Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7 - BAEBOLO ANZƐƐ BULUKU NWUANZANWUANZA

⁷ Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7 ပူးပေါင်းရင်းမြစ်များ

Dwobu Buluku ne 33:24

mɔɔ yɛ ahunlunyele amaa ye, yeaze kɛ, ‘Die ye fi ewule nu, menyia ɛkpɔnedeɛ,

Edwɛndolɛ Buluku ne 130:4

Na wɔmɔ, ɛlɛ fakyɛ, amaa bɛazulo wɔ.

Edwɛndolɛ Buluku ne 130:7

O Yizilayɛma, bɛmaa bɛ nye ɛla Ɛdɛnkɛma anwo zo! Ɔluakɛ Ɛdɛnkɛma lɛ ɛhulolɛ kpundii, na ɔlɛ ngoanelielɛ dɔɔnwo.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:7

Me ɛhulolɛ kpole ne keda apenle apenle nwo zo. Mefa amumuyɛ, mɛladonlɛ, yɛɛ ɛtane mekyɛ; noko ɛhye ɛngile kɛ menrɛdea bɛ. Mebava bɛ ze mɔ ɛtane ne mɔ meadea bɛ mra nee bɛ nlɔnra toonwo yeahɔdwu awolɛndoazo nsa nee nna ne azo.”

Ayezaya Buluku ne 43:25

Medame, medame a mele Nyamenle, mɔɔ medame me ti, mefa bɛ ɛtane mekyɛ bɛ a. Menrɛhakye bɛ ɛtane ne mɔ bieko.

Gyɛlɛmaya Buluku ne 31:34

Bɛ nuhua biala ɛnrɛhilehile ɔ gɔnwo anzɛɛ ɛnrɛze adiema kɛ, ‘Maa mengile wɔ Nyamenle,’ ɔluakɛ bɛ kɔsɔɔti, kpanyinli o, kakula o, bɛbanwu me. Mebava bɛ ɛtane meahyɛ bɛ, yɛɛ menrɛhakye bɛ ɛtane ne mɔ mɔɔ bɛyɛ la bieko. Medame Ɛdɛnkɛma a mese a.”

Daneɛle Buluku ne 9:19

O Awulae, tie yɛ; O Awulae fa yɛ ɛtane kyɛ yɛ; O Awulae, tie yɛ na keha ɛ nwo. Wɔ duma ne ati, O me Nyamenle, mmasi aze, ɔboalekɛ bɛfa wɔ duma a bɛfɛlɛ wɔ suakpole ne nee wɔ menli ne a.”

Daneɛle Buluku ne 9:9

O Awulae yɛ Nyamenle, yɛvo wɔ, yɛde ɛ nwo atua, noko wɔmɔ ala a ɛse anwunvɔne na ɛfa ɛtane ɛkyɛ a.

Dwona Buluku ne 4:2

Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Zɛkalaya Buluku ne 13:1

“Mekɛ ne anu bɛbabuke nzufeanvea bɛava bɛanrinzi Devidi abo zo amra nee Gyɛlusalɛmma amuala ɛtane nee evinli biala bɛagua.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Zɛkalaya Buluku ne 9:11

Ɛdɛnkɛma se, “Kɛmɔ me nee wɔ ɛyɛ ngyekyeleɛ mɔɔ bɛva azubɔlɛ mogya bɛzɔ ɔ nloa la ati, mebadwula wɔ menli ne mɔɔ bɛhye bɛ nuokɛ la, mebaye bɛ meavi kuma ne mɔɔ nzule ɛnle nu la anu.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Mateyu hɛlɛle la 26:28

ɛhye a le me mogya ne mɔɔ bɛhwi bɛgua wɔ menli dɔɔnwo bɛ ɛtane fakyɛ ti, na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Mateyu hɛlɛle la 6:12

Na fa yɛ ɛtane kyɛ yɛ, Kɛmɔ yɛfa yɛkyɛ bɛdabɛ mɔɔ bɛfo yɛ la;

Edwɛkpa ne kɛmɔ Maake hɛlɛle la 14:24

na ɔzele kɛ, “Ɛhye a le me mogya ne mɔɔ bɛbahwi bɛamaa menli dɔɔnwo na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Luku hɛlɛle la 1:77

na wɔamaa ye menli ne anwu kɛ bɛbava bɛ ɛtane bɛahyɛ bɛ na bɛalie bɛ ngoane.

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Dw 20:23

Saa bɛfa awie ɛtane bɛkyɛ ye a, ɛnee bɛva bɛhyɛ ye; saa bɛanva bɛangyɛ ahenle a, bɛnrɛva bɛnrɛhyɛ ye.”

