1 Pit 1:17

Bɛyɛ nzɛlɛlɛ a bɛfɛlɛ Nyamenle ne mɔɔ ɔnnea sonla nyunlu na ɔbua menli kɔsɔɔti ndɛne, kɛmɔ biala nyɛleɛ si de la bɛ Ze. Zɔhane ati, bɛva Nyamenlezulolɛ bɛbɔ bɛ ɛbɛla wɔ mekɛ mɔɔ bɛwɔ nlɔnu la.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

Dwuudu Kɛlata ne 1:20

Ayi mɔ, bɛhɔ zolɛ bɛnyi na bɛgyinla kpundii wɔ bɛ diedi nwuanzanwuanza ne anu. Bɛzɛlɛ wɔ Sunsum Nwuanzanwuanza ne tumi ne anu,