Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5 - BAEBOLO ANZƐƐ BULUKU NWUANZANWUANZA

⁵ Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5 ပူးပေါင်းရင်းမြစ်များ

Gyɛlɛmaya Buluku ne 3:19

Ɛdɛnkɛma se, “Yizilayɛ, mendwenlenle kɛ mefa wɔ meaboka me mra ne mɔ anwo, na meamaa wɔ azɛlɛ mɔɔ le anyelielɛ, azɛlɛ kɛnlɛma mɔɔ tɛla ewiade ye azɛlɛ biala. Ɛnee medwenle kɛ ɛkɛvɛlɛ me ‘Egya’, na ɛnrɛhakyi ɛ nzi ɛnrɛzi me bieko.

Gyɛlɛmaya Buluku ne 3:4

“Tɛ bɛmɛ a bɛvɛlɛ me kɛkala kɛ, ‘Egya, sumunli yɛ ngakula nu ɛ gɔnwo a le yɛ.

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Hozia Buluku ne 1:10

Yizilayɛma bazo kɛ ɛnweazo anwea mɔɔ bɛngola bɛnzuzu anzɛɛ bɛngola bɛndia la, na ɛleka ne mɔɔ bɛzele bɛ kɛ, “Bɛnle me menli” la, ɛkɛ ne a bɛbaha bɛahile bɛ kɛ, “Bɛle tease Nyamenle ne amra” a,

Edwɛkpa ne kɛmɔ Mateyu hɛlɛle la 1:25

Noko yeanva ɔ nwo yeanga Mɛle toonwo ɔhɔkpulale mekɛ mɔɔ ɔwole ye belamunli ralɛ nrenya ne la. Na Dwosefi donle ye Gyisɛse.

Edwɛkpa ne kɛmɔ Mateyu hɛlɛle la 11:26

Ɛhɛe, Egya, ɛnee kɛ ɛkpondɛ kɛ ɔba ye la ɛne.

Edwɛkpa ne kɛmɔ Luku hɛlɛle la 10:21

Mekɛ ne anu Sunsum Nwuanzanwuanza ne manle fɛlɛko yile Gyisɛse ahonle nu tɛkɛɛ na ɔhanle kɛ, “Egya, anwuma nee aze Awulae, meyɛ wɔ mo kɛ ninyɛne ɛhye mɔ mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la. Ɛhɛe, Egya, ɛnee kɛ ɛkpondɛ kɛ ɔba ye la ɛne.

Edwɛkpa ne kɛmɔ Luku hɛlɛle la 11:32

Ndɛnebualɛ Kenle ne, Nenɛvɛma badwazo adoɔdoa bɛmɛ adwuleso amra, ɔluakɛ mɔɔ bɛdele kɛ Dwona ɛlɛbɔ Nyamenle edwɛkɛ ne nolo la, bɛnlunle bɛ nwo wɔ bɛ ɛtane nwo; noko meka meahile bɛ, awie mɔɔ le kpole tɛla Dwona la wɔ ɛke!

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Dw 1:12

Bie mɔ dɔɔnwo liele ye na bɛliele ye bɛlile; ɛhye ati ɔmanle bɛ adenle kɛ bɛyɛ Nyamenle amra,

Dw 11:52

yɛɛ tɛ Dwuuma angome bɔbɔ, na kɛ ɔkɛva Nyamenle amra mɔɔ ɛde ɛkponde ewiade amuala la kɔsɔɔti ɔkarabɔ nu ɔkɛyɛ bɛ menli ko.

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Ɛzoanvolɛma Gyima ne 13:48

Mɔɔ bɛdabɛ mɔɔ bɛnle Dwuuma la dele ɛhye la, bɛlile fɛlɛko na bɛyeyɛle Nyamenle wɔ ye edwɛkɛ ne anwo, na bɛ nuhua mɔɔ ɔwɔ kɛ Nyamenle maa bɛ ngoane mɔɔ ɛnlɛ awieleɛ la liele lile.

Wulo 8:23

Na tɛ abɔdeɛ ngome; yɛdayɛ noko mɔɔ yɛnyia Sunsum ne kɛ Nyamenle ahyɛlɛdeɛ mɔɔ lumua la, yɛte nyane wɔ yɛ nu, wɔ mekɛ mɔɔ yɛlɛkendɛ Nyamenle kɛ ɔkɛyɛ yɛ ɔ mra na ɔkɛlie yɛ sonlabaka ne la.

1 Kɔl 1:1

Pɔɔlo, mɔɔ Nyamenle ɛlua ɔdaye ye ɛhulolɛdeɛ zo ɛvɛlɛ ye kɛ ɔrayɛ Kelaese Gyisɛse ɛzoanvolɛ, nee yɛ diema Sɔsetinɛse a

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

2 Kɔl 6:18

Mebayɛ bɛ ze, na bɛayɛ me mra mrenya nee mraalɛ, kɛ Tumivolɛ Awulae se la ɛne!”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:26

Bɛhakye ɛhye: Bɛlie Gyisɛse bɛli la ati bɛ kɔsɔɔti bɛ nee Gyisɛse Kelaese ɛbɔ nu ɛyɛ Nyamenle amra.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11

Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Kɔlɔ 1:19

Ɔluakɛ Nyamenle ɔdaye ɔhulole yɛɛ ɔvale ye su ne amuala ɔwulale Ralɛ ne nu a.

2 Tɛs 1:11

Ɛhye ati dahuu yɛsɛlɛ yɛmaa bɛ, yɛbiza yɛ Nyamenle ne kɛ ɔmaa bɛ nwo ɛfɛta ye ɛvɛlɛlɛ ne. Yɛsɛlɛ kɛ ɔlua ye tumi ne azo ɔmaa bɛhola bɛyɛ kpalɛ biala mɔɔ bɛkpondɛ kɛ bɛyɛ la na ɔmaa bɛ diedi nu gyima muala ɛli munli,

Kɛlata mɔɔ bɛhɛlɛle bɛhɔmanle Hibuluma la 2:4

Mekɛ ko ne ala Nyamenle ɔdaye ɔlile daselɛ ɔvoale bɛ ɛdeɛ ne azo, na ɔvale Sunsum Nwuanzanwuanza nu ahyɛlɛdeɛ ɔmanle bɛ, ɔmanle bɛyɛle nwanwane ninyɛne, kɛmɔ ye ɛhulolɛdeɛ ne de la.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.