Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:11 - BAEBOLO ANZƐƐ BULUKU NWUANZANWUANZA

¹¹ Bɛmɛ mɔɔ bɛnle Dwuuma la, bɛhakye kɛ dɛba ne ɛnee Dwuuma fɛlɛ bɛ kɛ bɛle menli mɔɔ ɛnze Nyamenle a. Ɔluakɛ Dwuuma yɛ bɛ mrenyanu nzonlɛ na bɛmɛ mɔɔ bɛnle Dwuuma la bɛnyɛ bɛ mrenyanu nzonlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:11 ပူးပေါင်းရင်းမြစ်များ

Yizikeɛle Buluku ne 20:43

Bɛbahakye bɛ ndenle mɔɔ bɛluale nu nee nyɛleɛ ɛtane ɛtane mɔɔ bɛyɛle bɛvale bɛzɛkyele bɛ nwo la, na bɛavu bɛ nwo wɔ bɛ ninyɛndane mɔɔ bɛyɛle la amuala anwo.

Yizikeɛle Buluku ne 36:31

Na akee bɛbahakye bɛ ninyɛndane nee bɛ nyɛleɛ ɛtane ɛtane ne mɔ mɔɔ bɛyɛle la, na bɛavu bɛ nwo kɛ bɛyɛle amumuyɛ nee bɛkyi ninyɛne zɔhane mɔ a.

Edwɛkpa ne kɛmɔ Mateyu hɛlɛle la 20:7

Bɛbuale ye kɛ, ‘Ɔboalekɛ awie biala ɛtɛbɔle yɛ ɛkpa.’ Na ɔzele bɛ kɛ, ‘Ɛnee bɛdabɛ noko bɛhɔyɛ gyima wɔ me vanye egyinli ne anu.’

Wulo 11:17

Kɛkala ɛdeɛ Dwuuma le kɛ baka belɛ mɔɔ bɛpepɛ ye ngane ne mɔ bie bɛgua na bɛva bɛmɛ mɔɔ bɛle kɛ baka nyinli la ngane bɛrasisa zolɛ, kɛ bɛnyia nyilalɛ ne mɔɔ vi baka ne anu ba la bie.

Wulo 2:26

Na saa awie mɔɔ ɛnle Dwuunli, mɔɔ ɛtɛyɛle ye mrenyanu nzonlɛ la yɛ mɔɔ mɛla ne kpondɛ la a, ɛnee ɛnea a asoo Nyamenle ɛnrɛva sonla zɔhane kɛ asɛɛ yeyɛ ye mrenyanu nzonlɛ?

Wulo 2:27

Zɔhane ati menli mɔɔ nwonane nu bɛtɛyɛle bɛ mrenyanu nzonlɛ, noko bɛdi mɛla ne azo la babua bɛdabɛ mɔɔ bɛyɛ bɛ mrenyanu nzonlɛ na bɛlɛ mɛla ne bɛ sa nu, na bɛtietia zolɛ la ndɛne.

1 Kɔl 12:2

Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:15

Ɔle nɔhalɛ kɛ bɛwole yɛ Dwuuma, na yɛnle kɛ menli mɔɔ ɛnle Dwuuma mɔɔ ɛnze Nyamenle la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:12

Menli mɔɔ ɛlɛka ye ndinlizo kɛ bɛyɛ bɛ mrenyanu nzonlɛ la kulo kɛ bɛkile bɛ nwo ala kɛ bɛze amaamuo. Bɛyɛ bie zɔhane ala, amaa awie anyɛ bɛ kpɔdekpɔde kɛ bɛlɛka Kelaese ewule mɔɔ ɔwule meanubaka ne azo la anwo edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8

Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.

Mɛla 15:15

Ɔwɔ kɛ bɛkakye kɛ ɛnee bɛdabɛ noko bɛle ahanra wɔ Yigyibiti azɛlɛ zo yɛɛ Ɛdɛnkɛma bɛ Nyamenle ne raliele bɛ a; ɛhye ati yɛɛ ɛnɛ kenle ye melɛfa mɛla ɛhye meamaa bɛ a.

Mɛla 16:12

Bɛhakye kɛ ɛnee bɛle ahanra wɔ Yigyibiti na bɛnlea boɛ bɛli mɛla ɛhye mɔ azo.

Mɛla 5:15

Bɛhakye kɛ ɛnee bɛle ahanra wɔ Yigyibiti, yɛɛ medame, Ɛdɛnkɛma bɛ Nyamenle menvale tumi kpole menyele bɛ menvile ɛkɛ a. Zɔhane ati medame, Ɛdɛnkɛma bɛ Nyamenle mehyehyɛ kɛ ɔwɔ kɛ bɛsie Ɛnwomenlelielɛ Kenle ne.

Mɛla 8:2

Bɛhakye adenle mɔɔ Ɛdɛnkɛma bɛ Nyamenle ne ɛva bɛ ɛlua nu ɛvolɛ abulanla ye anu mɔɔ bɛluolua fienemgbole ne anu la. Ɔyɛle ɛhye kɛ ɔfa yeazɔ bɛ yeanlea yeanwu mɔɔ wɔ bɛ ahonle nu la, saa bɛkɛyɛ mɛlɛbɛnwoaze, bɛkɛli ye mɛla ne mɔ azo anzɛɛ bɛnrɛli zo a.

Mɛla 9:7

“Bɛdabɛ bɛhakye yɛɛ bɛmmamaa bɛ rɛle fi kɛ bɛzile bɛhanle Ɛdɛnkɛma bɛ Nyamenle ne ɛya wɔ ɛsɛlɛ ne azo la. Ɔvi mekɛ mɔɔ bɛvi Yigyibiti bɛyele bɛ nwo toonwo mɔɔ bɛradwu ɛke la, anzosesebɛ ala a bɛyɛ wɔ Ɛdɛnkɛma anwo a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Kɔlɔ 1:21

Dɛba ne ɔlua bɛ ninyɛndane mɔɔ bɛyɛle nee bɛ adwenle ɛtane mɔɔ bɛlɛ ye la ati, ɛnee bɛ nee Nyamenle bɛ avinli twe, na bɛle ye agbɔvolɛ.

Kɔlɔ 2:11

Bɛ nee Kelaese yɛle ko ala la yɛɛ bɛyɛle bɛ mrenyanu nzonlɛ a, tɛ nwonane nu, kɛmɔ menli yɛ la ɔ, ɛhye le Kelaese ɔdaye ye nzonlɛyɛlɛ mɔɔ ɔyɛ yɛ ɔfi nwonane ɛtane ɛhye mɔ tumi ne abo a.

Kɔlɔ 2:13

Mekɛ bie mɔɔ ɛraze ɛhɔ la ɛnee ɔlua bɛ ɛtane ti, nee kɛmɔ bɛnle Dwuuma na bɛnle Mosisi mɛla ne abo la ati, ɛnee bɛwu sunsum nu, na kɛkala Nyamenle ɛva bɛ nee Kelaese ɛra ngoane nu, na yeva yɛ ɛtane ne mɔ amuala yehyɛ yɛ.

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:36

Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.