Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11 - BAEBOLO ANZƐƐ BULUKU NWUANZANWUANZA

¹¹ Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11 ပူးပေါင်းရင်းမြစ်များ

Dwobu Buluku ne 12:13

Nyamenle lɛ nrɛlɛbɛ, ɔlɛ tumi; folɛdulɛ nee ndelebɛbo le ye ɛdeɛ.

Dwobu Buluku ne 33:29

“Nea, Nyamenle yɛ ninyɛne ɛhye mɔ amuala fane kɛyɛ nyɛ maa sonla,

Edwɛndolɛ Buluku ne 37:18

Ɛdɛnkɛma ze mɔɔ ɛnze nwolɛ bie la kenle, bɛ agyadeɛ bayɛ bɛ ɛdeɛ dahuu.

Mrɛlɛbulɛ Buluku ne 8:14

Metu folɛ, mekile nrɛlɛbɛ adenle kpalɛ, melɛ ndelebɛbo yɛɛ me nwo yɛ se.

Ayezaya Buluku ne 25:1

O Ɛdɛnkɛma, ɛle me Nyamenle; mebali wɔ eni kpole, mebaye wɔ duma ayɛlɛ, ɔluakɛ wɔyɛ nwanwane ninyɛne, tete yɛɛ ɛhyehyɛle bɛ a, yɛɛ nɔhalɛ nu wɔyɛ.

Ayezaya Buluku ne 28:29

Ɛhye noko vi Tumivolɛ Ɛdɛnkɛma. Ye folɛdulɛ yɛ nwanwane, yɛɛ ye nrɛlɛbɛ bo zolɛ.

Ayezaya Buluku ne 5:19

Dahuu bɛ edwɛkɛ a le kɛ, “Bɛmaa ɔha ɔ nwo ɔyɛ ye waa, ɔyɛ ye gyima ne ndɛndɛ ɔmaa yɛnlea. Bɛmaa Yizilayɛ Nwuanzanwuanza Ko ne ɛrɛla, ɛrayɛ mɔɔ yehyehyɛ la ɔmaa yɛnlea!”

Gyɛlɛmaya Buluku ne 23:18

Menganle kɛ, “Nyamenle kpɔmanvolɛma ɛhye mɔ anu boni a nee Ɛdɛnkɛma ɛdu agyinla, ɛnwu ye na yede anzɛɛ yedie ye, na yeli ye edwɛkɛ zo a?

Gyɛlɛmaya Buluku ne 32:19

wɔ nrɛlɛbɛ le kpole yɛɛ ɛyɛ ninyɛne mgbole. Ɛnwu menli ndenle kɔsɔɔti anu na ɛnea bɛ ɛbɛlabɔlɛ ne ɛtua biala kakɛ, kɛmɔ ye ndenle ne mɔ de la.

Zɛkalaya Buluku ne 6:13

Yemɔ a ɔbazi Ɛdɛnkɛma Ɛzonlenlɛ Sua ne a, na bɛbali ye eni kɛ belemgbunli. Ɔbadɛnla ye belemgbunli ebia nu na yeazie ye menli ne. Ɔbanyia sɛlɛvolɛ ko wɔ ye belemgbunli ebia ne anwo, na bɛdabɛ bɛ mu nwiɔ bɛ nloa bazɛ bɛ nwo anzonudwolɛ nu.’

Ɛzoanvolɛma Gyima ne 13:48

Mɔɔ bɛdabɛ mɔɔ bɛnle Dwuuma la dele ɛhye la, bɛlile fɛlɛko na bɛyeyɛle Nyamenle wɔ ye edwɛkɛ ne anwo, na bɛ nuhua mɔɔ ɔwɔ kɛ Nyamenle maa bɛ ngoane mɔɔ ɛnlɛ awieleɛ la liele lile.

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 20:27

Ɔluakɛ meanva debie biala mɔɔ fane Nyamenle ngyehyɛlɛ ne anwo la meanvea bɛ.

Ɛzoanvolɛma Gyima ne 20:32

“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Ɛzoanvolɛma Gyima ne 4:28

Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.

Wulo 11:34

Nyamenle Edwɛkɛ ne se, “Nwane a ze Awulae adwenle a? Nwane a kɛhola kɛdu ye folɛ a?

