Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:22 - BAEBOLO ANZƐƐ BULUKU NWUANZANWUANZA

²² Nyamenle ɛva ninyɛne kɔsɔɔti ɛwula Kelaese agyakɛ abo, na yeva Kelaese yemaa asɔne ne kɛ ye Awulae mɔɔ bo ninyɛne kɔsɔɔti azo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Edwɛndolɛ Buluku ne 110:1

Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

Edwɛndolɛ Buluku ne 91:13

Ɛbatietia awenade nee bɔna nwo zo, ɛbatietia awenade nee nwɔlɛ anwo ɛzulolɛ nwo zo.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

1 Kɔl 11:3

Noko mekpondɛ kɛ bɛte ɔ bo kɛ nrenya biala amenle a le Kelaese, raalɛ biala amenle a le ɔ hu, yɛɛ Kelaese amenle a le Nyamenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:23

Ɔluakɛ kunli ne a lɛ tumi wɔ ɔ ye anwo zo a, kɛmɔ Kelaese lɛ Asɔne ne azo tumi la; asɔne ne a le Kelaese sonlabaka ne yɛɛ Kelaese a le asɔne ne Ngoanedievolɛ a.

Kɔlɔ 1:18

Yemɔ a ɔle ye sonlabaka ne, mɔɔ le Asɔne ne ati a, yemɔ a ɔle debie biala mɔlebɛbo a, yɛɛ yemɔ a ɔle bɛdabɛ mɔɔ bɛdwazole bɛ bɛvile ewule nu la kpanyinli a, amaa debie biala anu yealumua.

Kɔlɔ 1:8

Ɔdaye yɛɛ eza yeha ɛhulolɛ ne mɔɔ Sunsum ne ɛva ɛmaa bɛ la anwo edwɛkɛ yehile yɛ a.

Kɔlɔ 2:10

na kɛmɔ yemɔ a ɔbo sunsum nu arelemgbunli nee tumivolɛma anwo zo la, bɛ nee ye ɛyɛ ko na bɛli munli.

Kɔlɔ 2:19

Menli zɔhane mɔ ɛkpo kɛ bɛnrɛdoa Kelaese mɔɔ le Asɔne ne ati la. Kelaese a le Asɔne ne, mɔɔ le ye sonlabaka ne. Ɔdi ye adane, ɔkuohua ye ɔmaa ɔnyi, kɛmɔ Nyamenle kpondɛ ye ala la.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

Kɛlata mɔɔ bɛhɛlɛle bɛhɔmanle Hibuluma la 2:8

na ɛvale ninyɛne kɔsɔɔti ɛwulale ɔ bo.” Saa ɔvale “ninyɛne kɔsɔɔti ɔwulale ɔ bo” a, ɛnee ɔkile kɛ debie biala boka nwolɛ. Noko mɔɔ kɛkala yɛnwu ye la a le kɛ sonla ɛnzie ninyɛne muala.