Dw 9:31 - BAEBOLO ANZƐƐ BULUKU NWUANZANWUANZA

³¹ Yɛze kɛ Nyamenle ɛndie ɛtanevolɛma, ɔtie bɛdabɛ mɔɔ bɛbu ye bie na bɛyɛ mɔɔ ɔkpondɛ kɛ bɛyɛ la.

Dw 9:31 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:29

Ɛnee kɛ Nyamenle zile zɛkyele azuamgbole zɔhane mɔ mɔɔ wɔ bɔnza ne anu la ɛne. Noko ɔhakyele Ebileham, yemɔti ɔyele Lɔɔto ɔvile nu wɔ mekɛ mɔɔ ɔsɛkye azuamgbole mɔɔ Lɔɔto dɛnlanle zolɛ la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:7

Yemɔti fa nrenya ne aye ne kɔmaa ye. Ɔle Nyamenle kpɔmanvolɛ, ɔbazɛlɛ yeamaa wɔ, na wɔanyia ngoane. Na saa wɔanva raalɛ ne wɔangɔ a, ɛnee nwu ye kɛ ɛdawɔ nee wɔ menli ne kɔsɔɔti bawu.”

Dwobu Buluku ne 35:12

Bɛtea nu bɛsu, na ɔmbua bɛ, ɔboalekɛ ɛtanevolɛma le mgbanyizonle.

Dwobu Buluku ne 35:13

Nɔhalɛ, Nyamenle ɛndie ɛzunlɛ mgbane mgbane, yɛɛ Tumivolɛ ne ɛmbu ye bɔbɔ.

Dwobu Buluku ne 42:8

Yemɔti bɛva nlankɛ nyinli nsuu nee mboane nyinli nsuu bɛhɔ me sonvolɛ Dwobu anwo ɛkɛ ne bɛhɔbɔ ɛyelalɛ azu wɔ bɛdabɛ bɛ ti, na me sonvolɛ Dwobu bazɛlɛ amaa bɛ, ɔluakɛ mebadie ye nzɛlɛlɛ ne, na me nee bɛ ɛnrɛli ye kɛ mɔɔ bɛ ɛtane ne mɔ de la, ɔboalekɛ bɛanga me nwo edwɛkɛ kpalɛ kɛ mɔɔ me sonvolɛ Dwobu hanle la.”

Edwɛndolɛ Buluku ne 106:23

Yemɔti ɔhanle kɛ ɔbɔ bɛ bo zo, na Mosisi mɔɔ yekpa nu yeye ye la, gyinlanle kpundii wɔ ɔ nyunlu, ɔmanle ɔgyakyile ye ɛya ne, yeanzɛkye bɛ.

Edwɛndolɛ Buluku ne 143:10

Kilehile me maa menyɛ mɔɔ ɛkulo la, ɔluakɛ wɔmɔ a ɛle me Nyamenle a! Maa wɔ Sunsum kpalɛ ne ɛli me nyunlu, wɔ munzule adenle zo.

Edwɛndolɛ Buluku ne 145:19

Ɔmaa bɛdabɛ mɔɔ bɛsulo ye la nyia mɔɔ bɛkpondɛ la, eza ɔte bɛ ɛzunlɛ na ɔdie bɛ.

Edwɛndolɛ Buluku ne 18:41

Bɛzunle kɛ bɛkpondɛ moalɛ, na bɛannyia bie; bɛdeanle bɛvɛlɛle Ɛdɛnkɛma, na yeanlie zo.

Edwɛndolɛ Buluku ne 40:8

O me Nyamenle, mekulo kɛ meyɛ wɔ ɛhulolɛdeɛ; wɔ mɛla ne wɔ me ahonle nu.”

Edwɛndolɛ Buluku ne 99:6

Mosisi nee Aalɔn boka ye sɛlɛvolɛma ne, Samoɛle boka bɛdabɛ mɔɔ bɛzonlenle ye la. Bɛdeanle bɛvɛlɛle Ɛdɛnkɛma, na ɔliele bɛ zo.

Mrɛlɛbulɛ Buluku ne 15:29

Ɛdɛnkɛma nee amumuyɛma ɛmbɔ ɛweɛne, na ɔtie tenlenema nzɛlɛlɛ.

Mrɛlɛbulɛ Buluku ne 21:13

Sonla mɔɔ ehyianvolɛma su fɛlɛ ye a ɔtuodua ɔ nzo la, kenle bie ɔdaye ɔbazu na awie ɛnrɛdɛne ye zo.

Mrɛlɛbulɛ Buluku ne 28:9

Saa sonla tuodua ɔ nzo kɛ ɔnrɛdie mɛla ne a, ye nzɛlɛlɛ bɔbɔ le kyibadeɛ.