Wulo 8:17

Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

Wulo 8:29

Bɛdabɛ mɔɔ Nyamenle ɛkpa nu ɛye bɛ la, yeva bɛ yezie ahane kɛ bɛbayɛ kɛ ɔ Ra ne la, amaa Ralɛ ne ayɛ mediema dɔɔnwo adiema kpanyinli.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:18

Ɔluakɛ saa Nyamenle ahyɛlɛdeɛ ne gyi mɛla ne azo ɛlilɛ zo a ɛnee noko ɔnle ahyɛlɛdeɛ mɔɔ gyi ye ɛwɔkɛ ne azo a. Na ɔle nɔhalɛ kɛ ye ɛwɔkɛ ne mɔɔ ɔbɔle Ebileham la ati a Nyamenle ɛmaa ahyɛlɛdeɛ mɔɔ le zɛhae la a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:14

Sunsum ne di agyinlanu kɛ yɛbanyia mɔɔ Nyamenle ɛva ɛbɔ ye menli ɛwɔkɛ la; eza ɔmaa yɛsi pi kɛ Nyamenle bamaa menli mɔɔ le ye ɛdeɛ la anyia bɛ ti bɔkɔɔ. Bɛmaa yɛye ye anyunlunyia ne ayɛlɛ!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:18

Mesɛlɛ kɛ bɛ adwenle nu kɛbuke, amaa bɛanwu anyelazo ne mɔɔ yevɛlɛ bɛ wɔ nu, ye nwanwane nyilalɛ ne mɔ mɔɔ ɔfa ɔbɔ ye menli ɛwɔkɛ la anu anwonyia ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5

Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:8

mɔɔ ɔvale ɔmanle yɛ la le kpole mɔɔ bɛngola bɛnzuzu a! Ɔlua nrɛlɛbɛ nee adwenlenunwunlɛ zo

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:11

Nyamenle yɛle ɛhye kɛmɔ ye damɛnlangoate ngyehyɛlɛ ne mɔɔ ɔlua Kelaese Gyisɛse yɛ Awulae ne anwo zo ɔmanle ɔlile munli la de la.

Mɛla 4:20

Na bɛmɛ, Ɛdɛnkɛma ɛva bɛ na yeye bɛ yevi Yigyibiti bulalɛ fonlomo gɔhyee ne anu kɛ bɛrayɛ ɔdaye ye menli, kɛmɔ bɛde ɛnɛ la.

Kɔlɔ 1:12

na bɛava fɛlɛkolilɛ bɛayɛ Selɛ ne mɔɔ ɛmaa bɛfɛta kɛ bɛ nee ye menli ne kɛbɔ nu kɛdɛnla ye wienyi ne anu la mo.

Kɔlɔ 3:24

Bɛhakye kɛ Awulae a bamaa bɛ nwolɛ ahatualɛ ne mɔɔ yeva yezie ɛkɛ yemaa ye menli la a. Ɔluakɛ Awulae Kelaese a le Menlenlɛ ne mɔɔ bɛsonle ye la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:7

amaa ɔlua ye ɛlolɛ zo yɛazɔ Nyamenle anye na yɛanyia ngoane ne mɔɔ ɛnlɛ awieleɛ mɔɔ yɛ nye la zolɛ la.

Kɛlata mɔɔ bɛhɛlɛle bɛhɔmanle Hibuluma la 6:17

Nyamenle kpondɛ kɛ bɛdabɛ mɔɔ ɔwɔ kɛ bɛnyia ɛwɔkɛ ne bie la nwu kɛ ɔnrɛhakyi ye adwenle ɛlɛ; ɛhye ati ɔvale ndane ɔbokale ye ɛwɔkɛ ne anwo.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Pit 1:4

Ɔlua zolɛ yɛ nye la nyilalɛ bebelebe ne mɔɔ Nyamenle ɛva ɛzie ye menli ne la azo. Bɛmɛ bɛ ti, yeva nyilalɛ ɛhye mɔɔ ɛmkpɔlɔ, ɔnzɛkye, yɛɛ ɔndu anzɛɛ ɔmkpa la yezie anwuma lɔ yemaa bɛ.

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.