Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:13 - BAEBOLO ANZƐƐ BULUKU NWUANZANWUANZA

¹³ Bɛdabɛ noko, kɛmɔ bɛdele nɔhalɛ edwɛkɛ ne, mɔɔ le Edwɛkpa ne mɔɔ vale ngoanelielɛ rɛlɛle bɛ, na bɛliele Kelaese bɛlile la ati, Nyamenle vale ye Sunsum Nwuanzanwuanza ne, mɔɔ ɔvale ɔbɔle ɛwɔkɛ la ɔmanle bɛ, ɔvale ɔyɛle bɛ nzonlɛ kɛ bɛle ye menli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:13 ပူးပေါင်းရင်းမြစ်များ

Edwɛndolɛ Buluku ne 119:43

Mmaye nɔhalɛ edwɛkɛ ɛfi me nloa, ɔluakɛ melɛ anyelazo wɔ wɔ mɛla ne mɔ anu.

Dwowɛle Buluku ne 2:28

“Na ɔbara kɛ nzinlii, mebawola me Sunsum ne meagua awie biala anwo zo: bɛ mra mrenya nee bɛ mra mraalɛ baha me nrɛlaleɛ ne; bɛ mgbanyinli baha ɛlalɛ, na bɛ mgbavolɛ anwu ɛnyelɛzodeɛnwunlɛ.

Edwɛkpa ne kɛmɔ Luku hɛlɛle la 11:13

Na saa bɛmɛ bɔbɔ mɔɔ bɛle ɛtanevolɛma la, bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ Selɛ ne mɔɔ wɔ anwuma la ɛnrɛva Sunsum Nwuanzanwuanza ne ɛnrɛmaa bɛdabɛ mɔɔ bɛkɛbiza ye la ɛ?”

Edwɛkpa ne kɛmɔ Luku hɛlɛle la 24:49

Medame mumua ne mebazoa deɛ mɔɔ Egya vale bɔle ɛwɔkɛ la wɔ bɛ nwo. Bɛdɛnla suakpole ɛhye azo ɛke kɔkpula kɛ tumi vi anwuma kɛra bɛ nwo zo la.”

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Dw 14:26

Boavolɛ ne, mɔɔ le Sunsum Nwuanzanwuanza ne, mɔɔ Selɛ ne bazoa ye wɔ me duma nu la, barahilehile bɛ debie biala, na yeamaa bɛahakye mɔɔ meha mehile bɛ la amuala.

Dw 15:26

“Boavolɛ ne mɔɔ le Sunsum ne, mɔɔ ye nɔhalɛ ne mɔɔ fane Nyamenle anwo la finde, na ɔvi Selɛ ne ɛkɛ ne la bara. Mebazoa ye wɔ bɛ nwo meamaa ɔvi Selɛ ne ɛkɛ yearaha me nwo edwɛkɛ yeahile bɛ.

Dw 3:33

Mɔɔ die ye edwɛkɛ ne to nu la kile maa bɛnwu kɛ Nyamenle le nɔhalɛ.

Dw 6:27

Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

Ɛzoanvolɛma Gyima ne 1:4

Mekɛ mɔɔ ɔ nee bɛ yiale la ɔhanle ɔhilele bɛ kɛ, “Bɛmmatu bɛ bo bɛfi Gyɛlusalɛm, na bɛhendɛ Egya ahyɛlɛdeɛ ne mɔɔ yeva yebɔ bɛ ɛwɔkɛ na meha nwolɛ edwɛkɛ mehile bɛ la.

Ɛzoanvolɛma Gyima ne 13:26

“Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

Ɛzoanvolɛma Gyima ne 2:33

Bɛmaa ye zo bɛzie Nyamenle asa fema zo, na yenyia Sunsum Nwuanzanwuanza ne, kɛmɔ ɔze vale bɔle ye ɛwɔkɛ la; na mɔɔ bɛnwu ye nee mɔɔ kɛkala bɛte la a le ye ahyɛlɛdeɛ mɔɔ yeva yemaa yɛ la a.

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.

