Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:12 - BAEBOLO ANZƐƐ BULUKU NWUANZANWUANZA

¹² Bɛhakye kɛ mekɛ ne anu ɛnee bɛ nee Kelaese avinli twe, ɛnee bɛle nyɛvolɛ mɔɔ bɛmboka Yizilayɛ maanlema ne anwo a, ɛnee bɛnze ngyekyeleɛ ne mɔ mɔɔ ɔlua zo a Nyamenle bɔle ye menli ne ɛwɔkɛ la anwo bie. Bɛdɛnlanle ewiade ye anu kɛ menli mɔɔ ɛnlɛ anyelazo na bɛnze Nyamenle la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:18

Na kenle ko ne Ɛdɛnkɛma nee Ebilam yɛle ngyekyeleɛ. Ɛdɛnkɛma zele Ebilam kɛ, “Meva azɛlɛ ɛhye memaa ɛ bo zo amra. Azɛlɛ ne vi Yigyibiti ɛweɛne zo kɔdwu Azukpole Yufileti ne anloa.

2 Edk 15:3

Mekɛ tendenle mɔɔ ɛraze ɛhɔ la ɛnee Yizilayɛma ɛnzonle nɔhalɛ Nyamenle ne. Bɛnlɛ sɛlɛvolɛma mɔɔ kilehile bɛ a, yɛɛ bɛnlɛ mɛla.

Ɛzela Buluku ne 4:3

Na Zɛlɛbabɛle, Dwɔhyua nee Yizilayɛ mbusua mgbanyinli ne mɔ buale bɛ kɛ, “Yɛngyia bɛ moalɛ wɔ yɛ Nyamenle ne Ɛzonlenlɛ Sua ne ɛzilɛ nu gyima biala anwo. Yɛdayɛ yɛbazi Ɛdɛnkɛma, Yizilayɛ Nyamenle ne Ɛzonlenlɛ Sua ne, kɛmɔ Maanle Maanle Belemgbunli Saelɛse ɛze yɛ la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:45

Adendulɛnli anzɛɛ ɛkpanli biala ɛnli aleɛ ne bie.

Ayezaya Buluku ne 14:1

Ɛdɛnkɛma banwu Yizilayɛma anwunvɔne na eza yeava bɛ bieko kɛ ye menli. Ɔbamaa bɛadɛnla bɛ azɛlɛ ne azo, nyɛvolɛ baraboka bɛ na bɛava bɛ nwo bɛabeta Yizilayɛma.

Ayezaya Buluku ne 44:6

Ɛdɛnkɛma, Yizilayɛ Belemgbunli nee Kpɔnevolɛ, Tumivolɛ Ɛdɛnkɛma se, “Medame a mele mɔlebɛbo ne, yɛɛ medame a mele awieleɛ ne; ɛye me a nyamenle bieko ɛnle ɛkɛ.

Ayezaya Buluku ne 45:20

Ɛdɛnkɛma se, “Bɛdabɛ mɔɔ bɛango bɛandɔ, mɔɔ bɛwɔ maanle maanle ne mɔ anu la, bɛboɔboa bɛ nloa na bɛrɛla, bɛ muala bɛhwe bɛbikye. Bɛdabɛ mɔɔ bɛsoa mbaka mmonle bɛkpɔsa, na dahuu bɛsonle nyamenle mɔɔ ɛngola ɛnlie ngoane la ɛnlɛ adwenle!

Ayezaya Buluku ne 61:5

Nyɛvolɛ bagyinla ayɛne bɛ nyɛmoa, Nyɛvolɛ bazo bɛ ɛya ade bɛ vanye egyinli nu ma,

Gyɛlɛmaya Buluku ne 14:8

O Ɛdɛnkɛma, Yizilayɛ anyelazo a le wɔ, wɔmɔ mɔɔ ɔkyele zo a ɛdie yɛ la, duzu ati a wɔyɛ ɛ nwo ɛyɛvolɛ wɔ azɛlɛ ne azo kɛ adendulɛnli bie mɔɔ makyi ala kenle ko ahɔ a?

Gyɛlɛmaya Buluku ne 17:13

O Ɛdɛnkɛma, Yizilayɛma anyelazo, awie biala mɔɔ kpo wɔ la anyunlu gua aze; bɛdabɛ mɔɔ bɛkakyi bɛ nzi bɛsi wɔ la abo zo baminli, kɛ asɛɛ bɛhɛlɛ bɛ aluma wɔ munlutu nu, ɔluakɛ bɛkpo wɔmɔ Ɛdɛnkɛma mɔɔ ɛle ngoane nzufeanvea la.

