Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17 - BAEBOLO ANZƐƐ BULUKU NWUANZANWUANZA

¹⁷ na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17 ပူးပေါင်းရင်းမြစ်များ

1 Edk 29:11

Ɛle kpole, ɛlɛ tumi, ɛle nwuanzanwuanza, ɛle katakyie, ɛle belemgbunli. Debie biala mɔɔ wɔ anwuma nee aze la le wɔ ɛdeɛ, na ɛdi bɛ kɔsɔɔti bɛ nwo zo belemgbunli.

Dwobu Buluku ne 42:5

Me nzo yɛɛ menvale mendele wɔ nganeɛ a, na kɛkala, yemɔ menwu ɛ nyunlu;

Edwɛndolɛ Buluku ne 24:10

Nwane a le anyunlunyia Belemgbunli ɛhye? Tumivolɛ Ɛdɛnkɛma ɔ, yemɔ a ɔle anyunlunyia Belemgbunli ne a.

Edwɛndolɛ Buluku ne 24:7

O nlenkɛ mgbole, bɛbukebuke! O tete nlenkɛ, bɛbukebuke! Amaa anyunlunyia Belemgbunli ne awolo nu.

Edwɛndolɛ Buluku ne 29:3

Ɛdɛnkɛma ane dielie azule ne mɔ anye; anyunlunyia Nyamenle ne kuluhulu, Ɛdɛnkɛma ane dielie azule ne mɔ anye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:3

Ka kile bɛ kɔsɔɔti mɔɔ memaa bɛ adwenle mɔɔ anu pi na bɛbɔ mɔdenle la kɛ bɛbu Aalɔn adɛladeɛ ne mɔ, amaa bɛadu ye bɛazie ahane bɛamaa me kɛ ɔle me sɛlɛvolɛ.

Mrɛlɛbulɛ Buluku ne 18:15

Sonla mɔɔ lɛ adwenle la nyia adwenlenubukelɛ, yɛɛ nrɛlɛbɛvolɛ buke ɔ nzo tie adwenlenubukelɛ edwɛkɛ.

Mrɛlɛbulɛ Buluku ne 2:5

ɛbade Ɛdɛnkɛma ɛzulolɛ ne abo na wɔanyia Nyamenle anwo adwenlenubukelɛ,

Ayezaya Buluku ne 11:2

Ɛdɛnkɛma Sunsum ne bara ɔ nwo zo, ɔbanwu nrɛlɛbɛ, yeanyia ndelebɛbo, ɔbanyia anwosesebɛ, yeayɛ folɛtuvolɛ, ɔbanyia adwenle na yeazulo Ɛdɛnkɛma.

Gyɛlɛmaya Buluku ne 2:11

Maanle biala ɛtɛkakyile ye nyamenle ne mɔ mɔɔ ɛnle nyamenle bɔbɔ la, noko me menli ne ɛva bɛ anyunlunyia ɛlie debie mɔɔ nvasoɛ ɛnle zo la.”

Gyɛlɛmaya Buluku ne 24:7

Mebamaa bɛ ahonle meamaa bɛanwu kɛ medame a mele Ɛdɛnkɛma a; bɛbayɛ me menli na meayɛ bɛ Nyamenle, ɔluakɛ bɛbava bɛ ahonle kɔsɔɔti bɛazia bɛara me ɛkɛ.”

Gyɛlɛmaya Buluku ne 31:34

Bɛ nuhua biala ɛnrɛhilehile ɔ gɔnwo anzɛɛ ɛnrɛze adiema kɛ, ‘Maa mengile wɔ Nyamenle,’ ɔluakɛ bɛ kɔsɔɔti, kpanyinli o, kakula o, bɛbanwu me. Mebava bɛ ɛtane meahyɛ bɛ, yɛɛ menrɛhakye bɛ ɛtane ne mɔ mɔɔ bɛyɛ la bieko. Medame Ɛdɛnkɛma a mese a.”

Gyɛlɛmaya Buluku ne 9:24

Saa awie ɛlɛtu ɔ nwo a, ɔdu ɔ nwo kɛ ɔze me na ɔte me edwɛkɛ bo, kɛ mame a mele Ɛdɛnkɛma a. Me ɛhulolɛ ne gyi kpundii, yɛɛ meyɛ mɔɔ le pɛpɛ nee fɔɔnwo. Ɛhye mɔ a sɔ me nye a. Medame Ɛdɛnkɛma a mese a.”

Daneɛle Buluku ne 10:1

(Pɛhyea Maanle Maanle Belemgbunli Saelɛse lile ɛvolɛ nsa wɔ ebia zo la, Daneɛle mɔɔ eza bɛfɛlɛ ye Bɛletihyazaa la asa hanle Nyamenle nrɛlaleɛ. Nrɛlaleɛ ne le nɔhalɛ na ɔ bo ɛdelɛ ɛnla aze. Na bɛluale ɛnyelɛzodeɛnwunlɛ zo bɛhilele ye ɔ bo, na ɔdele ɔ bo.)

Daneɛle Buluku ne 5:11

Nrenya bie wɔ wɔ maanle ye anu mɔɔ Nyamenle Nwuanzanwuanza ne Sunsum wɔ ye nu. Ɛ ze Nɛbukadenɛza mekɛ zo, bɛnwunle kɛ ɔlɛ wienyi bie li ɔ nyunlu, ɔlɛ ndelebɛbo, yɛɛ ɔze nrɛlɛbɛ kɛ awozonle ne mɔ ala la. Ɔlua ɛhye ati Nɛbukadenɛza yɛle ye ngonyiayevoma, silikyevoma, adunyipɛvoma, yɛɛ nwɔlɔrakengavoma kpanyinli.