Wulo 6:17

Yɛyɛ Nyamenle mo, ɔluakɛ mekɛ bie, ɛnee bɛle ahanra bɛmaa ɛtane, na kɛmɔ bɛvale bɛ ahonle muala bɛyɛle tieyɛ bɛmanle nɔhalɛ ne mɔɔ bɛnwunle ye wɔ ngilehilelɛ mɔɔ bɛnyianle ye la anu la ati

2 Kɔl 1:22

yeyɛ yɛ nzonlɛ yemaa ɔ nwo, na yeva ye Sunsum Nwuanzanwuanza ne yewula yɛ ahonle nu kɛ ninyɛne mɔɔ kenle bie ɔbava yeamaa yɛ la amuala anwo awoba a.

2 Kɔl 6:7

yɛ nɔhalɛ nrɛlaleɛ ne, nee Nyamenle tumi ne azo yɛla yɛ nwo ali yɛhile kɛ yɛle Nyamenle sonvolɛma. Pɛlepɛlelilɛ a le yɛ konle dadeɛ mɔɔ yɛfa yɛko na yɛfa yɛpepɛ yɛdie yɛ nwo a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:14

Bɛhendanle Kelaese wɔ baka zo wɔ yɛmɛ yɛ ti, amaa ɔlua ɔ nwo zo bɛdabɛ mɔɔ bɛnle Dwuuma la bɛanyia nyilalɛ ne mɔɔ Nyamenle vale bɔle Ebileham ɛwɔkɛ la bie, na kɛmɔ yɛdie Kelaese yɛdi la ati yɛ muala yɛ sa aha ye Sunsum ne mɔɔ ɔvale ɔbɔle yɛ ɛwɔkɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:21

Nɔhalɛ, bɛde ɔ nwo edwɛkɛ yɛɛ bɛhilehile bɛ nɔhalɛ ne, kɛmɔ ɔwɔ Gyisɛse anu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

2 Tem 2:15

Bɔ mɔdenle ɛsesebɛ kɛ ɛkɛzɔ Nyamenle anye, kɛ gyimayɛvolɛ mɔɔ ɛnze ye gyima nwo nyiane na ɔkilehile Nyamenle nɔhalɛ edwɛkɛ ne kpalɛ la.

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

2 Tem 3:15

yɛɛ ɛkakye kɛ sumunli wɔ ngakula nu yɛɛ ɛzukoale Nyamenle Edwɛkɛ ne mɔɔ maa wɔ nrɛlɛbɛ mɔɔ saa ɛdie Kelaese Gyisɛse ɛdi a, ɔkola ɔmaa wɔ ngoanelielɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:11

Ɔluakɛ Nyamenle ɛye ye ɛlolɛ ne ɛhile wɔ menli kɔsɔɔti bɛ ngoanelielɛ ti.

Kɛlata mɔɔ bɛhɛlɛle bɛhɔmanle Hibuluma la 2:3

Na saa yɛanzɔ ngoanelielɛ kpole mɔɔ le zɛhae la anu a, ɛnee kɛ ɔkɛyɛ na yɛavi ɛsalɛ ɛ? Awulae mumua ne lumuale bɔle ngoanelielɛ ɛhye anwo nolo, yɛɛ bɛdabɛ mɔɔ bɛdiele ye la ɛhile ɛmaa yɛnwu kɛ ɔle nɔhalɛ.

Gyemise Kɛlata ne 1:18

Ɔdaye ye ɛhulolɛ zo yɛɛ ɔluale nɔhalɛ edwɛkɛ ne azo ɔwole yɛ a, amaa yɛayɛ ye abɔdeɛ nu alumuama.

Gyemise Kɛlata ne 1:21

Yemɔti bɛvuandi subane ɛtane nee nyɛleɛ ɛtane kɔsɔɔti bɛgua na bɛdo bɛ nwo aze bɛmaa Nyamenle, bɛlie edwɛkɛ ne mɔɔ yelua ye wɔ bɛ ahonle nu la bɛdo nu, na yemɔ yɛɛ ɔkola ɔdie bɛ ngoane a.

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.

Yekile 7:2

Na menwunle Nyamenle soanvolɛ ko kɛ ɔlɛ tease Nyamenle ne nzonlɛyɛlɛ sɛkɛlɛneɛ ne, ɔvi aduduleɛ ɔlɛba. Ɔdeanle nu ɔvɛlɛle Nyamenle soanvolɛma nna ne mɔɔ Nyamenle ɛmaa bɛ tumi kɛ bɛzɛkye azɛlɛ ye nee nyevile la,