Dw 8:6 - BAEBOLO ANZƐƐ BULUKU NWUANZANWUANZA

⁶ Bɛhanle ɛhye bɛdole ye abɛla, amaa bɛanyia bie bɛagyinla zolɛ bɛahɔdoa ye. Na Gyisɛse hanle ɔ nwo aze na ɔvale ɔ sa ɔhɛlɛhɛlɛle azɛlɛ ne anwo.

Dw 8:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:9

Me ra Dwuda le kɛ awenade ralɛ, Ɔku ye kpɔvolɛ ne na ɔsia ɔbada. Ɔda na ɔtenrɛ ɔ nwo a, awenade belɛ ɔ, Nwane a kola tunwue ye a?

Edwɛndolɛ Buluku ne 39:1

Menganle kɛ, “Mebanlea me nwo boɛ, amaa meanva me nloa meanga ɛtane; mebazɔ me nloa, mekɛ mɔɔ amumuyɛma gyigyi me nyunlu la.”

Mrɛlɛbulɛ Buluku ne 26:17

Sonla mɔɔ fa ɔ nwo dielie butule mɔɔ ɛnle ye ɛdeɛ la anu la le kɛ sonla mɔɔ sɔ twea mɔɔ lua ye aze la anzo la.

Nolo 3:7

mekɛ mɔɔ bɛsuosua nu, yɛɛ mekɛ mɔɔ bɛkpomgba; mekɛ mɔɔ bɛyɛ koonwu, yɛɛ mekɛ mɔɔ bɛtendɛ;

Gyɛlɛmaya Buluku ne 17:13

O Ɛdɛnkɛma, Yizilayɛma anyelazo, awie biala mɔɔ kpo wɔ la anyunlu gua aze; bɛdabɛ mɔɔ bɛkakyi bɛ nzi bɛsi wɔ la abo zo baminli, kɛ asɛɛ bɛhɛlɛ bɛ aluma wɔ munlutu nu, ɔluakɛ bɛkpo wɔmɔ Ɛdɛnkɛma mɔɔ ɛle ngoane nzufeanvea la.

Daneɛle Buluku ne 5:5

Ɛkɛ ne ala bɛnwunle sonla ɛsalɛ kɛ yevinde na ɔlɛkɛlɛ suakunlu ɛkɛ ne bane ne mɔɔ nee kɛnlaneɛ baka ne anye bɔ zolɛ la anwo. Belemgbunli ne nwunle ɛsalɛ ne mɔɔ ɛlɛkɛlɛ la;

Emɔzo Buluku ne 5:10

Bɛkyi awie biala mɔɔ twi sonla mɔɔ ɛnli pɛlepɛle la anyunlu, yɛɛ bɛngulo awie biala mɔɔ ka nɔhalɛ la edwɛkɛ.

Emɔzo Buluku ne 5:13

Yemɔti mɔɔ ze nrɛlɛbɛ la bayɛ koonwu wɔ mekɛ zɛhae anu, ɔluakɛ ɔle munzule mekɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:22

menli ɛhye mɔ mɔɔ ɛnwu me anyunlunyia ne nee nwanwane ninyɛne mɔɔ menyɛle wɔ Yigyibiti nee fienemgbole ne anu, noko bɛzɔ me bɛnlea toonwo fane bulu, na bɛandie me aneɛ la,

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Edwɛkpa ne kɛmɔ Mateyu hɛlɛle la 15:23

Na Gyisɛse andɛne ye zo. Na ye ɛdoavolɛma ne rale rabodole ye kɛ, “Nea raalɛ ye maa ɔhɔ na ɔdoa yɛ ɔlɛyɛ alɛra!”

Edwɛkpa ne kɛmɔ Mateyu hɛlɛle la 16:1

Falasiima nee Sadusiima bie rale Gyisɛse ɛkɛ radole ye agyiba kɛ ɔyɛ nwanwane sɛkɛlɛneɛ ɔmaa bɛnlea, ɔva ɔhile kɛ Nyamenle die mɔɔ ɔlɛyɛ la to nu.

