Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:21 - BAEBOLO ANZƐƐ BULUKU NWUANZANWUANZA

²¹ Ɛkɛ ne yɛɛ Kelaese di belemgbunli wɔ arelemgbunli, tumivolɛma, mgbolema nee awulae mɔ anwo zo a. Ɔbo duma biala mɔɔ wɔ ewiade ɛhye nee ewiade fofolɛ ne mɔɔ bara la azo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:21 ပူးပေါင်းရင်းမြစ်များ

Daneɛle Buluku ne 7:27

Ewiade belemgbunlililɛ ne nee tumi kɔsɔɔti bapɛ ali Anwuma Anwumanli ne menli ne asa anu. Bɛ belemgbunlililɛ ne ɛnrɛbɔ aze ɛlɛ, yɛɛ maanle maanle kɔsɔɔti barazonle bɛ ayɛ tieyɛ amaa bɛ.’

Edwɛkpa ne kɛmɔ Mateyu hɛlɛle la 12:32

Awie biala mɔɔ tendɛ tia medame, Sonla Ra la, bɛbava bɛahyɛ ye, na mɔɔ kɛdendɛ kɛtia Sunsum Nwuanzanwuanza ne la, bɛnrɛva bɛnrɛhyɛ ye wɔ ɛnɛ anzɛɛ kenle bie.

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:10

amaa mekɛ ɛhye anu ala ɔlua Asɔne ne azo anwuma tumivolɛma nee mgbolema anwu Nyamenle nrɛlɛbɛ kpole ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Kɔlɔ 2:10

na kɛmɔ yemɔ a ɔbo sunsum nu arelemgbunli nee tumivolɛma anwo zo la, bɛ nee ye ɛyɛ ko na bɛli munli.

Kɔlɔ 2:15

Kelaese liele ɔ nwo wɔ meanubaka ne azo wɔ awozinli ewiade ye sunsum nu tumima asa anu, ɔguale bɛ nyunlu aze wɔ bagua nu na ɔzinlanle bɛ nyɛma zo wɔ ye konimlilɛ ɛlɔnwɔnedolɛ ne anu.

Kɛlata mɔɔ bɛhɛlɛle bɛhɔmanle Hibuluma la 1:4

Nyamenle manle Ralɛ ne yɛle kpole dɛlale Nyamenle soanvolɛma amuala, yɛɛ duma mɔɔ ɔvale ɔmanle ye la tɛla bɛ ɛdeɛ ne amuala.

Kɛlata mɔɔ bɛhɛlɛle bɛhɔmanle Hibuluma la 2:5

Nyamenle ɛtɛfale ye soanvolɛma kɛ bɛzie ewiade fofolɛ ne mɔɔ yɛka nwolɛ edwɛkɛ kɛ ɔbara la.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.