Dw 8:54 - BAEBOLO ANZƐƐ BULUKU NWUANZANWUANZA

⁵⁴ Gyisɛse buale kɛ, “Saa me ngome mewula me nwo anyunlunyia a, ɛnee me anyunlunyia ɛndo ɛhwee. Ahenle mɔɔ wula me anyunlunyia la a le Egya, mɔɔ yemɔ a bɛse ɔle bɛ Nyamenle la.

Dw 8:54 ပူးပေါင်းရင်းမြစ်များ

Mrɛlɛbulɛ Buluku ne 25:27

Ɔnle kpalɛ kɛ sonla kɛnlo wolɛ dɔɔnwo, yemɔti nea kɛ menli si kanvo wɔ la boɛ.

Ayezaya Buluku ne 66:5

Bɛmɛ mɔɔ bɛsulo Ɛdɛnkɛma na bɛdi ye edwɛkɛ zo la, bɛdie mɔɔ ɔlɛka la. Ɔse, “Bɛ mediema ne mɔ mɔɔ kyi bɛ, na medame ti bɛmbu bɛ bie la ɛha kɛ, ‘Bɛmaa Ɛdɛnkɛma ɛhile ye anyunlunyia ne na ɔlie bɛ, amaa yɛanwu bɛ anyelielɛ ne.’ Na bɛmɛ bɔbɔ yɛɛ bɛ nyunlu bagua aze a.

Hozia Buluku ne 1:9

Ɛdɛnkɛma zele Hozia kɛ, “To ye ‘Bɛnlememenli,’ ɔboalekɛ Yizilayɛma ɛnle me menli, yɛɛ menle bɛ Nyamenle.”

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Dw 17:5

Egya, fa me anyunlunyia maa me, anyunlunyia ne mɔɔ bɛkabɔ ewiade ye la ɛnee melɛ ye la, fa maa me wɔ ɛ nyunlu ɛke kɛkala.

Dw 2:11

Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.

Dw 5:41

“Tɛ menli ayɛlɛyelɛ yɛɛ mekpondɛ a.

Dw 7:18

Awie mɔɔ di ɔ ti anwo kilehile la kpondɛ ɔdaye ɔ ngome ɔ nyunlu. Mɔɔ kpondɛ anyunlunyia maa mɔɔ zoanle ye la ka nɔhalɛ ne, yɛɛ nvonleɛ biala ɛnle ye nu.

Dw 7:39

Gyisɛse hanle ɛhye wɔ Sunsum ne mɔɔ menli mɔɔ die ye di la banyia ye la anwo. Mekɛ ne anu ɛnee bɛtɛfale Sunsum ne bɛtɛmanle, ɔboalekɛ ɛnee bɛtɛdwazole Gyisɛse bɛtɛbale ye anyunlunyia ne anu.

Dw 8:41

Bɛlɛyɛ mɔɔ bɛ ze kpalɛ ne yɛle la bie!” Bɛbuale ye kɛ, “Yɛnle arelazinli mralɛ; yɛ ze ala a le Nyamenle. Yɛle ɔ mra kpalɛ kpalɛ.”

Dw 8:50

Memkpondɛ anyunlunyia memmaa me nwo. Awie wɔ ɛkɛ ne mɔɔ yemɔ a anyunlunyia ne le ye ɛdeɛ a, na yemɔ a bua me benle a.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

2 Kɔl 10:18

Ɔluakɛ tɛ sonla mɔɔ kanvo ɔ ngome ɔ nwo la a sɔ Nyamenle anye a, na sonla mɔɔ Awulae kanvo ye la a sɔ Nyamenle anye a.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

2 Pit 1:17

Yɛwɔ ɛkɛ ne yɛɛ Nyamenle Selɛ ne dele ɔ nyunlu, wulale ye anyunlunyia a. Yɛwɔ ɛkɛ ne yɛɛ ɛnelɛ ne vi Anyunlunyia Bedevinli ne ɛkɛ ne hanle kɛ, “Me Ra mɔɔ mekulo ye la ɛne, me nye die ɔ nwo kpole!”