Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:16 - BAEBOLO ANZƐƐ BULUKU NWUANZANWUANZA

¹⁶ Kelaese luale ye ewule mɔɔ ɔwule meanubaka ne azo la yele ɛkpɔlɛ wɔ bɛ avinli na ɔhanle Dwuuma nee bɛdabɛ mɔɔ bɛnle Dwuuma la ɔbɔle nu ɔmanle Nyamenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:16 ပူးပေါင်းရင်းမြစ်များ

Wulo 5:10

Mɔɔ ɛnee yɛle Nyamenle kpɔvolɛma la, yelua ɔ Ra ne ewule zo ɔ nee yɛ ɛli ngamɔnu na yeyɛ yɛ ɔ gɔnwo mɔ a, ɛnee fane nyɛ yɛɛ akee ɔnrɛlua tease Kelaese ne ati ɔnrɛlie yɛ ngoane ɛ?

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

Wulo 8:7

Yemɔti mɔɔ maa nwonane nu adwenleadwenle keda ɔ nwo zo la le Nyamenle kpɔvolɛ; ɔluakɛ ɔnli Nyamenle mɛla ne azo, yɛɛ ɔdi zo bɔbɔ a ɔnrɛyɛ boɛ;

1 Kɔl 10:17

Kɛmɔ kpanwo ne mɔɔ yɛbubu la le ko la, saa yɛle dɔɔnwo bɔbɔ a yɛle sonlabaka ko, ɔluakɛ yɛ muala yɛkyɛ kpanwo ko ne ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:15

Ɔluale ye sonlabaka ne azo ɔpɛle Dwuuma mɛla ne nee nwolɛ ngyehyɛlɛ ne mɔ anu na ɔlua Kelaese ati ɔmanle menli ekpunli nwiɔ ɛhye yɛle menli fofolɛ ko na yɛnyianle anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:6

Edwɛkɛ mɔɔ ɛnee vea ɛkɛ ne la a le kɛ, ɔlua Edwɛkpa ne azo, bɛdabɛ mɔɔ bɛnle Dwuuma nee Dwuuma bɔ nu nyia Nyamenle nyilalɛ ne mɔ; bɛyɛ menli ko na bɛnyia Nyamenle ɛwɔkɛ ne mɔɔ Kelaese Gyisɛse ati ɔbɔle la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:4

Asɔne ko yɛɛ Sunsum ko a wɔ ɛkɛ a, yɛɛ anyelazo ko anu a Nyamenle ɛvɛlɛ bɛ a;

Kɔlɔ 2:14

Ɔpɛle yɛ ɛtane nwo kakɛ biala mɔɔ maa mɛla ne kyekye yɛ la anu, ɔyele ye ɛkɛ ne na ɔvale ɔbɔle meanubaka ne azo.

Kɔlɔ 3:15

Bɛmaa Kelaese anzonudwolɛ ne mɔɔ ɔmaa bɛ la ɛvinde bɛ kpɔkɛbɔlɛ nu, ɔluakɛ Nyamenle ɛvɛlɛ bɛ muala wɔ asɔne ye anu kɛ bɛdɛnla anzonudwolɛ nu. Bɛnwu nyele.