Dw 9:39 - BAEBOLO ANZƐƐ BULUKU NWUANZANWUANZA

³⁹ Na Gyisɛse zele ye kɛ, “Membale ewiade kɛ mebabua ndɛne, amaa bɛdabɛ mɔɔ bɛ nye ɛzi la anwu debie, na bɛdabɛ mɔɔ bɛnwu debie la anye azi.”

Dw 9:39 ပူးပေါင်းရင်းမြစ်များ

Ayezaya Buluku ne 29:10

Ɔluakɛ Ɛdɛnkɛma ɛva nafelɛ sunsum ɛwula bɛ na bɛbalafe botoo, na bɛmɛ Nyamenle kpɔmanvolɛma, yeheda bɛ nye, yɛɛ yeheda ɛnyelɛzodeɛnwunlɛma ati zo.

Ayezaya Buluku ne 44:18

Menli zɛhae mɔ ɛnnwu mɔɔ bɛyɛ la, yɛɛ bɛnde ɔ bo, ɔluakɛ bɛ nye ɛzi, yemɔti bɛnnwu ɛhwee, yɛɛ bɛdo bɛ adwenle nu, yemɔti bɛnde debie biala abo.

Ayezaya Buluku ne 6:9

Na ɔzele me kɛ, “Kɔ, na kɔze menli ɛhye mɔ kɛ, ‘Bɛbadie, bɛadie, na bɛnrɛde ɔ bo; bɛbanlea, bɛanlea, na bɛnrɛnwu ɛhwee!

Yizikeɛle Buluku ne 12:2

Ɔse, “Sonla ra, ɛde menli anzosesebɛma mɔɔ ɛngyɛ na ade atua la avinli. Bɛlɛ ɛnyelɛ, noko bɛnnwu debie; bɛlɛ ɛnzonlɛ, noko bɛnde edwɛkɛ, ɔluakɛ bɛle atuadelɛma.

Edwɛkpa ne kɛmɔ Mateyu hɛlɛle la 11:5

anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo mɔwuamra bɛba ngoane nu bieko, yɛɛ bɛka Edwɛkpa ne bɛkile ehyianvolɛma.

Edwɛkpa ne kɛmɔ Mateyu hɛlɛle la 15:14

Bɛgyakyi bɛ! Bɛle mgbanyinli anyenzinliravolɛma mɔɔ kile anyenzinliravolɛma adenle a; anyenzinliravolɛ kile anyenzinliravolɛ adenle a, bɛ mu nwiɔ bɛgua kuma nu!”

Edwɛkpa ne kɛmɔ Mateyu hɛlɛle la 6:23

Na saa ɛ nye ɛnle kpalɛ a, wɔ sonlabaka ne anu le awozinli. Na saa wienyi ne mɔɔ wɔ wɔ nu la le awozinli a, ɛnee noko ye awozinli ne kɛyɛ kabii kpalɛ.

Edwɛkpa ne kɛmɔ Luku hɛlɛle la 1:79

ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”

Edwɛkpa ne kɛmɔ Luku hɛlɛle la 13:30

Bɛdabɛ mɔɔ kɛkala bɛli amozi la baralumua, na bɛdabɛ mɔɔ kɛkala bɛlumua la arali amozi.”

Edwɛkpa ne kɛmɔ Luku hɛlɛle la 2:34

Semɛyɔn yilale bɛ na ɔzele ɔ nli Mɛle kɛ, “Nyamenle ɛye kakula ɛhye ɛzie ɛkɛ. Yizilayɛma dɔɔnwo balua ɔ nwo zo adu koti, na dɔɔnwo noko alua ɔ nwo zo anyia ngoane; ɔbayɛ Nyamenle sɛkɛlɛneɛ mɔɔ menli dɔɔnwo ɛnrɛlie ɛnrɛdo nu,

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Edwɛkpa ne kɛmɔ Luku hɛlɛle la 7:21

Mekɛ zɔhane, Gyisɛse yɛle menli dɔɔnwo mɔɔ ɛnde kpɔkɛ nee bɛdabɛ mɔɔ ewulenzane wɔ bɛ nwo la ayile manle bɛdele kpɔkɛ, ɔdudule sunsum ɛtane ɔvile menli nwo na ɔdukuedukuele anyenzinliravolɛma dɔɔnwo anye.

Dw 12:31

Mekɛ ɛdwu mɔɔ akee ɔwɔ kɛ bɛbua ewiade ndɛne a; akee bɛbadu Seetan mɔɔ sie ɛtane ewiade ɛhye la bɛavi ɛkɛ.

Dw 12:46

Mera kɛ mame a mele ewiade wienyi ne a, amaa mɔɔ kɛlie me kɛli la anga awozinli nu.

Dw 3:17

Ɔluakɛ Nyamenle anzoa Ɔ Ra ne wɔ ewiade ye kɛ ɔrabua menli mɔɔ wɔ nu la ndɛne, na ɔralie ewiade amra ngoane.

Dw 3:19

Kɛ ndɛnebualɛ ne de la ɛne: wienyi ne ɛra ewiade ye na bɛ ninyɛndane ti, menli kulo awozinli tɛla wienyi ne.

Dw 8:12

Gyisɛse dendɛle hilele Falasiima ne bieko kɛ, “Mame a mele ewiade wienyi ne a. Awie biala mɔɔ kɛdoa me bo zo la kɛnyia ngoane nu wienyi ne, ɔnrɛlua awozinli nu ɛlɛ.”

Dw 8:15

Bɛmɛ bɛnea sonla nyunlu na bɛabua ye ndɛne, na mame membua ndɛne.

Dw 9:25

Nrenya ne buale kɛ, “Saa ɔle ɛtanenli o, saa ɔnle ɛtanenli o, menze. Debie ko ala yɛɛ meze a; yemɔ a le kɛ, ɛnee me nye ɛzi, na kɛkala menwu debie.”

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

2 Kɔl 2:16

ɔbɔ evuanlɛ mɔɔ maa ngoane la ɔmaa bɛdabɛ mɔɔ bɛlɛdie bɛ ngoane la, yɛɛ ɔbɔ nvoanle mɔɔ maa ewule la ɔmaa bɛdabɛ mɔɔ bɛlɛminli la. Na nwane bɔbɔ a kɛhola gyima zɛhae yɛ a?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:14

ɔluakɛ debie biala mɔɔ kɛla ali la, ɛnee yeyɛ wienyi. Yemɔti a bɛha ye kɛ, “Wɔmɔ mɔɔ wɔlafe a, tunwue na ɛvi mɔwuamra anu dwazo! Na Kelaese wienyi ne kɛda ɛ nwo.”

2 Tɛs 2:10

na yeava adalɛ nee amumuyɛ adenle zo yeahwe bɛdabɛ mɔɔ ɔwɔ kɛ bɛminli la. Menli ɛhye mɔ baminli, ɔluakɛ bɛangulo nɔhalɛ ne mɔɔ kɛlie bɛ ngoane la.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Dw 2:11

Awie biala mɔɔ kpɔ ɔ diema la de awozinli ne anu, na kɛmɔ ɔlua awozinli ne anu la ati, ɔnnwu ɛleka holɛ ko mɔɔ ɔlɛkɔ la, ɔluakɛ awozinli ne ɛzi ɔ nye.