Edwɛkpa ne kɛmɔ Mateyu hɛlɛle la 19:3

Falasiima bie rale Gyisɛse anwo ɛkɛ radole ye agyiba bizale ye kɛ, “Asoo yɛ mɛla ne maa adenle kɛ nrenya kola bɔ ɔ ye ewole wɔ edwɛkɛ biala anwo?”

Edwɛkpa ne kɛmɔ Mateyu hɛlɛle la 22:18

Na Gyisɛse nwunle bɛ nwulowula ne, na ɔzele bɛ kɛ, “Bɛmɛ nabalabama, duzu ati a bɛsɔ me bɛanlea ɛ?

Edwɛkpa ne kɛmɔ Mateyu hɛlɛle la 22:35

Bɛ nuhua ko mɔɔ le mɛla kilehilevolɛ la zɔle ye nleanle na ɔbizale ye kɛ,

Edwɛkpa ne kɛmɔ Mateyu hɛlɛle la 26:63

Na Gyisɛse andɛ ɔ nloa anu. Sɛlɛvolɛ Kpanyinli ne akee zele Gyisɛse kɛ, “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne a.”

Edwɛkpa ne kɛmɔ Maake hɛlɛle la 10:2

Falasiima bie rale kɛ bɛbazɔ ye bɛanlea, na bɛbizale ye kɛ, “Asoo yɛ mɛla ne maa nrenya adenle maa ɔbɔ ɔ ye ewole? Ka maa yɛdie.”

Edwɛkpa ne kɛmɔ Maake hɛlɛle la 12:15

Gyisɛse nwunle bɛ nzi na ɔbizale bɛ kɛ, “Duzu ati a bɛra bɛbado me abɛla ɛ? Bɛva dwɛtɛ ne mɔɔ bɛdi la ko bɛrɛla bɛmaa menea.”

Edwɛkpa ne kɛmɔ Maake hɛlɛle la 3:2

Menli bie dɛle Gyisɛse nleanle saa ɔkɛyɛ nrenya ne ayile wɔ Ɛnwomenlelielɛ Kenle ne a ɛnee bɛahɔdoa ye.

Edwɛkpa ne kɛmɔ Maake hɛlɛle la 8:11

Falasiima bie rale Gyisɛse ɛkɛ nee ye razule kpolera. Ɛnee bɛkpondɛ kɛ bɛsɔ ye bɛnea la ati, bɛzele ye kɛ ɔyɛ nwanwane sɛkɛlɛneɛ ɔmaa bɛnlea, ɔva ɔhile kɛ Nyamenle die mɔɔ ɔlɛyɛ la to nu.

Edwɛkpa ne kɛmɔ Luku hɛlɛle la 10:25

Mɛla kilehilevolɛ bie rale kɛ ɔbazɔ Gyisɛse yeanlea, na ɔbizale ye kɛ, “Kilehilevolɛ, duzu a menyɛ na meanyia ngoane mɔɔ ɛnlɛ awieleɛ a?”

Edwɛkpa ne kɛmɔ Luku hɛlɛle la 11:16

Menli ne bie mɔ noko mɔɔ ɛnee kpondɛ kɛ bɛsɔ Gyisɛse bɛnea la hanle kɛ ɔyɛ nwanwane sɛkɛlɛneɛ mɔɔ kile kɛ Nyamenle die ye to nu la ɔhile bɛ.

Dw 8:2

Aleɛ hyenle nwonlomɔ mangyee ne la, ɔziale ɔhɔle Ɛzonlenlɛ Sua ne anu. Menli ne amuala rabɔle yiale ye na ɔdɛnlanle aze kɛ ɔkilehile bɛ.

1 Kɔl 10:9

Ɔnle kɛ yɛsɔ Awulae yɛnea, kɛmɔ bɛ bie mɔ yɛle a nwɔlɛ kekale bɛ hunle bɛ la.