Yizikeɛle Buluku ne 13:9

Mebadea bɛdabɛ bɛ Nyamenle kpɔmanvolɛma ne mɔ mɔɔ bɛtɛnwunle debie a, ɛnee bɛse bɛnwu debie na bɛbɔ adalɛ la. Bɛnrɛdia bɛ bɛnrɛboka Yizilayɛma anwo, yɛɛ bɛ nee bɛ ɛnrɛdu agyinla bɔbɔ. Bɛnrɛzia bɛnrɛhɔ bɛ maanle nu Yizilayɛ; na bɛbanwu kɛ medame a mele Awulae Nyamenle ne a.

Yizikeɛle Buluku ne 37:26

Me nee bɛ bayɛ anzonudwolɛ ngyekyeleɛ; ɔbayɛ me nee bɛ yɛ ngyekyeleɛ mɔɔ bɛntulu ye ɛlɛ a. Mebayila bɛ na meamaa bɛ nwo azo, na meazi me Ɛzonlenlɛ Sua ne bɛ avinli, mɔɔ bɛndu ye bieko ɛlɛ a.

Yizikeɛle Buluku ne 47:22

Kyɛ maa bɛ maa ɔyɛ bɛdabɛ nee nyɛvolɛ mɔɔ de bɛ avinli na bɛwo mralɛ bɛgua bɛ avinli la agyadeɛ bɔkɔɔ. Menli zɔhane bayɛ kɛ Yizilayɛma amra mɔɔ bɛwo bɛ la. Bɛ nee bɛ nee Yizilayɛ mbusua ekpunli ekpunli ne mɔ amuala ɛhyɛ azɛlɛ ne ɛva ɛyɛ bɛ agyadeɛ.

Hozia Buluku ne 3:4

Ɔluakɛ Yizilayɛma badɛnla ahyɛ dɔɔnwo mɔɔ bɛnrɛnyia belemgbunli anzɛɛ mgbanyima; bɛnrɛbɔ azu yɛɛ bɛnrɛnyia awolɛ mpila, bɛnrɛnyia mmonle anzɛɛ ananze mɔɔ bɛfa bɛayɛ sɛkɛlɛneɛ bɛazonle nee ɛzonlenlɛ tɛladeɛ Yifɔdo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:19

“Azubɔdeɛ nwuanzanwuanza biala mɔɔ sonle bolɛ, mɔɔ Yizilayɛma kɛva kɛmaa medame Ɛdɛnkɛma la, mefa memaa wɔ, ɛ mra mrenya nee ɛ mra mraalɛ kɛ ɔle bɛ ɛdeɛ dahuu. Ɛhye le ngyekyeleɛ mɔɔ me nee wɔ nee ɛ bo zo amra ɛkyekye mɔɔ bɛntulu ye ɛlɛ a.”

Edwɛkpa ne kɛmɔ Luku hɛlɛle la 1:72

Ɔhanle kɛ ɔbaze yɛ nlenya mɔ anwunvɔne, na ɔ rɛle ɛnrɛvi ye ngyekyeleɛ nwuanzanwuanza ne.

Dw 10:16

Me mboane ne mɔ bie ɛnle mboane tunli ye anu. Ɔwɔ kɛ mekpondɛ bɛ bo zo; bɛbade me ne, na bɛ muala bɛbayɛ mboane ekpunli ko mɔɔ bɛ neavolɛ ko a.

Dw 15:5

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Dw 4:22

Nɔhalɛ, bɛmɛ Samɛleama, bɛnze mɔɔ bɛsonle ye la, na yɛmɛ Dwuuma, yɛze mɔɔ yɛsonle ye la. Ɔboalekɛ ngoanelielɛ kɛra a ɔvi Dwuuma.

Ɛzoanvolɛma Gyima ne 2:39

Ɔluakɛ Nyamenle ɛwɔkɛ ne le bɛ nee bɛ mra nee menli mɔɔ wɔ ɛleka muala, mɔɔ yɛ Awulae Nyamenle ne kɛvɛlɛ bɛ la ɛdeɛ.”

