Dw 9:3 - BAEBOLO ANZƐƐ BULUKU NWUANZANWUANZA

³ Gyisɛse buale kɛ, “Ye anyenzinlira ne ɛnvane ɔdaye ye ɛtane anzɛɛ ye awovolɛ ɛtane mɔɔ bɛyɛ la anwo. Bɛwole ye anyenzinlira amaa menli anwu kɛ Nyamenle tumi ne ɛlɛyɛ gyima wɔ ye nu.

Dw 9:3 ပူးပေါင်းရင်းမြစ်များ

Dwobu Buluku ne 21:27

“Nea, meze bɛ adwenle, nee me nwo adwenle ɛtane mɔɔ bɛlɛ la,

Dwobu Buluku ne 32:3

Eza ɔvale Dwobu agɔnwo mɔ nsa ne anwo ɛya, ɔboalekɛ bɛhanle kɛ Dwobu le ɛtanevolɛ bɔbɔ ɛdeɛ, noko bɛanyia nu kile kpalɛ biala.

Dwobu Buluku ne 42:7

Mɔɔ Ɛdɛnkɛma hanle edwɛkɛ ɛhye mɔ hilele Dwobu la, akee ɔzele Timanli Ɛlaefaze kɛ, “Meva wɔ nee ɛ gɔnwo mɔ nwiɔ ne anwo ɛya, ɔluakɛ bɛanga nɔhalɛ ne mɔɔ fane me nwo la, kɛmɔ me sonvolɛ Dwobu hanle la.

Edwɛkpa ne kɛmɔ Mateyu hɛlɛle la 11:5

anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo mɔwuamra bɛba ngoane nu bieko, yɛɛ bɛka Edwɛkpa ne bɛkile ehyianvolɛma.

Dw 11:4

Mɔɔ Gyisɛse asa hanle nrɛlaleɛ ne la ɔhanle kɛ, “Anwondolɛ ɛhye ɛnrɛmaa Lazalɛse ɛnrɛwu. Nyamenle anyunlunyia ti yɛɛ ɛhye ɛzi a, na ɔbayɛ debie mɔɔ ɔlua zolɛ Nyamenle Ara ne ɔdaye ɔbanyia anyunlunyia a.”

Dw 11:40

Gyisɛse zele ye kɛ, “Metɛkanle metɛkilele wɔ kɛ saa ɛdie ɛdi a ɛkɛnwu kɛ Nyamenle anyunlunyia ne si de la ɔ?”

Ɛzoanvolɛma Gyima ne 28:4

Mɔɔ bɔra ne azo amra nwunle kɛ ɛwɔlɛ ne beba Pɔɔlo asa la, bɛdule bɛ nwo azukue kɛ, “Sonla ɛhye kɛyɛ kɔdiawu. Yemɔti yevi nyevile ye anu kɔlɔnwo bɔbɔ ɛdeɛ, noko ɔyɛ biala a ɔbawu.”

Ɛzoanvolɛma Gyima ne 4:21

Ayiama ne bɔle bɛ kɔkɔ ɛsesebɛ na bɛgyakyile bɛ kɛ bɛhɔ, ɔluakɛ bɛnlɛ edwɛkɛ kpaziwɔkɛ biala mɔɔ bɛgyinla zolɛ bɛtwe bɛ nzo a ɔyɛ boɛ a, yɛɛ eza menli ne amuala ɛlɛyeyɛ Nyamenle wɔ mɔɔ ɛzi la anwo.

1 Dw 4:16

Yɛdayɛ mumua ne yɛze, yɛɛ yɛdie yɛdi kɛ Nyamenle kulo yɛ. Nyamenle le ɛhulolɛ, yemɔti awie biala mɔɔ lɛ ɛhulolɛ la nee Nyamenle de, yɛɛ Nyamenle nee ye de.

1 Dw 4:9

Kɛ Nyamenle zile hilele kɛ ɔkulo yɛ la ɛne: ɔzoanle ɔ Ra kokye ne wɔ ewiade ye anu, amaa ɔlua ɔ nwo zo yɛanyia ngoane.