Dw 9:16 - BAEBOLO ANZƐƐ BULUKU NWUANZANWUANZA

¹⁶ Falasiima ne bie mɔ hanle kɛ, “Sonla mɔɔ yɛle ɛhye la ɛnvi Nyamenle ɛkɛ, ɔboalekɛ ɔnli Ɛnwomenlelielɛ Kenle mɛla ne azo.” Bie mɔ noko hanle kɛ, “Na kɛ ɔkɛyɛ na sonla mɔɔ le ɛtanenli la ayɛ nwanwane gyima mɔɔ le zɛhae ɛ?” Na menli ne lile abunwiɔ.

Dw 9:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:10

Nrenya bie wɔ ɛkɛ ne mɔɔ ɔ sa ko ɛdwe a. Menli bie noko bɛdabɛ bɛra ɛkɛ ne kɛ bɛtɛ Gyisɛse na bɛahɔdoa ye. Yemɔti bɛbizale ye kɛ, “Asoo ɔtia yɛ mɛla ne kɛ bɛkɛyɛ ayile wɔ Ɛnwomenlelielɛ Kenle?”

Edwɛkpa ne kɛmɔ Mateyu hɛlɛle la 12:2

Falasiima bie mɔ nwunle ɛhye la bɛzele Gyisɛse kɛ, “Nea, kɛ wɔ ɛdoavolɛma ne ɛlɛyɛ mɔɔ bɛnyɛ la wɔ Ɛnwomenlelielɛ Kenle ɛ; ɔtia yɛ mɛla ne!”

Edwɛkpa ne kɛmɔ Luku hɛlɛle la 13:14

Nyianu sua ne kpanyinli ne vale ɛya kɛ Gyisɛse ɛyɛ ayile wɔ Ɛnwomenlelielɛ Kenle ne a, na ɔzele menli mɔɔ wɔ ɛkɛ ne la kɛ, “Yɛlɛ kenle nsia mɔɔ ɔwɔ kɛ yɛfa yɛyɛ gyima a; yemɔti bɛrɛla kenle zɔhane mɔ bɛmaa bɛyɛ bɛ ayile, na bɛgyakyi Ɛnwomenlelielɛ Kenle ne bɛmaa ɔla ɛkɛ ne.”

Dw 10:19

Edwɛkɛ ɛhye manle Dwuuma ne lile abunwiɔ.

Dw 14:11

Bɛlie me bɛli kɛ mede Selɛ ne nu yɛɛ Selɛ ne de me nu. Saa tɛ ye zɔhane a, ɛnee gyima mɔɔ meyɛ la ati, bɛlie me bɛli.

Dw 15:24

Saa meambanyɛ nwanwane gyima ɛhye mɔ mɔɔ awie ɛtɛyɛle bie ɛlɛ la wɔ bɛ avinli a, anrɛɛ bɛnli ɛtane nwo fɔlɛ; na kɛkala, bɛnwu mɔɔ menyɛle la yɛɛ bɛkpɔ me nee Egya a.

Dw 2:11

Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.

Dw 3:2

Kenle ko nɔɔzo ɔhɔle Gyisɛse ɛkɛ ne na ɔzele ye kɛ, “Relabae, yɛze kɛ wɔmɔ a ɛle kilehilevolɛ mɔɔ Nyamenle ɛzoa wɔ a. Awie biala ɛnrɛhola nwanwane ninyɛne mgbole mɔɔ ɛlɛyɛ la bie yɛ kyesɛ Nyamenle nee ye lua.”

Dw 5:10

Yemɔti Dwuu mgbanyima ne zɔle nrenya ne mɔɔ bɛyɛ ye ayile la nu na bɛzele ye kɛ, “Ɛnɛ le Ɛnwomenlelielɛ Kenle, yemɔti ɔtia yɛ mɛla ne kɛ ɛkɛzoa wɔ ɛkpa ne.”

Dw 5:36

Melɛ dasevolɛ kpole bie mɔɔ ka me nwo edwɛkɛ kpalɛ tɛla mɔɔ Dwɔn hanle la. Gyima ne mɔɔ meyɛ, gyima ne mɔɔ Selɛ ne ɛva ɛmaa me kɛ menyɛ la, yemɔ a di me daselɛ kpalɛ na ɔkile kɛ Selɛ ne a zoanle me a.

Dw 6:52

Ɛhye vale kpolera kpole radole Dwuuma ne mɔ avinli na bɛbizale kɛ, “Kɛ sonla ɛhye si ava ye nwonane amaa yɛali ɛ?”

Dw 7:12

Menli dɔɔnwo mɔɔ rale ɛvoyialilɛ ne bie la hanle ɔ nwo edwɛkɛ huhuhuhu dɔɔnwo. Bie mɔ se, “Ɔle sonla kpalɛ.” Bie mɔ noko se, “Ɔnle sonlakpalɛ, ɔlɛyɛ menli ne koasea.”

Dw 7:23

Na saa bɛyɛ kakula nrenya mrenyanu nzonlɛ wɔ Ɛnwomenlelielɛ Kenle na bɛndo Mosisi mɛla ne a, ɛnee duzu ati yɛɛ bɛva me nwo ɛya kɛ meyɛ sonla ayile memaa ɔ nwo ɛza wɔ Ɛnwomenlelielɛ Kenle ɛ?

Dw 7:43

Ɛhye ati mgbakyelɛ ralale menli ne avinli wɔ Gyisɛse ati.

Dw 9:24

Eza bɛvɛlɛle nrenya ne mɔɔ bɛwole ye anyenzinliravolɛ la bieko na bɛzele ye kɛ, “Nea Nyamenle anyunlu na ka nɔhalɛ ne! Yɛze kɛ nrenya ɛhye mɔɔ dukuele ɛ nye ne la le ɛtanenli.”

Ɛzoanvolɛma Gyima ne 14:4

Na menli mɔɔ wɔ suakpole ne azo la anloa anzɛ bɛ nwo; foa ko hɔle Dwuuma anzi, yɛɛ foa ko hɔle ɛzoanvolɛma ne anzi.