Ɛzoanvolɛma Gyima ne 10:43

Nyamenle kpɔmanvolɛma amuala ka ɔ nwo edwɛkɛ kɛ awie biala mɔɔ kɛlie ye kɛli la, ɔlua ye duma ne tumi zo bɛkɛva ye ɛtane bɛkɛhyɛ ye.”

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Wulo 3:24

Ɔlua mgbɔdalɛ mɔɔ Gyisɛse Kelaese ɛva ɔ nwo ɛli la azo, Nyamenle ɛlolɛ ne mɔɔ ɔfa ɔkyɛ mgbane la maa menli muala sɔ ɔ nye.

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

Wulo 9:23

Eza noko ɔkulo kɛ ye anyunlunyia ne da ɛkɛ, na ɔwola ɔgua yɛdayɛ mɔɔ ɔwɔ kɛ ɔnwu yɛ anwunvɔne, na yeziezie yɛ kɛ yɛnyia ye anyunlunyia ne la anwo zo.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:14

Sunsum ne di agyinlanu kɛ yɛbanyia mɔɔ Nyamenle ɛva ɛbɔ ye menli ɛwɔkɛ la; eza ɔmaa yɛsi pi kɛ Nyamenle bamaa menli mɔɔ le ye ɛdeɛ la anyia bɛ ti bɔkɔɔ. Bɛmaa yɛye ye anyunlunyia ne ayɛlɛ!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:18

Mesɛlɛ kɛ bɛ adwenle nu kɛbuke, amaa bɛanwu anyelazo ne mɔɔ yevɛlɛ bɛ wɔ nu, ye nwanwane nyilalɛ ne mɔ mɔɔ ɔfa ɔbɔ ye menli ɛwɔkɛ la anu anwonyia ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:8

mɔɔ ɔvale ɔmanle yɛ la le kpole mɔɔ bɛngola bɛnzuzu a! Ɔlua nrɛlɛbɛ nee adwenlenunwunlɛ zo

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:4

Noko Nyamenle anwunvɔnezelɛ ne zonle, yɛɛ ye ɛhulolɛ mɔɔ wɔ yɛ nwo zo la le kpole bo zolɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:7

Ɔyɛle ɛhye amuala ɔhilele ye ɛlolɛ totohyia ne mɔɔ bɛngola bɛnzuzu la nee atiakunlukɛnlɛma mɔɔ ɔlua Kelaese Gyisɛse ati dahuu ɔlɛ ye wɔ yɛ nwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:16

kɛ ye anyunlunyia ne kpole ti, ɔlua ye Sunsum ne azo ɔmaa bɛ anwosesebɛ ɔmaa bɛgyinla kpundii wɔ adwenle nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:19

Me Nyamenle ne balua Kelaese Gyisɛse anyunlunyia nu anwonyia kpole ne azo ayɛ bɛ ɛhyianlɛdeɛ amaa bɛ.

Kɔlɔ 1:14

na yelua ɔ nwo zo yekpɔne yɛ, yeva yɛ ɛtane yehyɛ yɛ.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 2:13

Mekɛ bie mɔɔ ɛraze ɛhɔ la ɛnee ɔlua bɛ ɛtane ti, nee kɛmɔ bɛnle Dwuuma na bɛnle Mosisi mɛla ne abo la ati, ɛnee bɛwu sunsum nu, na kɛkala Nyamenle ɛva bɛ nee Kelaese ɛra ngoane nu, na yeva yɛ ɛtane ne mɔ amuala yehyɛ yɛ.

Kɔlɔ 2:2

Meka ɛhye meamaa bɛ akɛnrazilɛ na bɛali ahua wɔ ɛhulolɛ nu, amaa bɛanyia diedi nu anwonyia ne mɔɔ ndelebɛbo kpalɛ fa maa la. Zɛhae adenle zo yɛɛ bɛlua a bɛkɛnwu deɛ ne mɔɔ Nyamenle ɛva ɛvea la a; deɛ ne mɔɔ Nyamenle ɛva ɛvea la a le Kelaese ɔdaye mumua ne.

1 Tem 2:6

mɔɔ vale ɔ nwo manle kɛ ɔkpɔne menli kɔsɔɔti yeavi bɛ ɛtane nu la. Mekɛ kpalɛ ne dwule la ɔhilele kɛ Nyamenle kpondɛ kɛ menli kɔsɔɔti nyia ngoane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:6

Ɔluakɛ Nyamenle luale yɛ Ngoanedievolɛ Gyisɛse Kelaese anwo zo wolale Sunsum Nwuanzanwuanza ne guale yɛ nwo zo,

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

1 Dw 2:12

Me mra ngakula, melɛkɛlɛ bɛ, ɔboalekɛ ɔlua Kelaese ati, Nyamenle ɛva bɛ ɛtane ne mɔ ɛhyɛ bɛ.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.