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Edwɛkpa ne kɛmɔ Mateyu hɛlɛle la 16:17

Gyisɛse buale ye kɛ, “Dwɔn ara Saemɔn, nyilalɛ ɛha wɔ. Ɔluakɛ tɛ sonla yɛɛ ɛye nɔhalɛ ɛhye ɛhile wɔ a, na Egya mɔɔ wɔ anwuma la ɔ.

Edwɛkpa ne kɛmɔ Mateyu hɛlɛle la 20:33

Bɛbuale kɛ, “Yɛmenle, yɛkulo kɛ ɛbuke yɛ nye ɛmaa yɛnwu debie.”

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Luku hɛlɛle la 12:12

Ɔluakɛ mekɛ ne anu, Sunsum Nwuanzanwuanza ne bahilehile bɛ mɔɔ ɔwɔ kɛ bɛka la.”

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Dw 14:26

Boavolɛ ne, mɔɔ le Sunsum Nwuanzanwuanza ne, mɔɔ Selɛ ne bazoa ye wɔ me duma nu la, barahilehile bɛ debie biala, na yeamaa bɛahakye mɔɔ meha mehile bɛ la amuala.

Dw 16:3

Bɛbayɛ ɛhye mɔ amuala, ɔluakɛ bɛnze Selɛ ne yɛɛ bɛnze me.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Ɛzoanvolɛma Gyima ne 6:10

Na Sunsum ne manle Sitivin nrɛlɛbɛ dɔɔnwo, yemɔti bɛangola ye fee.

Ɛzoanvolɛma Gyima ne 7:2

Sitivin buale kɛ, “Mediema mrenya nee egya mɔ, bɛdie me! Anyunlunyia Nyamenle ne yele ɔ nwo hilele yɛ nlenya Ebileham wɔ mekɛ mɔɔ ɛnee ɔwɔ Mɛsɔpɔteemea la, kolaa na yeadu yeahɔdɛnla Hɛlan.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 15:6

amaa bɛ muala kɔsɔɔti bɛava ɛnelɛ ko bɛaye yɛ Awulae Gyisɛse Kelaese ɔ ze Nyamenle ne ayɛlɛ.

1 Kɔl 12:8

Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

1 Kɔl 14:6

Mediema, saa meba bɛ nwo lɔ na mebaka aneɛ ngakyile mekile bɛ a, duzu nvasoɛ a bɛkɛnyia ye bɛkɛvi me ɛkɛ ne a? Bɛnrɛnyia ɛhwee, kyesɛ melɛ yekile bie vi Nyamenle ɛkɛ anzɛɛ deɛnwunlɛ bie anzɛɛ nrɛlaleɛ bie vi Nyamenle lɔ, anzɛɛ ngilehilelɛ bie mebɛlɛ bɛ.

1 Kɔl 2:10

Yɛmɛ yɛɛ Nyamenle ɛlua ye Sunsum ne azo ɛye fealeranu debie zɛhae ɛhile yɛ a, ɔluakɛ Sunsum ne fedevede ninyɛne kɔsɔɔti anu, bɔbɔ kɛ Nyamenle ngyehyɛlɛ ne kuma ne kuloonwu si de la.

1 Kɔl 2:8

Nrɛlɛbɛ ɛhye, bɛdabɛ mɔɔ bɛsie ewiade la annwu ye, ɔluakɛ saa bɛnwunle ye a, anrɛɛ bɛambɔ anyunlunyia Awulae ne meanubaka nu.

2 Kɔl 12:1

Ɔwɔ kɛ metu me nwo, saa nvasoɛ ɛnle zolɛ bɔbɔ a, ɔwɔ kɛ metu me nwo. Noko meka ninyɛne mɔɔ Awulae ɛlolɛ zo yemaa menwu bɛ nee mɔɔ yeye yehile me la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:5

Dɛba dɛba ne bɛanga edwɛkɛ ɛhye mɔ mɔɔ vea la bɛangile sonla biala, noko kɛkala, Nyamenle lua Sunsum ne azo ɛye ɛhile ye ɛzoanvolɛma nwuanzanwuanza ne nee Nyamenle kpɔmanvolɛma.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:13

kɔdwu kɛ awieleɛ ne, kɛmɔ yɛdie yɛdi na yɛze Nyamenle Ara ne la ati, yɛkɛbɔ nu yɛkɛyɛ ko na yɛayɛ kɛ menli mɔɔ bɛ adwenle ɛdi na bɛ nee Kelaese ɛzɛ atipɛne la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:15

Bɛmaa yɛmɛ mɔɔ yɛnyi sunsum nu la yɛnyia subane zɛhae, na saa bɛ bie mɔ noko lɛ subane ngakyile bie a, Nyamenle ɔdaye ɔbahilehile bɛ yeamaa bɛade ɔ bo.

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Gyemise Kɛlata ne 2:1

Me mediema, kɛmɔ bɛlɛ diedi wɔ yɛ Awulae Gyisɛse Kelaese, mɔɔ le anyunlunyia Awulae ne la anu la ati, bɛmmanea sonla nyunlu na bɛabu ye bie.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

Yekile 7:12

bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”