Ayezaya Buluku ne 1:15

“Saa bɛtɛlɛ bɛ sa nu kɛ bɛyɛ nzɛlɛlɛ a, mebaye me nye meado ɛbɔ nu. Bɛyɛ nzɛlɛlɛ dɔɔnwo kɛyɛ nyɛ bɔbɔ a, menrɛdie. Bɛ sa anwo le mogya ngome.

Ayezaya Buluku ne 58:9

Akee bɛbavɛlɛ, na mebalie bɛ zo; bɛbazu bɛavɛlɛ me, na mebaha kɛ: Medame ɛne. “Saa bɛgyakyi nzisililɛ, butulelilɛ yɛɛ edwɛkɛ mgbane mgbane ɛhehanlɛ,

Gyɛlɛmaya Buluku ne 11:11

Yemɔti, medame Ɛdɛnkɛma, bɛnlea, memaa munzule ado bɛ.

Gyɛlɛmaya Buluku ne 14:12

Saa bɛkye nwolɛ ɛhɔne bɔbɔ a, menrɛdie bɛ ɛzunlɛ, yɛɛ saa bɛfa ɛyelalɛ azubɔdeɛ anzɛɛ ma azubɔdeɛ bɛba me nyunlu a, me nye ɛnrɛzɔ ye. Mebava mealua konle, ɛhɔne, yɛɛ anwonyane nu meayela bɛ wee.”

Gyɛlɛmaya Buluku ne 15:1

Akee Ɛdɛnkɛma zele me kɛ, “Saa Mosisi nee Samoɛle bɔbɔ bagyinla me nyunlu kpa kyɛlɛ a, menrɛva menli ɛhye mɔ anwo edwɛkɛ menrɛhyɛ bɛ ɛlɛ. Ye bɛ fi me nye zo,

Yizikeɛle Buluku ne 8:18

Yemɔti mebava ɛya me nee bɛ ali. Menrɛvavi bie yɛɛ menrɛze anwunvɔne, bɛbazu ɛzunlɛ kpole bɔbɔ bɛavɛlɛ me, noko menrɛde bɛ ne.”

Maeka Buluku ne 3:4

Mekɛ badwu mɔɔ bɛbadea bɛavɛlɛ Ɛdɛnkɛma a, na ɔnrɛdɛne bɛ zo. Ɔbava ɔ nye yeavea bɛ, ɔboalekɛ bɛbɔ ɛbɛla ɛtane.”

Zɛkalaya Buluku ne 7:13

na ɔhanle kɛ, “Kɛmɔ menvɛlɛle na bɛandie la, bɛdabɛ bɛvɛlɛle la, medame noko meandie.

Dw 11:22

Na eza meze kɛ, kɛkala bɔbɔ, debie biala mɔɔ ɛkɛbiza Nyamenle la, ɔkɛyɛ ɔkɛmaa wɔ.”

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 4:34

Gyisɛse zele bɛ kɛ, “Me aleɛ a le kɛ menwɔli mɔɔ zoanle me la ɛhulolɛdeɛ zo na menwɔwie gyima mɔɔ ɔvale ɔmanle me kɛ menyɛ la yɛ.

Dw 7:17

Mɔɔ kɛboɔboa ɔ nwo kɛ ɔyɛ mɔɔ Nyamenle kpondɛ la banwu kɛ mɔɔ melɛkilehile la vi Nyamenle ɛkɛ anzɛɛ medame me ti anwo ngilehilelɛ ɔ.

Dw 9:30

Nrenya ne buale kɛ, “Edwɛkɛ ɛzulolɛ kpalɛ! Bɛnze ɛleka mɔɔ ɔvi a, noko yehola yedukue me nye.

Dw 9:32

Sumunli kɛ aloa bɔle la yɛtɛtele kɛ awie ɛdukue sonla mɔɔ bɛwole ye anyenzinliravolɛ la anye ɛlɛ.

Mɛla 1:45

Na bɛvale ɛzunlɛ bɛziale bɛrale Ɛdɛnkɛma ɛkɛ, noko Ɛdɛnkɛma andie bɛ yɛɛ yeannea bɛ nyunlu bɔbɔ.

Kɛlata mɔɔ bɛhɛlɛle bɛhɔmanle Hibuluma la 10:7

Ɛhye ati menganle kɛ, ‘O Nyamenle, mera kɛ mebayɛ mɔɔ ɛkpondɛ la, kɛmɔ bɛhɛlɛ ye wɔ me nwo wɔ mɛla buluku ne anu la.’ ”