Ɛzoanvolɛma Gyima ne 28:20

Ɛhye ati yɛɛ mevɛlɛ bɛ kɛ me nee bɛ badendɛ a. Ɔluakɛ, ɔlua sonla ne mɔɔ Yizilayɛma lɛ anyelazo wɔ ye nu la ati yɛɛ bɛgua me nwɔnzɔnwɔnzɔ a.”

Ɛzoanvolɛma Gyima ne 3:25

Nyamenle ɛwɔkɛ ne mɔɔ ɔluale ye kpɔmanvolɛma anwo zo ɔbɔle la le bɛ ɛdeɛ, yɛɛ ngyekyeleɛ ne mɔɔ Nyamenle nee bɛ nlenya mɔ kyekyele la, bɛwɔ nu bie, ɔluakɛ ɔhanle ɔhilele Ebileham kɛ, ‘Ɛ bo zo amra anwo zo yɛɛ mebalua meayila maanle maanle kɔsɔɔti a.’

Wulo 9:8

Ɛhye kile kɛ tɛ ngakula mɔɔ bɛwo bɛ wɔ nwonane nu ngyehyɛlɛ zo la amuala a le Nyamenle amra a, na ngakula mɔɔ ɔlua Nyamenle ɛwɔkɛ ne ati bɛwole bɛ la a le bɛdabɛ mɔɔ bɛfa bɛ kɛ bɛle nlɔnra kpalɛ kpalɛ ne a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:8

Dɛba ne mɔɔ bɛnze Nyamenle la, ɛnee bɛle ngɛkɛlɛ bɛmaa ninyɛne mgbane mgbane mɔɔ ɔnle kɛ bɛsonle bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:19

Yemɔti, bɛmɛ mɔɔ bɛnle Dwuuma la bɛnle nyɛvolɛ anzɛɛ maanle zo amra bieko; kɛkala bɛle mandimase wɔ Nyamenle menli ne avinli na bɛbɔ Nyamenle abusua eku ne bie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:18

Menli zɔhane mɔ adwenle nu le awozinli, bɛnlɛ ndelebɛbo yɛɛ bɛmboka ngoane ne mɔɔ Nyamenle fa maa la anwo, ɔluakɛ bɛnze ɛhwee yɛɛ eza bɛ nzo yɛ se.

Kɔlɔ 1:21

Dɛba ne ɔlua bɛ ninyɛndane mɔɔ bɛyɛle nee bɛ adwenle ɛtane mɔɔ bɛlɛ ye la ati, ɛnee bɛ nee Nyamenle bɛ avinli twe, na bɛle ye agbɔvolɛ.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 1:5

ɔboalekɛ bɛlɛ anyelazo bie mɔɔ bɛ sa baha ye wɔ anwuma a. Anyelazo ɛhye a bɛdele nwolɛ edwɛkɛ alumua ne, wɔ mekɛ mɔɔ bɛvale Edwɛkpa ne bɛrɛlɛle bɛ la.

1 Tɛs 4:13

Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.

1 Tɛs 4:5

tɛ wɔ atiakunluwɔzo ɛtane nu, kɛmɔ menli mɔɔ ɛnze Nyamenle la yɛ ye la.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

1 Tem 1:1

Medame Pɔɔlo, mɔɔ Nyamenle yɛ Ngoanedievolɛ ne nee Kelaese Gyisɛse yɛ anyelazo ne manle bɛyɛle me Kelaese ɛzoanvolɛ la a melɛkɛlɛ kɛlata ɛhye a.

Kɛlata mɔɔ bɛhɛlɛle bɛhɔmanle Hibuluma la 11:34

bɛnluanle sendɔlɔra, yɛɛ bɛango bɛandɔ. Ɛnee bɛle bɛtɛɛ, noko bɛ nwo yɛle se; bɛ nwo yɛle ɛzulolɛ wɔ konle nu na bɛmanle nyɛvolɛ ɛlɔnema guale ndwɛlɛ aze.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

Kɛlata mɔɔ bɛhɛlɛle bɛhɔmanle Hibuluma la 8:6

Na kɛ ɔde la a le kɛ bɛmaa Gyisɛse sɛlɛvolɛ gyima mɔɔ sonle bolɛ kpole tɛla dɛba ne la. Ɔboalekɛ ɔgyi ninyɛne kpalɛ nwo ɛwɔkɛ zo.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.